InfoHub Logo

جاسقانشاقتىقتان ايىعۋدىڭ جاقسى ءبىر جولى — كوپشىلىكپەن ارالاسۋ. جاسقانشاقتىق — بۇل ادام بويىنداعى جاعىمسىز قاسيەتتىڭ ءبىرى. جاسقانشاق مىنەزدى ادامداردىڭ ماقساتىنا جەتۋى سيرەك. ويتكەنى ولار ءار ىستە جاسقانىپ الدىعا ۇمتىلۋعا باتىلى بارا بەرمەيدى. ادامدارمەن سويلەسكەندە دە ۇيالمايتىن جەردەن ۇيالىپ، ءوز ويىن تولىق جەتكىزۋدەن ارلانادى. جاسقانشاق مىنەزدى ادامداردىڭ تاعى ءبىر كەمشىلىگى — الدىعا ۇمتىلۋعا ارلانادى، ەل-جۇرت نە دەيدى، قاسىمداعىلار نە دەيدى دەپ وسىنداي زياندى ويدىڭ ەتەگىندە جۇرەدى.

جاسقانشاق مىنەزدى ادامداردىڭ ءار ىستە دە ءوسۋى قيىن، سەبەبى بۇنداي مىنەزدى ادامدار ءوزىن كورسەتە المايدى، سوندىقتان وقۋ ورنىندا بولسىن، قىزمەتتە بولسىن، بيزنەستە بولسىن تابىسقا جەتۋىنە وسى مىنەزى كەدەرگى جاسايدى. ەگەر دە ءسىزدىڭ بويىڭىزدا وسى جاسقانشاقتىق مىنەز بولسا، وندا بۇدان دەرەۋ ايىعۋ جولدارىن قاراستىرىڭىز.

ايىعۋدىڭ جاقسى ءبىر جولى قاسىڭىزداعى دوستارىڭىزدىڭ قانداي بولۋىندا. ءسىزدىڭ دوستارىڭىزدىڭ بويىندا جاسقانشاقتىق مىنەزى جوق، قوعامدىق ورتادا ءوز ويىن ەمىن-ەركىن ايتا الاتىن تانىستارىڭىز بولسا، وندا وسى ادامدارمەن قارىم-قاتىناسىڭىزدى ارتتىرىڭىز.

ولاردىڭ مىنەز-قۇلقى سىزگە ءسوزسىز جۇعادى. جاسقانشاقتىق مىنەزدەن ءوزىڭىز-اق ايىعۋعا بولادى. ول ءۇشىن الدىمەن وزىڭىزگە سەنىمىڭىزدى ارتتىرىڭىز. قوعامدىق ورتادا ءوز ويىڭىزدى قىسىلماي، ەمىن-ەركىن جەتكىزۋگە تىرىسىڭىز. ۇيالماڭىز. ۇيالماڭىز دەپ مۇلدەم ۇياتسىز بولىپ كەتۋگە دە بولمايدى. كەيبىر ادامدار ۇيالمايتىن نارسەدەن ۇيالىپ، وزىنە قيىندىق تۋعىزادى. باستىسى — دۇرىس نارسەنى دۇرىس ىستەي الساڭىز بولعانى.

---