عىلىم مينيسترلىگى ۇزدىك عىلىمي ىزدەنىسكە بايقاۋ جاريالادى
ق ر عىلىم جانە جوعارى ءبىلىم مينيسترلىگىنىڭ عىلىم كوميتەتى جىل سايىنعى عىلىم سالاسىنداعى ىزدەنىس كونكۋرسىنىڭ باستالعانىن حابارلايدى.
بيىل گۋمانيتارلىق، جاراتىلىستانۋ عىلىمدارى، پەداگوگيكا جانە تۇركولوگيا سالالارىندا 6 سىيلىق بەكىتىلگەن. سونىمەن بىرگە 75 مەملەكەتتىك عىلىمي ستيپەنديا بەرىلەدى، ونىڭ ىشىندە 50ء-ى تالانتتى جاس عالىمدارعا ارنالعان.
عىلىم مەن تەحنيكانىڭ دامۋىنا ۇلەس قوسقان عالىمدار مەن عىلىمي قىزمەتكەرلەردى كوتەرمەلەۋ ماقساتىندا جىل سايىن عىلىم جانە جوعارى ءبىلىم مينيسترلىگىنىڭ عىلىم كوميتەتى سىيلىقتار مەن مەملەكەتتىك عىلىمي ستيپەنديالار تاعايىندايدى.
مەملەكەت ءۇشىن باسىم باعىتتاردا ىرگەلى نەمەسە قولدانبالى عىلىمي زەرتتەۋلەر جۇرگىزۋگە، عىلىمي كادرلار دايارلاۋعا بەلسەندى ات سالىسقان زەرتتەۋشىلەر وسى ماراپاتقا ۇمىتكەر بولا الادى.
سىيلىقتار مەن عىلىمي ستيپەنديالار كونكۋرستىق نەگىزدە كەلەسى باعىتتار بويىنشا تاعايىندالادى:
– جاراتىلىستانۋ عىلىمدارى سالاسىنداعى ۇزدىك عىلىمي زەرتتەۋى ءۇشىن ق.ي. ساتبايەۆ اتىنداعى ءبىر سىيلىق؛
– گۋمانيتارلىق عىلىمدار سالاسىنداعى ۇزدىك عىلىمي زەرتتەۋى ءۇشىن ش. ءۋاليحانوۆ اتىنداعى ءبىر سىيلىق؛
– پەداگوگيكا سالاسىنداعى ءۇزدiك عىلىمي زەرتتەۋى مەن جۇمىسى ءۇشiن ى. التىنسارين اتىنداعى ءبىر سىيلىق؛
– تۇركولوگيا سالاسىنداعى اسا زور جەتىستىكتەرى ءۇشىن كۇلتەگىن اتىنداعى ءبىر سىيلىق؛
– جاراتىلىستانۋ عىلىمدارى سالاسىنداعى ۇزدىك جۇمىسى ءۇشىن جاس عالىمدارعا ارنالعان د.ا. قونايەۆ اتىنداعى ءبىر سىيلىق؛
– گۋمانيتارلىق عىلىمدار سالاسىنداعى ۇزدىك جۇمىسى ءۇشىن جاس عالىمدارعا ارنالعان م.و. اۋەزوۆ اتىنداعى ءبىر سىيلىق؛
– 75 مەملەكەتتىك عىلىمي ستيپەنديا، ونىڭ ىشىندە 50ء-ى تالانتتى جاس عالىمدارعا ارنالعان.
ءوتىنىم 7 قازانعا دەيىن تۇرعىلىقتى جەرى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسىندا قابىلدانادى.
You Might Also Like
-
ءقادىرلى قۇدالار، اعايىندار! «ۇلىڭ وسسە ۇلى جاقسىمەن، قىزىڭ وسسە قىزى جاقسىمەن اۋىلداس بول» دەگەن دانا ءسوز بار حالقىمىزدا. بۇگىن مىنە، ەكى جاس ءبىر-بىرىمىزدى تۋىس ەتىپ وتىر. ءبارىمىز دە تۋ...
-
— كەشە كۇيەۋ بالانىڭ تۋعان كۇنىنە باردىق، — دەدى تانىس كەلىنشەك اڭگىمە ۇستىندە، — وڭكەي قايىن اپالار جينالىپپىز. جاقسىلاپ سىيلىق اپاردىق. "كۇيەۋ — دۇشپان" — ...
