قۇدالارعا تىلەك
ءقادىرلى قۇدالار، اعايىندار! «ۇلىڭ وسسە ۇلى جاقسىمەن، قىزىڭ وسسە قىزى جاقسىمەن اۋىلداس بول» دەگەن دانا ءسوز بار حالقىمىزدا. بۇگىن مىنە، ەكى جاس ءبىر-بىرىمىزدى تۋىس ەتىپ وتىر. ءبارىمىز دە تۋعان ءۇيىمىزدىڭ ءورىسىن وسىلاي كەڭەيتكەنبىز. قىز ءورىس دەگەن وسى ەكەن. قىزدىڭ بارعان جەرگە ءسىڭىپ كەتۋى بىرىنشىدەن، جاستاردىڭ تاربيەسىنە، ەكىنشىدەن اعايىننىڭ تاتۋلىعىنا كوپ بايلانىستى. كانەكي، ەكى جاسقا قۇتتى قادام، قۇدالارعا ىنتىماق تىلەيىك.
**** **** ****
ءقادىرلى تۋىستار، مەيماندار. كۇنى كەشە قۇدالاردىڭ الدىنان ءوتىپ، الاقاندارىنا سالىپ ايالاپ وتىرعان قىزدارىن ۇكىلەپ الىپ كەلدىك. بۇگىن مىنە توي-دۋمان ءبىزدىڭ ەلدە ءجۇرىپ جاتىر. قىزدى تۋعان ۇياسىنان ۇشىرۋ وڭاي ەمەس. قىز اتا-اناسىنىڭ، تۋىستارىنىڭ قانداي قيماس سەزىممەن، ۇلكەن ۇمىتپەن، كامىل سەنىممەن اتتاندىرىپ سالعاندارىن كوردىك. جاستاردىڭ قادامى قۇتتى بولسىن. تىككەن وتاۋلارىنا ىرىس كىرسىن، ىنتىماقتى بولسىن. كەلىننىڭ ەتەگى بالاعا تولسىن، بىر-ەكەۋمەن شەكتەلىپ قالماسىن. اپكەم مەن جەزدەم ەندى نەمەرە ءسۇيىپ، سولاردى الپەشتەپ، قىزىقتارىنا كەنەلە بەرسىن، ءبىز سونىڭ كۋاسى بولايىق.
You Might Also Like
-
قۇرمەتتى حالايىق، بۇگىن ءبىزدىڭ قۋانىشىمىزدى بولىسۋگە كەلىپ وتىرعان اعايىن، تۋىس، باۋىرلار!
-
ق ر عىلىم جانە جوعارى ءبىلىم مينيسترلىگىنىڭ عىلىم كوميتەتى جىل سايىنعى عىلىم سالاسىنداعى ىزدەنىس كونكۋرسىنىڭ باستالعانىن حابارلايدى.
