عىلىمنىڭ قارقىندى دامي بەرۋىنە جاعداي جاساي بەرەتىن بولامىز - نازاربايەۆ
سوڭعى 3 جىلدا عىلىمعا 100 ملرد تەڭگە ءبولىندى. الداعى ۋاقىتتا بۇل ۇستانىمنان اينىماي، عىلىمنىڭ قارقىندى دامي بەرۋىنە جاعداي جاساي بەرەتىن بولامىز، دەدى قازاقستان پرەزيدەنتى نۇرسۇلتان نازاربايەۆ ق ر ۇلتتىق عىلىم اكادەمياسىنىڭ 70 جىلدىق مەرەيتويىنا ارنالعان ق ر ۇعا-نىڭ جالپى جينالىسىنىڭ سالتاناتتى سەسسياسىندا.
«بۇگىنگى مەرەيلى ساتتە ءبىز قانىش ساتبايەۆ، مۇحتار اۋەزوۆ، الكەي مارعۇلان سىندى عۇلامالارىمىزدى اتاپ ءوتۋىمىز قاجەت. تاۋەلسىزدىك جىلدارىندا ۇعا الدىڭعى بۋىننىڭ ابىرويلى ءىسىن جالعاستىرا ءبىلدى. 25 جىلدا عىلىمي ۇيىمداردىڭ سانى 2 ەسەگە كوبەيىپ، 300-دەن استى. عىلىمدى قارجىلاندىرۋ جىل وتكەن سايىن ارتىپ كەلەدى. سوڭعى 3 جىلدا عانا 100 ملرد تەڭگە ءبولىندى. الداعى ۋاقىتتا بۇل ۇستانىمنان اينىماي، عىلىمنىڭ قارقىندى دامي بەرۋىنە جاعدايدى جاسايتىن بولامىز. الەمنىڭ دامىعان 30 ەلىنە قوسىلۋ جولىندا سىزدەرگە (عالىمدار - رەد) زور ءۇمىت ارتىلادى. وسى الدىمىزعا قويعان ماقساتىمىزعا جەتۋ ءۇشىن مەن قازاقستاننىڭ 3ء-شى جاڭعىرۋى تۋرالى جولداۋىمدا 5 باسىمدىقتى ايقىنداپ بەردىم. 21 عاسىر - عىلىم مەن ءبىلىمنىڭ عاسىرى. اسىرەسە، قولدانبالى عىلىمنىڭ كوز ىلەسپەس جىلدامدىقپەن دامىپ جاتقانىن كورىپ وتىرمىز. عالىمدارىمىز دا جاڭا كوكجيەكتەرگە كوز تىگىپ، زەرتتەلمەگەن كەڭىستىكتەردى يگەرۋى ءتيىس. ءبىز الەمدىك جاڭا تەحنولوگيالاردى يگەرىپ وزىمىزگە بەيىمدەۋىمىز كەرەك. مەن اكادەميكتەرمەن كەزدەسۋىمدە دۇنيەدە بولماعاندى اشۋ ناعىز ريەۆوليۋسيا بولار ەدى، ءبىراق دۇنيەدە بار نارسەنى قازاقستانعا اكەلىپ بەيىمدەۋ، ول دا عىلىم دەپ ايتقان بولاتىنمىن. عالىمدارىمىز وسى ىسكە بەلسەندى اتسالىۋسى قاجەت. سوندىقتان، ءداۋىر سۇرانىستارىنا ساي، ولار عىلىمي كوزقاراستارىن قايتا قاراۋى كەرەك. ءبىز ونەركاسىپتىك عىلىمنىڭ قاجەتتىگىن ەسكەرە وتىرىپ، گۋمانيتارلىق سالاعا دا ۇمتىلۋىمىز كەرەك»، - دەدى ەلباسى.
ايتا كەتەيىك، بۇگىن، 22 اقپان اباي اتىنداعى قازاق مەملەكەتتىك اكادەميالىق وپەرا جانە بالەت تەاترى عيماراتىندا ق ر پرەزيدەنتى، ق ر ۇعا اكادەميگى نۇرسۇلتان نازاربايەۆتىڭ قاتىسۋىمەن ق ر ۇعا-نىڭ 70 جىلدىق مەرەيتويىنا ارنالعان ق ر ۇعا-نىڭ جالپى جينالىسىنىڭ سالتاناتتى سەسسياسى ءوتتى.
سەسسيا جۇمىسىنا اكادەميكتەر، كوررەسپوندەنت-مۇشەلەرى، ق ر ۇعا-نىڭ قۇرمەتتى مۇشەلەرى، جوو رەكتورلارى، عزي ديرەكتورلارى، ەلدىڭ كورنەكتى قوعامدىق جانە مادەنيەت قايراتكەرلەرى، شەتەلدىك قوناقتار عىلىم اكادەميالارى پرەزيدەنتتەرى رەسەي فەدەراسياسىنان فورتوۆ ۆ.ە.، قىرعىزستاننان ەركەبايەۆ ا.ە.، گرۋزيادان كۆەسيتادزە گ.ي.، مولدوۆادان دۋكا گ.گ.، تاتارستاننان سالاحوۆ م.ح.، بەلارۋس ۇعا پرەزيديۋمى ءتوراعاسىنىڭ ورىنباسارى كيلين س.يا.، ۋكراينا ۇعا ۆيسە-پرەزيدەنتى كوشەچكو ۆ.گ.، وزبەكستان عا جالپى جانە بەيورگانيكالىق حيميا ينستيتۋتىنىڭ ديرەكتورى زاكيروۆ ب.س.، ءازىربايجان ۇعا ءتورالقا اكىمشىلىگىنىڭ عىلىم جانە ءبىلىم بەرۋ باسقارماسىنىڭ باستىعى سادىگوۆ ا.، تاجىكستان رەسپۋبليكاسى عا اكادەميگى م.يلولوۆ «Elsevier» باسقارما ءتوراعاسى جانە ستراتەگيالىق دامۋ جەتەكشىسى، «Relax group» ديرەكتورلار كەڭەسىنىڭ مۇشەسى يونگ سۋك چي، قحر-نىڭ الماتى قالاسى باس كونسۋلى چجان ۆەي قاتىستى.
You Might Also Like
-
نۇرسۇلتان نازاربايەۆ قازاقستان رەسپۋبليكاسى ۇلتتىق عىلىم اكادەمياسىنىڭ جالپى جينالىسىنىڭ سالتاناتتى سەسسياسىنا قاتىستى، دەپ حابارلايدى اقوردانىڭ باسپا ءسوز قىزمەتى.
