InfoHub Logo

جوبانىڭ ماقساتى: ۇلتىمىزدىڭ نەگىزسىز ۇمىتىلىپ بارا جاتقان ويىنىن جاڭعىرتۋ، بابالارىمىزدىڭ ويىنى تۋرالى تۇسىنىك بەرۋ. ۇلتىمىزدىڭ قۇندىلىقتارىن قاستەرلەۋگە باۋلۋ، قازاق حالقىنىڭ برەندتتەرىن ساقتاپ الەمدىك دەنگەيدەگى سپورتتىق ويىندار قاتارىنا قوستىرۋعا وي تۋعىزۋ.

اسىق – ءتورت تۇلىك مال مەن قوڭىر اڭدار تىلەرسەگىندە بولاتىن، قىزمەتى اسا كۇردەلى، بۋىنعا بىتكەن شىمىر سۇيەك.

قوي، ەشكى، سيىر، تۇيەاسىعى ۇلكەن - كىشىلىگىنە قاراماستان ءبىر پىشىندەس، مۇسىندەس كەلەدى. ال جىلقى اسىعى باسقا ءپىشىندى بولادى. اسىقپەن «حانتالاپاي»، «ءۇش تابان»، «شەڭبەر» سياقتى نەشە ءتۇرلى اسىق ويىندارى وينالادى. ويىندا اسىقتىڭ سىرتقى پىشىندەرى ۇلكەن ءرول اتقارادى.

قازاق حالقىنىڭ ۇلتتىق ويىندارىنىڭ كوبى تابيعي زاتتارمەن ويناۋعا نەگىزدەلگەن. شارۋاشىلىعى مال شارۋاشىلىعىنا نەگىزدەلگەندىكتەن قازاق حالقىنىڭ ۇلت ويىندارى دا وسىعان يكەمدەلەدى. اسىرەسە، قويدى كوپ وسىرگەندىكتەن، بالالار ويىنىنىڭ كوبى قوي اسىعىمەن بايلانىستى بولىپ كەلەدى. سوندىقتان اسىق ويىندارى ۇلت ويىندارىنىڭ ىشىندەگى ارىدان كەلە جاتقان كونەلەرىنىڭ ءبىرى بولىپ تابىلادى. اسىق ويىنى بالانىڭ جاستايىنان نەرۆ جۇيەلەرىن شىڭداپ، ولاردى دالدىككە، ۇستامدىلىققا، بايسالدىلىققا تاربيەلەيدى. مۇنداي قاسيەتى بولماسا، ادامدا توزىمدىلىك، شىدامدىلىق تا بولمايدى. ونداي قاسيەتتەرى بولماسا، ادام ويىندا دا، ومىردە دە كوزدەگەن ماقساتىنان شىعا بەرمەيدى. بۇل ويىننىڭ ەڭبەكتەگەن بالادان، ەڭكەيگەن كارىگە دەيىن وينايتىن تۇرلەرى بولعان.

اسىق ويىندارى – تەك قازاققا عانا ەمەس، بۇكىل تۇركى حالىقتارىنا ورتاق ۇلتتىق يگىلىك. اسىق ويىندارى ەڭ العاش ەجەلگى تۇركىلەردىڭ اراسىندا پايدا بولعان. سونداي – اق اسىق ويىندارى بايىرعى گرەك ەلىندە – استرالاگ، ال ريمدە تالۋس دەگەن اتپەن كەڭىنەن تارالعانىن كورسەتەدى مالىمەتتەر.

اسىقتىڭ اتاۋلارى

الشى – اسىقتىڭ يىرىلگەندە تەگىس تابانى جەرگە ءتيىپ، تۇرىق ءتۇسۋى. ويىن كەزىندە وعان ءبىرىنشى دارەجەلى ءمان بەرىلەدى.

تايكى(تاۋا) – اسىقتىڭ يىرىلەندە شۇڭقىرلاۋ تابانى جەرگە ءتيىپ، تۇرىق ءتۇسۋى. ول ەكىنشى دارەجەلى مانگە يە.

بۇگە(بۇك) – اسىقتىڭ يىرىلگەندە دوڭەس جونى ۇستىنە قاراپ، ەتپەتىنەن جاتىق ءتۇسۋى. ول ءۇشىنشى دارەجەلى مانگە يە.

شىك – اسىقتىڭ يىرىلگەندە شۇڭقىر قۇرساق جاعى ۇستىنە قاراپ، شالقاسىنان تۇسكەنى. ول تورتىنشەلى دارەجەلى اسىق.

قورىتىندى

قورىتا ايتسام، ءقازىر بالالار ويىن اۆتوماتتارى، ينتەرنەت سىندى زياندى ويىندارعا اۋەس بولىپ بارادى. كەز - كەلگەن ويىن اۆتوماتتارىنا باس سۇقساڭ كوبىنە كوپ قازاقتىڭ بالاسىن كەزدەستىرەسىڭ. بىرىنشىدەن، بۇل ويىنداردىڭ ادام دەنساۋلىعىنا تيگىزەر زالالى كوپ. ەكىنشىدەن، بالانىڭ ويلاۋ قابىلەتى، ويلاۋ شەڭبەرى بەلگىلى ءبىر جۇيەدە شەكتەلىپ قالادى.

ۇلتتىق اسىق تاريحىن ۇمىت قالدىرماي، جاڭاشىل لەپپەن ويىندار ويلاپ تابۋ دا اربىرەۋىمىزدىڭ قولىمىزدان كەلەرى حاق. اسىق – تاۋسىلماس مۇرامەن قاتار، تاۋسىلماس يدەيا دەپ ايتار ەدىم. وعان دالەل ب. مومىش ۇلىنىڭ ايتقانى: «اسىق ەپتىلىككە، مەرگەندىككە باۋليدى. بۇل - ۇلكەن حالىقتىق تاربيە»،- دەپ جوعارعى باسشىلىققا حات جازعان بولاتىن. ەندەشە، قۇرمەتتى تىڭدارمان، اسىق توڭىرەگىندە تاقىرىپتى بىرگە تۇرلەندىرەيىك! تىڭداعاندارىڭىزعا العىسىمدا ايتا وتىرىپ، ءاردايىم اسىقتارىڭىز الشىسىنان ءتۇسسىن دەگىم كەلەدى.