كوتەرىلمەي جۇرگەندە ەڭسەم مەنىڭ،
ارماندادىم، بىرەۋدى كورسەم دەدىم.
بىرەۋ ماعان الىستان قولىن سوزعان،
قولىن سوزعان قامقورشىم، سول سەن بە ءودىڭ؟
تانىسىپ تا، اشىنىپ سەزىمدەرىم،
ۇزاق تاڭعا ۇيىقتاماي، كوز ىلمەدىم.
سوندا مەنى بىرەۋ كەپ الديلەگەن،
الديلەگەن ءسابيىن ءوزىڭ بە ەدىڭ؟!
سەرى كۇننەن جالىعىپ، كەرى كۇننەن،
جالعىزسىراپ كەي-كەيدە جەرىدىم مەن.
بىرەۋ سوندا جانىمنان شىقپايتۇعىن،
جانى بىرگە مەنىمەن سەرىگىم بە ەڭ؟!
قىسىلتاياڭ ساتتەردە ساعان كەلدىم،
جاسىرماي-اق ءحالىمدى جامان دەدىم.
ءمۇڭىم مەنەن سىرىما ورتاق بولعان
ادام با ەدىڭ!
اياۋلى پانام مەنىڭ
سەن مەنىڭ كوتەرىلگەن ەڭسەم بە ەدىڭ؟
ارماندادىم، ءوزىڭدى كەرسەم دەدىم.
باقىت ىزدەپ ءجۇر ەدىم، سول سەن بە ەدىڭ؟!
ارمانىم جوق، الدىڭدا ولسەم سەنىڭ.

---