ىنتىماقتاستىق مۇمكىندىگى
قازاقستان مەن ءۇندىستان اراسىنداعى ستراتەگيالىق قارىم-قاتىناستار بۇرىننان بار، ال قازۇۋ مەن ينتەگرال ۋنيۆەرسيتەتىنىڭ ءوزارا ءتيىمدى ىنتىماقتاستىعىنىڭ بولاشاعى زور، دەدى شەلدىك قوناقتاردى قابىلداعان عالىم مۇتانوۆ. ءقازۇۋ-دىڭ شىعىستانۋ فاكۋلتەتىندە حيندي جانە ۋردۋ تىلدەرىن زەردەلەيتىن ءۇندىتانۋ ءبولىمى جۇمىس ىستەيدى. وتكەن جىلى ماحاتما گاندي ورتالىعى اشىلعان. قازۇۋ-دا ءۇندىستاننان كەلگەن ستۋدەنتتەر وقيدى.
«بيىل ءبىزدىڭ ۋنيۆەرسيتەت 85 جىلدىعىن اتاپ ءوتتى. وسى ءىس-شاراعا قاتىسقان ءسىزدىڭ ۋنيۆەرسيتەتتىڭ دەلەگاسياسىنا العىس ايتقىم كەلەدى، – دەپ اتاپ ءوتتى قازۇۋ رەكتورى. – 2020 جىلى شىعىستىڭ ويشىل ءال-فارابيدىڭ 1150 جىلدىعىن كەڭ كولەمدى تويلاۋ جوسپارلانىپ وتىر. ايتارلىقتاي نارسە، ءۇندىستاننىڭ دەلي قالاسىندا ۇلى عالىم ءۇيى اشىلدى».
ينتەگرال ۋنيۆەرسيتەتىنىڭ پرەزيدەنتى سايەد ۆاسيم احتارا ءوز كەزەگىندە ۋنيۆەرسيتەتتەر اراسىنداعى دوستىق قارىم-قاتىناستاردىڭ ماڭىزدىلىعىن ايتا كەلىپ، جىلى قابىلداۋلار ءۇشىن العىسىن ءبىلدىردى.
«عالىم ءال-فارابيدى ءۇندىستاندا بىلەدى جانە قۇرمەتتەيدى. كازۇۋ ءبىزدىڭ ەلىمىزدە تانىمال، دەدى سايەد ۆاسيم احتارا. - قازاقستاندا عىلىم، تەحنولوگيا جانە مەنەدجمەنت سالاسىندا مامانداندىرىلعان كوپتەگەن جوعارى وقۋ ورىندارى بار. ءبىراق ءبىز ءبىلىم بەرۋدى دامىتۋ، يننوۆاسيالار مەن تەحنولوگيالار ەنگىزۋدەگى باي تاجىريبەلەرىڭىزدى قابىلداۋ ءۇشىن ءسىزدىڭ ۋنيۆەرسيتەتكە كەلىپ وتىرمىز. ەگەر سىزدەر قىزىعۋشىلىق تانىتساڭىزدار ءبىز ءوزىمىزدىڭ ءوز تاجىريبەلەرىمىزبەن بولىسۋگە مۇددەلىمىز. ماحاتما گاندي ورتالىعىن اشقانىڭىز ءۇشىن ءبىز وتە ريزامىز. ءبىزدىڭ قارىم-قاتىناستىڭ وسىلايشا تابىستى باستالعانىنا مەن قۋانىشتىمىن جانە ىنتىماقتاستىق بارىسىندا ءبىز ورتاق ماقساتتارىمىزعا ءبىز جەتەمىز دەپ ۇمىتتەنەمىن» دەدى ول.
سايەد ۆاسيم احتارا مىرزا ماحاتما گاندي ورتالىعىنا قولداۋ جانە ۋردۋ ءتىلىن وقىتۋعا كومەك كورسەتۋگە دايىن ەكەندىگىن ءبىلدىردى. سونداي-اق، «ينتەگرال» ۋنيۆەرسيتەتىندە قازاق ءتىلى مەن مادەنيەتى ورتالىعىن اشۋدى ۇسىندى. عالىم مۇتانوۆ ءوز كەزەگىندە بۇل باستاماعا ۇلكەن قىزىعۋشىلىق ءبىلدىرىپ، كەلەشەكتە مەديسينا جانە دەنساۋلىق ساقتاۋ فاكۋلتەتىن دامىتۋ ىنتىماقتاستىعى مۇمكىندىگىن ايتىپ، بىرلەسكەن ينۆەستيسيالىق جوبالاردى جۇزەگە اسىرۋ مۇمكىندىكتەرىن تالقىلاۋدى ۇسىندى.
ءال-فارابي اتىنداعى قازۇۋ زاڭ فاكۋلتەتىنىڭ اعا وقىتۋشىسى ا.ا. ەسەكەيەۆا
You Might Also Like
-
قوجاناسىر ۇستاعان بودەنەلەرىنىڭ ءجۇنىن جۇلىپ، ولاردى قۋىرىپتى دا، قازاندى جاۋىپ، مۇنىڭ اڭشىلىعى شامالى دەپ جۇرگەندەردى قوناققا شاقىرۋعا كەتەدى. سول ارادا اڭدىپ جۇرگەن قۋلاردىڭ ءبىرى كەلىپ، قۋىرىلعان ...
-
مەنىڭ اكەم احان دۇيسەن ۇلى — بۇكىل ءومىرىن وسى ۋسپەن رۋدنيگىندە جۇمىسشىلىقپەن وتكىزگەن ادام. ۇزاقتى كۇن ءجۇرىپ جۇمىس ىستەگەندەگى تابىسى شيەتتەي جەتى بالا مەن قارت انامىزدى اسىراۋعا جەتپەيتىن. جە...
