جىعىلعان ۇستىنە جۇدىرىق
كەيىن سول حورباتەل باسقارعان «يۋنسكيي» شاحتاسىندا شاناشى بولىپ ىستەدىم. قازىرگى جاس شاحتەرلەرگە «شاحتادا شاناشى بولىپ ىستەدىم» دەگەن ءسوز ءبىرتۇرلى جات ەستىلەدى. ءبىز ول كەزدە قارا جەرگە كومىر تيەلگەن شانا تارتتىق، ەڭبەكتىڭ ەڭ اۋىر زاردابىن شەكتىك.
جۇمىستا مەرزىمدى ۋاقىت بولمايتىن. شاحتاعا تاڭ قاراڭعىسىنان ءتۇسىپ، ودان قاس قارايا شىعاتىنبىز. «يۋنسكيي» شاحتاسىنىڭ باستىعى حورباتەل بايدىڭ قولىندا قايقى قايىڭ تاياعى بولاتىن. ول كوڭىلىنە جاقپاعان جۇمىسشىنى وسى تاياقپەن ۇرىپ جىبەرەتىن.
جۇمىس كيىمدى، قۇرال-سايماندى ءوز جالاقىمىزعا ساتىپ الاتىنبىز. وندا كيىم دەيتىن كيىم دە جوق ەدى، اياعىمىزعا كيەتىنىمىز شاركە بولاتىن. جەر استىنداعى تىزەدەن كەلەتىن سۋدا ءبىراز جۇرگەننەن كەيىن شاركە بىلبىراپ، ونىڭ ەشقانداي لىپاسى بولماي قالاتىن. دەرتكە شالدىقپاعان جۇمىسشى كەمدە كەم-اق بولاتىن.
ءبىر كۇنى جۇمىسقا تۇسەيىن دەپ تۇرعاندا، حورباتەل مەنى شاقىرىپ الىپ:
— بالامدى جەگۋلى اتپەن سەرۋەنگە شىعارىپ كەلەسىڭ، — دەدى. قاراشولاق ات جەگىلگەن جەڭىل ارباعا حورباتەلدىڭ كىشكەنە بالاسى ەكەۋمىز وتىرىپ الىپ، تارتىپ بەردىك. كورگەنى جامان ەركە بالا اربا قاتتى شايقاپ كەتسە بولعانى، اعىلشىن تىلىندە مىڭگىرلەپ، مەنى بالاعاتتاپ قويادى. ءاقور دەيتىن جەردەن تومەن ءتۇسىپ زىمىراپ كەلە جاتقانىمىزدا، اربا اۋدارىلىپ كەتتى. بالا دا، مەن دە اناداي جەرگە ۇشىپ تۇستىك.
سول كۇنى ۇلكەن پالەگە قالدىم. حورباتەل بالاسىن جىعىپ العانىم ءۇشىن مەنى تاياقتىڭ استىنا الدى. جانە ايىپ سالىپ، ەكى اپتالىق جالاقىمدى ۇستاپ قالدى...
ءبىر كۇنى پەشتەن ستۆولعا قاراي ۆاگونەتكا سۇيرەپ كەلە جاتقانىمدا، ەكى ۆاگونەتكا سوقتىعىسىپ، قاپىلىستا قولىم سىنىپ قالدى. وسى كەزدە حورباتەلدىڭ قايدان كەز بولعانىن بىلمەيمىن، «جىعىلعان ۇستىنە جۇدىرىق» دەگەندەي شەكەمنەن تاياقپەن سالىپ-سالىپ جىبەردى. تالىپ قالىپپىن. قاسىمدا جان جوق ەدى. شىعىس شترەكتە جۇمىس ىستەيتىن ەلەگەنوۆ ەتەكپاي دەگەن جۇمىسشى جۇمىستان شىعىپ كەلە جاتىپ، مەنىڭ سوققىعا جىعىلىپ جاتقانىمدى كورىپتى. الۋەتتى جىگىت ەدى، مەنى ارقالاپ قىر ۇستىنە شىعاردى...
ول كەزدە تاڭنىڭ اتىسى، كۇننىڭ باتتىسى جۇمىس ىستەگەندە كۇنىنە الاتىنىمىز 20 تيىن عانا. ىشسەك اسقا، كيسەك كيىمگە جارىمايتىن ەدىك. ءبىراق جۇمىسشىلار دا ولاردىڭ قارا ق ۇلى بولىپ وتىرا بەرگەن جوق. ءتىپتى ۇيىمداسقان تۇردە تالاي رەت جۇ- مىسقا دا شىقپاي قويدىق. توبەلەس تە، جانجال دا جاسادىق...
You Might Also Like
-
قوجاناسىر دوسى ەكەۋى بىرىگىپ ايران ساتىپ الادى. ولار ايراندى ىشكەلى وتىرعاندا، دوسى تاباقتىڭ ورتاسىن سىزىپ:
-
باقتىبالا دەگەن قىزدىڭ اتى. ول قىز قازىرگى مەنىڭ كەمپىرىم. ال «باقتىبالانىڭ زارى» دەپ اتالاتىن ولەڭ — مىنا وتىرعان كەمپىرىمنىڭ قىز كۇنىندە ماعان عاشىق بولىپ شىعارعان ءانى.
