InfoHub Logo

جارالى كوليت كەزىندە زاقىمدانۋ ءاردايىم توق ىشەكتىڭ شىرىشتى قاباتىنىڭ بەتكى جاعىنىڭ زاقىمدانۋىمەن شەكتەلەدى: ءۇردىس ءارقاشان تىك ىشەكتى قامتيدى، ال ىشەكتىڭ باسقا بولىمدەرىن قامتۋ جيىلىگى ءارتۇرلى بولادى. توق ىشەكتىڭ اياقتالۋ شەگىندە جارالى كوليت جارالى تىك ىشەك قابىنۋى دەپ اتالىپ كەتتى. بالالاردا جارالى تىك ىشەك قابىنۋىنىڭ بولجامى جاقسى. ايماقتىق ەنتەريت نەمەسە كرون اۋرۋى، ىشەك قابىرعاسىنىڭ بارلىق قاباتتارىنا تارالاتىن جانە اۋىز قۋىسىنان باستاپ، ارتقى وتىسكە دەيىن زاقىمدايتىن قابىنۋ بولىپ تابىلادى. كرون كوليتىنىڭ شەكتەۋلى سيندرومىن كەيدە جارالى كوليتتەن اجىراتۋ قيىن بولادى.

جارالى كوليتتىڭ اعىمى اۋىرلاعان جاعدايداعى ەمدەۋ ءتاسىلى

جارالى كوليتتىڭ ەمى ناۋقاستىڭ جاسىنا، اۋرۋدىڭ ۇزاقتىعىنا جانە كورىنىسىنىڭ اۋىرلىعىنا بايلانىستى. ادەتتە جارالى كوليتپەن ناۋقاستارعا سۋلفاسالازين تاعايىندالادى. ول تەك گليۋكوزو-6 فوسفاتدەگيدروگەنازانىڭ جەتىسپەۋشىلىگى بار نەمەسە سۋلبتوبى بار دارىلەرگە اللەرگياسى بار ناۋقاستارعا تاعايىندالمايدى. سونىمەن بىرگە فوليي قىشقىلىنىڭ پرەپاراتتارى تاعايىندالۋى كەرەك. ىشەكتىڭ ديستالدى بولىكتەرىمەن شەكتەلگەن اۋرۋدى ەمدەۋ كەزىندە ستەرويدتى دارىلەرمەن نەمەسە 5-امينوساليسيل كىشقىلىمەن جاسالاتىن كليزمالار ءتيىمدى بولۋى مۇمكىن. بۇدان اۋىر جاعدايلاردا رەميسسياعا قول جەتكىزۋ ءۇشىن پرەدنيزولوندى (نەمەسە ستەرويدتى گورمونداردىڭ باسقا دا توپتارىن) قولدانادى.

ەگەر امبۋلاتورلى جاعدايدا ەمدەۋ ناتيجە بەرمەسە، ناۋقاسقا تەك ەڭ قاجەت ونىمدەردەن تۇراتىن ەمدام نەمەسە پارەنتەرالدى تاماقتاندىرۋ تاعايىندالادى. قابىلدايتىن تاماق مولشەرىن ايتارلىقتاي شەكتەۋ مەن كوكتامىر ارقىلى تاماقتاندىرۋ ارقىلى ەمدەۋ كوبىنەسە ءتيىمدى بولادى.

يممۋنوسۋپرەسسيۆتى تەراپيا (ازاتيوپرين) رەميسسيانى بەكىتۋ ءۇشىن كەرەك. ەگەر كونسەرۆاتيۆتى ەم ناۋقاستىڭ جاعدايىن جاقسارتپاسا، نەمەسە ۋىتتىق مەگاكولون دامىسا، وندا حيرۋرگيالىق ەم وتكىزۋ قاجەت.

جارالى كوليت پەن كرون اۋرۋىنىڭ ديففەرەنسيالدى-دياگنوستيكالىق بەلگىلەرى

سىرقاتتانۋشىلىق 10-19 جاس ارالىعىندا. اۋرۋدىڭ بالالىق شاقتا باستالۋى	جارالى كوليت 2: 100 000 15-20%	كرون اۋرۋى 3،5: 100 000 20-25%
كلينيكالىق بەلگىلەرى	ديارەيا — 50% تىك ىشەكتەن قان كەتۋ>50%، سالماعىن جوعالتۋ — 65%، بويىنىڭ ارتتا قالۋى — 10%، دەفەكتاسيا كەزىندەگى اۋىرۋ سەزىمى	ديارەيا — 80% تىك ىشەكتەن قان كەتۋ — 50% سالماعىن جوعالتۋ — 85% بويىنىڭ ارتتا قالۋى — 35% انورەكسيا، تاماق ىشكەننەن كەيىن ءىشتىڭ اۋىرۋى؛ ىشەك سيمپتومدارى باسىم بولۋى مۇمكىن
زاقىمدانۋدىڭ ورنالاسۋى	تىك ىشەك — 100%، سول جاق كوليتى — 50-60%، اۋىر پانكوليت — 10%	مىقىن نەمەسە توق ىشەك — 50-70%. تەك توق ىشەك — 10-20%. جىڭىشكە ىشەكتىڭ پروكسيمالدى بولىكتەرى — 10-15%. اسقازان مەن ءۇلتابار<5%
ەندوسكوپيالىق بەلگىلەر	ىشەكتىڭ ۇلكەن بولىگىندەگى ۇزدىكسىز قابىنۋ. تىك ىشەكتىڭ قامتىلۋى 100% جاعدايدا. شىرىشتى قاباتتىڭ گيپەرەمياسى، ءىسىنۋى، جەڭىل جاراقاتتانۋى، ويىلۋى	وشاقتى جانە سەگمەنتارلى قابىنۋ؛ تىك ىشەك زاقىمدانباعان. سىرتتاي وزگەرمەگەن قالىپتى شىرىشتى قاباتتاعى افتوزدى نەمەسە سىزىقتى ويۋلار. شىرىشتى قاباتتىڭ ءتۇرى «تاستاق جول» ءتارىزدى. مىقىن ىشەكتىڭ تەرمينالدى بولىگىنىڭ زاقىمدانۋى>50
گيستولوگيالىق بەلگىلەرى	مۋسين مولشەرىنىڭ ازايۋى. شىرىشتى قابات بەتىنىڭ تۇكتى كورىنىسى. كريپتالاردىڭ ابسەسستەرى. اپيتەلييدىڭ اتيپياسى. ۇزدىكسىز زاقىمدانۋ.	اپيتەليودتى گرانۋلەمالار. گيستيوسيتارلىق ينفيلتراسيا. پەريكريپتيت. قابىنۋدىڭ شىرىشاستى قاباتىنا تارالۋى. ۇزدىكتى (وشاقتى) سيپاتتا زاقىمدانۋ.

س. ح. ايۋپوۆا مەديسينا عىلىمىنىڭ كانديداتى، دوسەنت

---