InfoHub Logo

اقتوبە وبلىسى، مۇعالجار اۋدانى،
ەڭبەك اۋىلى، ەڭبەك نەگىزگى مەكتەبى
باستاۋىش سىنىپ ءمۇعالىمى: جونىسوۆا بيبىگۇل عيزات قىزى

اشىق ساباق
ساۋات اشۋ 1 سىنىپ
تاقىرىبى: ج دىبىسى مەن ءارپى
ماقساتى:
ا) ج دىبىسىن جانە ءارپىن تانىتۋ، ول ارقىلى بەرىلگەن سوزدەردى وقۋ مەن جازۋعا ۇيرەتۋ.
ءا) ج دىبىسىنا قاتىستى جاڭا سوزدەردى وقىتۋ ارقىلى وقۋشىلاردىڭ ءبىلىمى مەن ءتىلىن دامىتۋ. وقۋ تەحنيكاسىن جەتىلدىرۋ.
ب) سپورتتى جاقسى كورۋگە، جاقسىدان ۇيرەنىپ، جاماننان جيرەنۋگە تاربيەلەۋ.
ءتۇرى: جاڭا ساباق.
ءادىسى: ءتۇسىندىرۋ، سۇراق – جاۋاپ، سۋرەتپەن جۇمىس، ەستە ساقتاۋ ديكتانتى.
كورنەكىلىگى: سۋرەتتەر، كەسپە ءارىپ، ج ءارپىنىڭ جازبا ءتۇرى.

بارىسى:
I. ۇيىمداستىرۋ ءبولىمى.
ا) وقۋشى نازارىن ساباققا اۋدارۋ.
ءا) پسيحولوگيالىق دايىندىق.
شاتتىق شەڭبەرىن قۇرۋ. ءار بالا وزدەرىنىڭ جۇرەكتەن شىققان جىلى لەبىزدەرىن ايتادى.
1. مەن دەنساۋلىق تىلەيمىن.
2. مەن ساتتىلىك تىلەيمىن.
3. مەن بەيبىتشىلىك تىلەيمىن.
4. مەن باقىت تىلەيمىن.
5. مەن وتانىمدى سۇيەمىن.
6. قازاقستانىم گۇلدەي بەر.

ب) ماقسات قويۋ: تاقىرىبىن، ماقساتىن حابارلاۋ.
• بالالار، بۇگىن بىزدە قوناقتا ۇستازدارىمىز. قازاق حالقى قوناقجاي، كەلگەن قوناعىمىزعا توردەن ورىن بەرىپ، قۇرمەت كورسەتەمىز.
• ەندى ءبىز قالاي قۇرمەت كورسەتەمىز، بىلەسىڭدەر.
• پارتادا ادەمى، ءتۇزۋ وتىرۋ. ساباققا جاقسى قاتىسىپ، دۇرىس جاۋاپ بەرۋ ەكەن.
• مەنىڭ سۇراعىما جاۋاپ بەرىڭدەرشى.
• ءقازىر جىلدىڭ قاي مەزگىلى، بىلەسىڭدەر مە؟
• قازان، ياعني كۇز ايى.
• ولاي بولسا وسى قازان ايىنىڭ العاشقى اپتاسى ۇستازدار كۇنى (3 قازان) جانە قىركۇيەك ايىندا (22 جۇلدىزى) تىلدەر كۇنى دەگەن اتاۋلى كۇندەر بار ەكەن. سوعان بايلانىستى بىزدە اپتالىق ءجۇرىپ جاتىر.
• ءبىزدىڭ وتانىمىز قالاي اتالادى؟
• قازاقستان رەسپۋبليكاسى
• ءبىزدىڭ ەلباسىمىز كىم؟
• نۇرسۇلتان ءابىش ۇلى نازاربايەۆ
• قازاقستان رەسپۋبليكاسىنىڭ رامىزدەرىن اتايىقشى: ءانۇران، ەلتاڭبا، تۋ. ولاي بولسا ءبىزدىڭ ءوز ءتىلىمىز دە بار ەكەن. ول قازاق ءتىلى مەملەكەتتىك ءتىل. ءار قازاقستان رەسپۋبليكاسىنىڭ ازاماتى قازاق تىلىندە سويلەپ، ءتىلىمىزدى قۇرمەتتەۋدى بورىشىم دەپ ەسەپتەيدى.

II. وتكەن ساباقتان العان ءبىلىمىن تەكسەرۋ.
الىپپە 69 - بەت.
جول – با – رىس (3 بۋىن)، جا – پى – راق (3).
ج – داۋىسسىز دىبىس.
بۋىن سوزدەردى وقىتۋ.
جا – عا، جا – لاۋ، جو – تا، جان – تاق، جۋ – ان، جا – سا، جا – ساۋ، جۋ – ا، جۋ – سان، جۋ – اس.
جۋسان ءماتىنىن وقىتۋ.
دالادا جۋسان بار (3). جۋسانعا مال جاقسى جايىلادى (4). جاراس مالدى جۋسانعا جايدى (4). مال تويىندى (2).
بۋىن سوزدەردى وقىتۋ:
ول – جاس، جىل – قى، شىر – شا، جام – بىل، - 2 بۋىندى.
قۋ – ىر – شاق، جا – پا – لاق، قار – لى – عاش، جار – عا – نات – 3 بۋىندى.
جازۋ ۇلگى، الىپپە داپتەرلەرىن تەسەرۋ، اۋىزشا ماداقتاۋ.

III. جاڭا ساباق. ج دىبىسى جانە ءارپى.
ماقساتىن حابارلاۋ. ج دىبىسىنا بايلانىستى سوزدەردى وقىتۋ، سۋرەتپەن جۇمىس. «تي» تىزبەگى ارقىلى جاقسى، جاماندى اجىراتۋ، تىيىم سوزدەردى سانامالاپ ايتقىزۋ.
ج – قانداي دىبىس؟ – داۋىسسىز دىبىس.
ايتىلعاندا ەركىن ايتىلمايدى، كەدەرگىگە ۇشىرايدى.
جۇمباق.
بوس جەر قالماي اسپاننان
تۇندە شاشىپ تاستالعان
مونشاقتىڭ اتى؟
قاي ارىپتەن باستالعان. (جۇلدىز)

IV. وقۋلىقپەن جۇمىس.
الىپپەنىڭ 70 – بەتىندەگى باعان سوزدەردى وقىپ، ماعىناسىن مەڭگەرتۋ.
جاۋىن جارىس جىلقى جارعانات
جاۋاپ جارىق جورعا جاپالاق

سۋرەتپەن جۇمىس.
- سۋرەتتە كىمدەر؟ سۋرەتتە بالالار.
- بالالار نە ىستەدى؟ ولار جارىسقا قاتىستى.
- جارىس قاي كەزدەردە بولاتىنىن بىلەسىڭدەر مە؟
- ات جارىسىن كوردىڭدەر مە؟
ولاي بولسا جارىس دەگەن ماتىنمەن تانىسامىز.
اۋىلدا ات جارىسى بولدى. جارىسقا جومارت، جاقان، ولجاستار باردى. ولار تاي جارىسىنا قاتىستى. جومارت سىيلىق الدى.
71 – بەتتەگى باعان سوزدەردى وقىتۋ.
جاقسى جاسىل جامال ايجان
جامان جايلاۋ جامبىل ولجاس
«تي» تىزبەگى – جاقسى، جامان. (سۋرەتپەن جۇمىس).
تالدى سۋارۋ، كۇتۋ، باپتاۋ – جاقسى قاسيەت.
تالدى سىندىرۋ، زاپقى جاساۋ، قۇستى اتۋ – جامان قاسيەت.
قۇسقا ۇيا جاساۋ – جاقسى.
تىيىم سوزدەردى ەسكە ءتۇسىرۋ.
مەكتەپتە، ۇيدە، كوشەدە ادەپتى بولۋ.

V. سەرگىتۋ ءساتى.
ءبىر، ەكى، ءۇش، ءبىر، ەكى، ءۇش،
بۇلشىق ەتتە كۇش.
مەن ۇشامىن كەپتەرشە.
ەڭكەيەمىن قولىم جەرگە جەتكەنشە.

VI. ەستە ساقتاۋ ديكتانتى.
وتان، بالا، تال، شار، الما، جۋسان، ايران، مارات، شاعالا، ماتا.

VII. جاڭا ءبىلىمدى بەكىتۋ.
ج – قانداي دىبىس؟
ولەڭ شۋماعىن وقىپ بەرىپ، ج ءارپى بار سوزدەردى اتاتۋ.
جاعاجاي، جاعاجايدات قاماجاي،
جاعاجايدى جاعالاي
جۇگىرەدى قاماجاي.

VIII. ۇيگە تاپسىرما:
الىپپە 70 – 71 – بەتتەر.
باعىن سوزدەردى وقۋ. «جارىس» ءماتىنىن وقىپ، قانشا سويلەمنەن قۇرالعانىن ءبىلۋ.
الىپپە داپتەرمەن جۇمىس.

IX. ماداقتاۋ.
انا ءتىلىڭ ارىڭ بۇل،
ۇياتىڭ بوپ تۇر بەتتە.
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە.

تولىق نۇسقاسىن جۇكتەۋ