جالپى كوللەدجىشىلىك 1 قىركۇيەك ءبىلىم كۇنىنە وراي «سانالى ۇرپاق – جارقىن بولاشاق» اتتى سالتاناتتى كەشتىڭ سەنارييى
1 - جۇرگىزۋشى: ەلباسى جولداۋىندا قازاقستاننىڭ الەمنىڭ وزىق دامىعان 30 ەلىنىڭ قاتارىنا ەنۋى ءۇشىن جۇمىسشى كادرلاردى دايىنداۋ ساپاسىن كوتەرۋ جانە ولاردىڭ ەڭبەك نارىعىندا سۇرانىسقا يە ماماندىقتاردى يگەرۋى قاجەت ەكەنىن باسا ايتتى.
2 - جۇرگىزۋشى: كەزىندە «عارىشكەر بولام»، «ۇشقىش بولام» دەپ ارماندايتىندار كوپ ەدى. قاراپ وتىرساق، ءقازىر، قوعامعا قاجەتتى ماماندىقتى مەڭگەرگەن جاستاردىڭ قاراسىندا قيساپ جوق. بۇل، ارينە، كوڭىل قۋانتپاي قويمايدى. قانداي كاسىپتىڭ بولسىن، ءوز پايداسى، قىزىعى مەن قيىنشىلىعى بار. دەگەنمەن، جۇمىسشى ماماندىقتارى بۇگىنگى ەڭبەك نارىعىنىڭ وراسان سۇرانىسىن تۋدىرىپ وتىر. قاي كوللەدجدى الساق تا، زامان تالابىنا جاۋاپ بەرۋگە ىنتالى.
1 - جۇرگىزۋشى:
ارداقتى اسىل مەكەن كوللەدجىمە،
اياۋلى اسىل جاندار كوپ كەلەدى.
قۇرمەتپەن قوناقتارعا ءسوز بەرەيىك،
جاقسى ءسوز جانعا ىستىق ءنار بەرەدى.
2 - جۇرگىزۋشى: بۇگىن ءبىزدىڭ كوللەدجىمىزگە وسى كوللەدجدى تامامداعان، ءوز ءىسىنىڭ ماماندارى كەلىپ وتىر. ساحنا تورىنە شاكىم اراي، بەيسەنعالييەۆ قورعان، ايدارحانوۆ مەدەۋ جانە مارات ەرسىندى شاقىرامىز!
1 - جۇرگىزۋشى: بۇگىنگى كۇنى بارلىق قازاقستان اۋماعىندا «سانالى ۇرپاق – جارقىن بولاشاق» فورۋمدارى وتۋدە. وسىنىڭ نەگىزىندە كوپتەگەن كوللەدجدەردە «ادالدىق اسحاناسى»، «ادالدىق دۇكەندەرى» جۇمىس ىستەۋدە. بۇل دەگەنىمىز، جاستاردى بالا كۇنىنەن باستاپ وتانعا دەگەن پاتريوتتىق سەزىم مەن ادالدىق قاسيەتتەردى ۇيالاتۋعا تاربيەلەيدى.
2 - جۇرگىزۋشى: جەمقورلىقپەن كۇرەس ناۋقاندىق شارا ەمەس. ول تەك قۇزىرلى مەكەمەلەردىڭ عانا مىندەتىنە جاتپايدى. ونىمەن ۇنەمى بۇكىل حالىق بولىپ كۇرەسۋىمىز كەرەك. ونىڭ تامىرىنا تۇبەگەيلى بالتا شاپپايىنشا، مەملەكەتتە تۇراقتى ءوسۋ - وركەندەۋ بولمايدى. قازاقتا "اۋرۋىن جاسىرعان ولەدى" دەيتىن ماتەل بار. جەمقورلىققا قارسى كۇرەس جان - جاقتى، ۇزدىكسىز، اشىق ءارى ادىلەتتى تۇردە جۇرگىزىلۋى ءتيىس. ءبىز سوندا عانا العا قويعان بيىك ماقساتتارعا قول جەتكىزە الامىز. كوللەدجدەگى «سانالى ۇرپاق» جاساعىنىڭ جەتەكشىسىنىڭ كومەكشىسى اديشيەۆا ماقپال باۋىرجانوۆنانى «سىبايلاس جەمقورلىققا جول جوق» بايانداماسىمەن شاقىرامىز!
1 - جۇرگىزۋشى: كوڭىلگە ۇنار، شىقسا ءان سىڭعىرلاعان،
كوڭىلگە شاتتىق سەزىم قوندىرار ءان.
شىمىرلاپ شىققان كەزدە شىرقاۋ كوككە،
ەلىتىپ تۇلا بويىڭ بالبىراعان،- دەگەندەي بۇگىنگى ستۋدەنتتەردىڭ قۇرمەتىنە ءىى كۋرس ستۋدەنتى باقتىبايەۆا دانانىڭ ورىنداۋىنداعى تاماشا ءاندى قابىل الىڭىزدار.
2 - جۇرگىزۋشى: كوللەدج تابالدىرىعىن اتتاعالى تۇرعان ءى كۋرس ستۋدەنتتەرى!
قادامدارىڭىز قۇتتى بولسىن! ساباقتارىڭىزدى جاقسى وقىپ،
ۇلكەن ۇلكەن جەتىستىكتەرىڭىزگە جەتۋلەرىڭە تىلەكتەسپىز!
1 - جۇرگىزۋشى: كەلەسى ءسوز كەزەگى ءى كۋرس اتا - انالار اتىنان cءوز بەرىلەدى
2 - جۇرگىزۋشى: توپتاردى ۇلەستىرۋ جانە توپ جەتەكشىلەر مەن وندىرىستىك وقىتۋ شەبەرلەرىن تاعايىنداۋ ءۇشىن ديرەكتوردىڭ وندىرىستىك وقىتۋ ءىسى جونىندەگى ورىنباسارى باينازاروۆ باۋىرجان ورالۇلىن شاقىرامىز!
1 - جۇرگىزۋشى: وسىمەن ءبىلىم كۇنىنە ارنالعان سالتاناتتى جيىندى جابىق دەپ جاريالايمىز!
2 - جۇرگىزۋشى: كەلەسى كەزدەسكەنشە امان ساۋ بولايىق!
You Might Also Like
