InfoHub Logo

بازارباي جاسمين
ءال-فارابي اتىنداعى قازاق ۇلتتىق ۋنيۆەرسيتەتى
«ءدىنتانۋ جانە مادەنيەتتانۋ» كافەدراسى
مادەني انتروپولوگيا  ماماندىعىنىڭ 2-كۋرس ماگيسترانتى.

مەملەكەت باسشىسى قاسىم-جومارت توقايەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋى بۇكىل الەمدى الاڭداتىپ وتىرعان گەوساياسي جاعدايدىڭ كۇرت شيەلەنىسۋىمەن بايلانىستى قازىرگى زامانعى تاريحتا بۇرىن-سوڭدى بولماعان قارجىلىق-ەكونوميكالىق قيىندىقتارمەن بايلانىستى جاعدايمەن تۇسپا-تۇس كەلىپ وتىر. وسىعان وراي، پرەزيدەنتتىڭ قازاقستان حالقىنا جولداۋى ءال-فارابي اتىنداعى قازۇۋ-دىڭ ەكونوميكا جانە بيزنەس جوعارى مەكتەبى قارجى جانە ەسەپ كافەدراسىنىڭ پروفەسسور-وقىتۋشىلار قۇرامىمەن قىزۋ تالقىلانىپ جاتىر. ەلىمىزدىڭ بىلىكتى پروفەسسورلارى مەن عالىمدارى مەملەكەت باسشىسىنىڭ پايىمىن جوعارى باعالاۋدا. ەلىمىزدىڭ ساياسي جۇيەسىن كەشەندى جاڭعىرتۋ باعدارلاماسى ۇسىنىلدى جانە بۇل قۇجات ەڭ الدىمەن قوعامنىڭ قاجەتتىلىگىنە، سۇرانىسىنا نەگىزدەلگەنى ايتىلدى. پرەزيدەنت قازاقستان ازاماتتىق قوعامى قالىپتاسقان مەملەكەتكە اينالاتىنىن العا تارتتى. قاسىم-جومارت توقايەۆ: «جاڭادان قۇرىلاتىن وبلىستاردىڭ اباي، ۇلىتاۋ، جەتىسۋ دەپ اتالۋىندا ەرەكشە ءمان بار. ءبىز ۇلان-عايىر جەرىمىزدىڭ بايىرعى اتاۋلارىن، ۇلى تۇلعالارىمىزدىڭ ەسىمىن ۇرپاق ساناسىندا جاڭعىرتا بەرەمىز»، –  دەپ اتاپ ءوتتى. قازاق حالقىنىڭ ءاربىر ازاماتىنىڭ كوكەيىندە جۇرگەن ماسەلەنى شەشۋ جولىنا ارنالعان جاڭا جولداۋ ەل دامۋى مەن حالقىمىزدىڭ ومىرىندە ءبىرشاما جاڭاشىلدىقتىڭ بولاتىنىن كورسەتىپ بەرگەندەي. جاڭا قازاقستاننىڭ نەگىزى ساياسي جانە ەكونوميكالىق رەفورمالاردىڭ ۇيلەسىمىنە نەگىزدەلۋى كەرەك ەكەنى باسا ايتىلدى. ەل پرەزيدەنتى «جاڭا قازاقستان: جاڭارۋ مەن جاڭعىرۋ جولى» جولداۋىندا تاۋەلسىزدىكتى ساقتاۋ كەرەك ەكەنىن اتاپ ءوتتى. مەملەكەت باسشىسى: «وسى كۇندەردە جۇرتىمىز تاۋەلسىزدىكتىڭ قادىر-قاسيەتىن جان-جۇرەگىمەن سەزىندى. تاتۋلىق پەن تۇراقتىلىق، تىنىشتىق پەن بەيبىتشىلىك قانشالىقتى ماڭىزدى ەكەنىن جەتە ءتۇسىندى. ءبىز مىزعىماس بىرلىكتىڭ ارقاسىندا مەملەكەتىمىزدى قورعاپ قالدىق»، – دەدى. پرەزيدەنت ءوز جولداۋىندا  حالقىنا سالماقتى  وي تاستاپ، دالەلدى تۇجىرىم جاساي وتىرىپ، ناقتى باعىت ۇسىندى. سونداي-اق «كونستيتۋسيانىڭ 30-دان استام بابىنا وزگەرىستەر ەنگىزۋ قاجەت»، – دەدى قاسىم-جومارت كەمەل ۇلى. بۇل اسا كۇردەلى وزگەرىس. مەملەكەتتىك اپپارات سيفرلىق قۇرالداردى جاپپاي ەنگىزۋ كەزىندە عانا ىسكە اسىرىلادى. وسىدان كەيىن شەنەۋنىكتەر بيۋروكراتيالىق وكىلەتتىكتەردى قالپىنا كەلتىرۋگە تىرىسىپ، جاپپاي رەاكسيا جاساي باستايدى. وسىعان جول بەرىلمەي، ق.توقايەۆتىڭ تاپسىرمالارى دىتتەگەن جەرىنە جەتسە، الداعى ۋاقىتتا قاعازباستىلىقتان قۇتىلامىز دەپ سەنەمىن. جولداۋ سوڭىندا پرەزيدەنت: «ەلىمىزدىڭ ازاماتتارى ەرتەڭ ەمەس، بۇگىن باقىتتى بولعانىن قالايمىن. سوندىقتان ماعان ەلىمنىڭ اماندىعى مەن جەرىمنىڭ تۇتاستىعىنان ارتىق ەشتەڭە جوق»، – دەدى. مەملەكەت باسشىسى ايتقانداي، ەل-جۇرت بولىپ جاڭا قازاقستاندى قۇرۋ جولىندا ايانباي ەڭبەك ەتەيىك. سوندىقتان ءبىلىمى تەرەڭ، ويى وزىق ۇرپاقتى تاربيەلەيتىن وقىتۋشىلار قاۋىمىنا زور جاۋاپكەرشىلىك جۇكتەلەدى. ءبىزدىڭ بۇگىنگى ستۋدەنتتەرىمىز – قازاقستاننىڭ جارقىن بولاشاعى.

---