InfoHub Logo

قازاقستان-تاريحتىڭ ءار كەزەڭىندە سان الۋان سىناقتى باستان كەشكەن، ءتۇرلى توقىراۋعا تاپ بولعان ، ساياسي، مادەني شيەلەنىستەردىڭ قۇربانىنا اينالعان ەل. تاۋەلسىز ءارى تىنىش ومىرگە جەتۋ جولىندا عاسىرلار بويى زۇلماتتارعا توتەپ بەرىپ، نايزانىڭ ۇشىمەن، بىلەكتىڭ كۇشىمەن قورعالعان كەڭ دالادا مەكەن ەتكەن، بۇگىنگى تاڭدا الەمدىك ارەنادا ويىپ تۇرىپ الارلىقتاي ورىنى بار، التى قۇرلىققا اتى ءمالىم دەربەس مەملەكەت. قازاقستان ءوز كەزەگىندە دامۋشى ەل بولعانىمەن، الەم الپاۋىتتارىنىڭ اراسىندا ءوز پوزيسياسىن ايقىنداي العان، بۇكىلالەمدىك ماسەلەلەردىڭ شەشۋشى ورتالىعىنا اينالا ءبىلدى. وتىز جىلدىق تاۋەلسىز تاعدىرىڭدا جەتكەن جەتىستىكتەرىن تولىق ايتار بولساق، تاڭدى تاڭعا جالعايتىنىمىز انىق.  

دەگەنمەن، ءبىرتۇتاس مەملەكەتتىڭ ەل ىشىندەگى ماسەلەسى مەن شەشىمىن تاپپاعان سۇراقتارى ەشقاشان تولاستاعان ەمەس. قوعامدىق جانە ساياسي جۇيەنىڭ ءبىر ىزگە تۇسە الماۋى، زاڭ شەڭبەرىنەن تىس ارەكەتتەر مەن شەكتەن شىققان قۇقىق بۇزۋشىلىقتار ەل دامۋىنا كەرى اسەر ەتەتىنى ءسوزسىز. قازاقستاننىڭ قازىرگى تۇرمىسى بۇرىڭعىعا قاراعاندا ەداۋىر جاقسى. دەسەكتە، دامىعان 30 ەلدىڭ قاتارىنا كىرۋدى ماقسات ەتكەن ەل ءۇشىن باستى ماسەلە- "جەمقورلىق" ەكەنىن ەسكەرگەنىمىز ءجون.   

مەنىڭ ارمانىمداعى قازاقستان بۇگىنگى قازاقستانمەن سالىستىرعاندا مۇلدە باسقا. "قايدا بارساڭ دا، قورقىتتىڭ كورى" دەگەندەي، ەلىمىزدىڭ قاي سالاسىندا بولسىن "جەمقورلىقتىڭ" بەلەڭ الىپ تۇرعانى جاسىرىن ەمەس. مەن ەلەستەتكەن قازاقستاننىڭ سيپاتىندا بۇل ماسەلە مۇلدە كەزدەسپەيدى، ەگەر، كەزدەسكەن جاعداي دەر كەزىندە ءادىل جازا قولدانىلۋى كەرەك. ەل يگىلى ءۇشىن مىنبەرگە مىنگە لاۋازىمدى تۇلعالار "ەسەپ" ءۇشىن ەمەس، ساپا ءۇشىن جۇمىس ىستەۋى، حالىققا ءتيىمدى جاعداي جاساي ءبىلۋى، ءوز كەزەگىندە ءاربىر ازامات ءوزىن مەملەكەتتىڭ ءبىر بولشەگى سەزىنىپ، "ءبىر مۇددە، ءبىر بولاشاق"دەگەن ۇستانىمدى بويىنا ءسىڭىرىپ، ەل ەرتەڭى ءۇشىن تىزە قوسىپ ارەكەت ەتۋى مەن كورگىم كەلەتىن قازاقستاننىڭ نەگىزگى كريتەرييى بولىپ تابىلادى. جەتىمىن جىلاتپاعان، جەسىرىن ۇزاتپاعان جايسان حالقىمىزدىڭ جاي-كۇيى مەن تىنىس-تىرشىلىگىنىڭ باستى كورىنىسى-اۋىل. مەنىڭ قيالىمداعى قازاقستان اۋىلدارى-سيفرلىق جانە ينفراقۇرىلىمدىق دامۋدىڭ جاڭا ساتىسىنا كوشكەن مەملەكەت بولشەگى.  

دامىعان مەملەكەتتەرمەن تەرەزەسى تەڭ دارەجەگە جەتۋ ءۇشىن، سول ەلدەردەن ۇيرەنەرىمىز كوپ. شىعىسىمىزداعى جاپون ەلدەرىنىڭ يننوۆاسيالىق تەحنولوگيالارى، ەڭ تازا ەلدەردىڭ بىرى-گەرمانيا قۇپياسى، جىلىنا ميلليونداعان ءتۋريستىڭ وشاعىنا اينالعان فرانسيا ءتۋريزمى ءبىز ءۇشىن اسا قاجەت تاجىريبەلىك نىسان بولۋى كەرەك.   

كونستيتۋسيامىزدىڭ ءبىرىنشى بابىندا جازىلعان-"مەملەكەتتىڭ نەگىزگى بايلىعى-ادام" دەگەن ويدى نەگىزگە الار بولساق، مەملەكەتتىك نەگىزگى قوزعاۋشى كۇشى دە ونىڭ حالقى دەگەن تۇجىرىمعا توقتايمىز. قازاقستان حالقى-قازاقستان بولاشاعىنىڭ نەگىزىن قالاۋشى. باسەكەگە قابىلەتتىلىك-باياندى بولاشاقتىڭ كەپىلى، ال باسەكەگە قابىلەتتىلىكتىڭ نەگىزگى كىلتى- رۋحاني بايلىق. قازاقستاننىڭ ءار ازاماتى ءوزى ءومىر ءسۇرىپ جاتقان ەلدىڭ تاريحىن، ءداستۇرىن، مادەنيەتى مەن ادەبيەتىن، ءدىلى مەن ءتىلىن جەتىك ءبىلىپ قانا قويماي، ونى ءومىر ءسۇرۋ سالتىنىڭ ءبىر بولشەگىنە اينالدىرا بىلگەن ءجون. سوندا عانا حالقىمىز رۋحاني باي، ءھام باسەكەگە قابىلەتتى بولىپ، مەملەكەت دامۋىنا ۇلەس قوسارى انىق.

اتالعان باعىتتاردا مەملەكەت باسشىسى قاسىم-جومارت توقايەۆ ەل ءۇشىن ماڭىزدى باستامالاردى نەگىزگە الا وتىرىپ، "جاڭارۋ مەن جاڭعىرۋ"جولىندا قاجەتتى رەفورمالار ەنگىزە ءبىلدى.  

- قازاقستان ءوز ەلىمىز، ءوز وتانىمىز. ءبىزدىڭ ماسەلەمىزدى سىرتتان بىرەۋ كەلىپ شەشىپ بەرمەيدى، ءار ىسىمىزگە شىن نيەتپەن كىرىسىپ، ادال ەڭبەك ەتىپ، تابان اقى، ماڭداي تەرىمىزبەن ناتيجە كورسەتۋمىز قاجەت، -دەدى پرەزيدەنت ب ا ق وكىلدەرىنە بەرگەن سۇحباتىندا.

راسىندا مىزعىماس بىرلىگىمىز بەن ەل تىنىشتىعىن باعىمىز ساناپ، بولاشاق ءۇشىن ءبىر جاعادان باس، ءبىر جەڭنەن قول شىعارىپ، تاۋەلسىز قازاقستاننىڭ جاڭا ءداۋىرىن بىرگە باستاعان باستاعان ءجون.

ساناتوۆا ايدانا

---