InfoHub Logo

ءقازىر زامانعا ساي عالامتوردا جۇمىس ىستەۋ – قالىپتى نارسە. ءبىراق، جۇمىستىڭ الۋان تۇرلىلىگى سونشالىق، قاي سالا مامانى بولۋى ۇلكەن سۇراق تۋعىزادى. سونىمەن سۇرانىسقا قانداي ونلاين-ماماندىقتار يە؟

كارانتين ۋاقىتىندا ادامداردىڭ كوبى تۇراقتى تابىس كوزىنەن ايىرىلدى. بۇل ۇيدە وتىرعان ادامداردىڭ قاشىقتىقتا ىستەي الاتىن جۇمىستى قاراستىرۋىنا ىقپال ەتتى. زەرتتەي كەلە، كوبى ۇيدە وتىرىپ-اق تۇراقتى تابىسقا شىعۋعا بولاتىنىن ءتۇسىندى. ءقازىر زامانعا ساي عالامتوردا جۇمىس ىستەۋ – قالىپتى نارسە. سوندىقتان، زەرتتەي كەلە سۇرانىسقا يە توپ-5 ماماندىقتى قاراستىرامىز:

SMM – بۇل Social Media Marketing، اۋدارعاندا الەۋمەتتىك مەديا ماركەتينگىن بىلدىرەدى. SMM مەنەدجەرى – بۇل الەۋمەتتىك جەلىلەردەن كليەنتتەردى تارتۋعا مامانداندىرىلعان ينتەرنەت-ماركەتولوگ. بۇل امبەباپ مامان بولعاندىقتان، ءاردايىم سۇرانىسقا يە. نارىقتا بۇل ماماندىق يەلەرى ورتاشا ەسەپپەن 150 000-250 000 تەڭگە الادى.

تۇستەر، پىشىندەر، قارىپتەر، انيماسيا، باسقا ەلەمەنتتەر جانە ولاردىڭ ۇيلەسىمى، سايتتى نەمەسە قوسىمشانى پايدالانۋ ىڭعايلىلىعى – ۆەب-ديزاينەردىڭ ءىسى. ونلاين دۇكەندەر، كومپانيالاردىڭ سايتتارىن، پاراقشالارىن راسىمدەپ، ءبارى ۇيلەسىمدى ءارى ىڭعايلى بولۋ ءۇشىن كوپ جۇمىستى تالاپ ەتەدى. سوندىقتان web-ديزاينەردىڭ جۇمىسى كونۆەرسياعا، سونداي-اق ءونىمنىڭ نەمەسە برەندتىڭ ەستە ساقتالۋىنا تىكەلەي اسەر ەتەدى. جالاقىسى ورتاشا ەسەپپەن العاندا 150 000-300 000 تەڭگە.

Instagram، Facebook، ۆكونتاكتە جانە ت.ب. الەۋمەتتىك جەلىلەردە ماقساتتى اۋديتوريانى تاڭداۋ، شىعارماشىلىق جارناما ويلاپ تابۋ، كورسەتكىشتەردى ەسەپتەۋ جانە  جارنامالاردى ىسكە قوسۋ ءۇشىن تارگەتولوگ مامانى قاجەت. جالپى تارگەتتىق جارناما – ءونىم ساتاتىن پاراقشالاردىڭ اجىراماس بولىگى. سەبەبى، بۇل جاڭا كليەنتتەردى تاۋىپ، جەكە برەند قالىپتاستىرۋعا زور ۇلەسىن قوسادى. تابىسى:200 000-300 000 تەڭگە

ماماندىقتى بىرنەشە باعىتقا بولۋگە بولادى: جارنامالىق، اقپاراتتىق جانە تەحنيكالىق ماتىندەر. عالامتوردا جاڭا جۇمىس ىستەۋدى باستاپ جاتقاندارعا كوپيرايتەر ماماندىعىنا نازار اۋدارعان ءجون.سەبەبى، وعان كىرۋدىڭ وتە تومەن شەگى بار: جاڭادان باستاۋشىعا تاپسىرما تابۋ قيىن بولمايدى. جالاقىسى ورتاشا ەسەپپەن:150 000-250 000 تەڭگە.

مەن مەنەدجەردى ادەيى سوڭىنا قالدىردىم، ويتكەنى ءسىز عالامتورمەن تىكەلەي جۇمىس ىستەيتىن سان ءتۇرلى ماماندىق بار ەكەنىن كوردىڭىز. وسى مامانداردىڭ بارلىعىن بىرەۋ باسقارۋى كەرەك. بۇل ءرولدى جوبا/ءونىم مەنەدجەرى اتقارادى. الايدا باسقا ماماندىقتارعا قاراعاندا، مەنەدجەر بىردەن بۇل جۇمىستى اتقارا المايدى. سەبەبى، ءسىز بۇل مامانداردىڭ قالاي جانە نە بولىپ جاتقانىن ءتۇسىنۋ ءۇشىن تىزىمنەن بىرنەشە ماماندىقتى يگەرۋىڭىز قاجەت، سونىمەن قاتار كليەنتپەن قالاي جۇمىس ىستەۋ كەرەگىن ءتۇسىنۋىڭىز كەرەك، ويتكەنى جوبا مەنەدجەرى ونىمەن ءوزارا ارەكەتتەسەدى. ولار بۇل جۇمىستارى ءۇشىن 300 000-400 000 - نان باستاپ الادى.

جالپى بۇل – ونلاين-ماماندىقتاردىڭ ءبىراز عانا بولىگى. ولاردىڭ ءارقايسىسىن وزدىگىنەن ۇيرەنۋگە بولادى، ءبىراق ۋاقىت ۇنەمدەپ، بۇل سالادا ساپالى ءبىلىم الۋ ءۇشىن ارنايى كۋرستاردى وقىپ بىتىرگەن ءجون. ءار جۇمىستاعىداي ءارقايسىسىنىڭ جاقسى مەن جامان جاقتارى بار. ءبىراق جاقسى جاقتارى مولىراق. عالامتور تورىندە ادامنىڭ جاسىنا، جوعارى وقۋ ورنىن اياقتاۋىنا نەمەسە اياقاتماۋىنا قاراماي، تەك جۇمىس ساپاسىنا قارايدى. سوندىقتان، ەڭ باستىسى – ساپالى جۇمىس!

جايىروۆا نۇريلا تۇران ۋنيۆەرستيتەتى 3 كۋرس ستۋدەنتى

---