قولا داۋىرىندە ءومىر سۇرگەن ايەلدىڭ بەت-الپەتى
ارحەولوگتار يسپانيانىڭ وڭتۇستىك-شىعىسىنداعى لا-المولاييا ارحەولوگيالىق ورنىندا ۇلكەن قىش قۇمىراعا بىرگە جەرلەنگەن ايەل مەن ەر ادامنىڭ سۇيەگىن تاپتى. مۇندا ەرتە قولا داۋىرىندە ءبىزدىڭ داۋىرىمىزگە دەيىنگى 2200-1500 جىلدار ارالىعىندا ەل-ارگار مادەنيەتىنىڭ وكىلدەرى ءومىر سۇرگەن.
جەرلەۋدەن ەكى ءمايىت قاتار تابىلعانىمەن، ارحەولوگتاردىڭ ايتۋىنشا، ەر ادام ەرتەرەك ولگەن. ايەل قايتىس بولعان كەزدە قىش قۇمىرا اشىلىپ، ونىڭ دەنەسى كوپتەگەن اشەكەيلەرمەن سول جەرگە قويىلعان. ايەلدىڭ باس سۇيەگىنىڭ ءبىر بولىگىن جانە زەرگەرلىك بۇيىمداردى پايدالانا وتىرىپ، يلليۋستراتور ايەلدىڭ بەتىن، سونداي-اق لا المولاييادا جەرلەنگەن باسقا تۇرعىنداردىڭ بەت-الپەتىن قايتا جاسادى.
«باس سۇيەگىنىڭ ءبىر بولىگى عانا بار بەت رەكونسترۋكسياسىن جاساۋ قيىن بولدى، ءبىراق قالدىقتاردىڭ جانىنان تابىلعان كۇمىس ءتاج ونىڭ باسىنىڭ ولشەمىن انىقتاۋعا كومەكتەستى»، - دەيدى يلليۋستراتور دجوانا برۋنو.
ايەل سۇيەگىنىڭ جانىنان تابىلعان زەرگەرلىك بۇيىمدار مەن ءتۇرلى قۇرالداردىڭ كولەمىن ەسكەرە وتىرىپ، عالىمدار ونىڭ قوعامدا جوعارى قىزمەت اتقارعانىن العا تارتتى. عالىمدار قولا داۋىرىندە ءومىر سۇرگەن ايەلدىڭ 25-30 جاسىندا قايتىس بولعانىن انىقتادى. ونىڭ بىرنەشە تۋا بىتكەن اۋرۋلارى بار، ونىڭ ىشىندە مويىن ومىرتقاسى مەن قابىرعاسى جوق.
"رەكونسترۋكسيادا كورگەندەردىڭ ءبارى قالدىقتاردى مۇقيات زەرتتەۋدىڭ ارقاسىندا جاسالدى. ءتىپتى قۇلاقتارداعى ساقينالار باس سۇيەگىنىڭ جانىنان تابىلعاندار"، - دەيدى برۋنو.
«بۇل جاي عانا سۇيەكتەر ەمەس، ولار وزدەرىنىڭ ەموسيالارى مەن تاجىريبەسى بار ءتىرى ادامدار بولعانىن ەكەنىن ەستە ۇستاعان ءجون. مەن ولاردىڭ ءمۇسىنىڭ وسىلاي جاساۋدى ءجون كوردىم»، - دەيدى برۋنو.
اقبايان اتاپكەلوۆا
You Might Also Like
-
ءقازىر زامانعا ساي عالامتوردا جۇمىس ىستەۋ – قالىپتى نارسە. ءبىراق، جۇمىستىڭ الۋان تۇرلىلىگى سونشالىق، قاي سالا مامانى بولۋى ۇلكەن سۇراق تۋعىزادى. سونىمەن سۇرانىسقا قانداي ونلاين-ماماندىقتار يە؟
