جانقۇتتىنىڭ جاۋابى
جانقۇتتى شەشەن ءبىر كۇنى قىپشاق دۋانباسى ىبىرايدىڭ ۇيىنە كەلەدى. ىبىراي يمەنەتىن، نەمەسە ەرەكشە سىيلايتىن كىسى بولماسا، كەز كەلگەن ادامدى ءوزى وتىراتىن ۇيىنە كىرگىزبەي، قوناق ۇيىنە تۇسىرتەدى ەكەن. دۋانباسىنىڭ قىزمەتشى جىگىتتەرىنىڭ «قوناق ۇيگە ءجۇرىڭىز» دەگەنىنە كونبەي، جانقۇتتى ىبىرايدىڭ ءوز ۇيىنە كىرەدى. ىبىراي ۇيىندە شورماننىڭ مۇساسىمەن سويلەسىپ، قيسايىپ جاتىر ەكەن، قوناققا قولىن بەرمەي، اسا تاياعىنىڭ ۇشىن ۇسىنادى. جانقۇتتى تاياقتى ۇستاماي، مۇسامەن سالەمدەسىپ، تورگە شىعىپ وتىرادى.
دۋانباسى الدەن ۋاقىتتا جاستىقتان باسىن كوتەرىپ:
— مۇساجان، مىنا باسىنا بوستەك كيگەن شالىڭ كىم؟ — دەيدى.
— مۇساجان، باسىمىزعا ەلتىرى بورىك كيسەك، بوستەك دەيدى. ەل باسقارسىن دەپ پىسىق جىگىتتەن ۇلىق قويساق، ەستەك دەيدى. «حالىقتىڭ اۋزىنا قاقپاق قويىپ بولمايدى» دەگەن وسى دا، — دەيدى جانقۇتتى مۇسانىڭ ورنىنا ءوزى جاۋاپ بەرىپ.
— ىبەكە، ءسىز سوزدەن ۇتىلدىڭىز، شەشەنگە ات-شاپان ايىپ تولەڭىز. بۇل — سارىم رۋىنىڭ جانقۇتتى دەگەن شەشەنى، — دەيدى مۇسا.
ىبىراي ەشتەڭە دەي المايدى. شەشەننىڭ تاپقىر سوزىنە قاتتى توسىلىپ، ءۇنسىز قالادى.
You Might Also Like
-
تاباي شەشەن تۋمىسىنان قولى تار كىسى بولعان ەكەن. سول كىسى بىردە جولاۋشىلاپ كەلىپ تۇسە قالعان شەگەن ءبيدىڭ ءبىر بالاسىن ۇيىنە قوندىرماي جىبەرىپتى. سودان ءوزى بىردە شەگەنگە سالەم بەرەيىن دەپ بارسا، شەگە...
-
جاپوندار ايتاتىن «التى قىرسىق» دەگەن بار ەكەن. ولار: اقىلسىزدىق، ىزاقورلىق، جەڭىلتەكتىك، ءناپسىقۇمارلىق، سولقىلداقتىق جانە دۇنيەقوڭىزدىق. وسىلاردىڭ ءارقايسىسىنىڭ ون سەگىز كورىنىسى بار. سو...
