كىشىك بولعاننان كىشىرەيمەيسىڭ...
جاپوندار ايتاتىن «التى قىرسىق» دەگەن بار ەكەن. ولار: اقىلسىزدىق، ىزاقورلىق، جەڭىلتەكتىك، ءناپسىقۇمارلىق، سولقىلداقتىق جانە دۇنيەقوڭىزدىق. وسىلاردىڭ ءارقايسىسىنىڭ ون سەگىز كورىنىسى بار. سوندا جيىنى 108 ءتۇرلى بولادى دەپ ەسەپتەيدى ەكەن دە، سولاردىڭ ءبارىن تىزبەكتەپ، جازىپ، ايگىلەپ قوياتىن كورىنەدى. وسىلاردى كۇندە قۇلاقپەن ەستىپ، كوزبەن كورىپ جۇرگەن كىسى تەرىس جولعا بارا ما؟
مىنە، حالىقتىق تاربيەنىڭ كورنەكتى ءتۇرى قانداي اسەرلى! بۇگىندە جاپون ەلىنىڭ ونەر-بىلىممەن دۇنيە جۇزىندەگى وركەنيەتتى ەلدىڭ قاتارىندا العا شىعۋىنا، دامۋىنا وسى تاربيەنىڭ اسەرى بولمادى دەپ قالاي ايتارسىز! دۇنيە ءجۇزى ەلدەرىنىڭ كوبىندە وتباسىلاردىڭ اجىراسۋى جىل سايىن ءوسىپ وتىرسا، جاپونداردا جۇبايلاردىڭ اجىراسۋى مۇلدە جوقتىڭ قاسى ەكەن. جاپون ايەلدەرى ەشقاشان ادامنىڭ بەتىنە ءتۇسىن سۋىتىپ قارامايدى، سويلەسكەندە اۋەلى ءتۇسىن جىلىتىپ، كۇلىپ قانا سويلەيدى. مىنە، وسىدان كەيىن ادامدار اراسىندا ۇرىس-جانجال قايدان بولسىن. ۇرلىق ىستەۋ، وتىرىك ايتۋ دەگەن سياقتى ادەتتەر ولاردا مۇلدە جوق بولسا كەرەك. وسىندايدا «ۇلكەنگە — قۇرمەت، كىشىگە — ىزەت» كورسەتەتىن حالقىمىزدىڭ ۇلكەننىڭ الدىن كەسىپ وتپەيتىن كىشىپەيىلدىگى، جەسىرى مەن جەتىمىن سىرتقا تەپپەيتىن باۋىرمالدىعى، ەسىگىنە قۇلىپ سالمايتىن ادالدىعى قايدا كەتكەن دەپ قايران قالاسىڭ... ءبارى — سول ۇلت، ياعني اتا-بابا داستۇرىندە تاربيەلەۋدە جاتىر ەمەس پە!؟
You Might Also Like
-
جانقۇتتى شەشەن ءبىر كۇنى قىپشاق دۋانباسى ىبىرايدىڭ ۇيىنە كەلەدى. ىبىراي يمەنەتىن، نەمەسە ەرەكشە سىيلايتىن كىسى بولماسا، كەز كەلگەن ادامدى ءوزى وتىراتىن ۇيىنە كىرگىزبەي، قوناق ۇيىنە تۇسىرتەدى ەكەن. دۋ...
-
ءبىر جولى ماقاش پراۆيتەلدىڭ ۇيىنە اداي ەلىنەن جانتۇرعان بي كەلە قالادى. ماقاش جانتۇرعانعا سالەمدەسكەندە بىلاي دەپتى:
