تابايدىڭ تاپقىرلىعى
تاباي شەشەن تۋمىسىنان قولى تار كىسى بولعان ەكەن. سول كىسى بىردە جولاۋشىلاپ كەلىپ تۇسە قالعان شەگەن ءبيدىڭ ءبىر بالاسىن ۇيىنە قوندىرماي جىبەرىپتى. سودان ءوزى بىردە شەگەنگە سالەم بەرەيىن دەپ بارسا، شەگەننىڭ ءوزى ۇيدە جوق ەكەن. باياعى ءوزى ۇيىنە قوندىرماي جىبەرگەن بالاسى تابايدى تانىپ:
«دۇنيە كەزەك دەگەن، اقساقال، انادا ۇيىڭىزگە قوندىرماعانىڭىز ەسىڭىزدە بولار، ەندى ءسىز دە بۇل ۇيگە قونا المايسىز، جولىڭىزدان قالماي جۇرە بەرىڭىز» — دەپ تۇسىرمەيدى.
بالا ايتتى دەپ كەتە بەرەتىن تاباي ما، اتتى بوربايلاتا ءبىر سالىپ، قوتاننىڭ ورتاسىنا بارادى دا، بار داۋىسىمەن ويبايعا باسادى:
— بايلىقتى سۇرادىڭ — تالاسپادىم، بەردىم، شەگەن، ويباي،
باتىرلىقتى سۇرادىڭ — تالاسپادىم، ءباردىم، شەگەن، ويباي!
بيلىكتى سۇرادىڭ — تالاسپادىم، بەردىم، شەگەن، ويباي!
وزىمە قونعان قۋ ساراڭدىق ەدى، بەردىم، ويباي، بەردىم! — دەپ، اتتى باسقا تارتىپ جىبەرەدى.
العاشقى داۋىس شىققاندا ۇرەيلەنە سىرتقا شىققان شەگەننىڭ بايبىشەسى تابايدى تانىپ، جۇگىرىپ كەلىپ شالبىرىنا ورالادى. جالىنىپ-جالپايىپ، اتتان ءتۇسىرىپ، بالاسىنا كەشىرىم سۇراتىپ، ات-تون ايىپ تولەيدى.
You Might Also Like
-
باياعىدا ءبىر كەدەي ءومىر ءسۇرىپتى. ول قانشا تىربانسا دا، جارلىلىقتان قۇتىلا الماعان كورىنەدى. ابدەن زىعىردانى قايناعان كەدەي ءبىر دانىشپاننان اقىل سۇراي بارىپتى.
-
جانقۇتتى شەشەن ءبىر كۇنى قىپشاق دۋانباسى ىبىرايدىڭ ۇيىنە كەلەدى. ىبىراي يمەنەتىن، نەمەسە ەرەكشە سىيلايتىن كىسى بولماسا، كەز كەلگەن ادامدى ءوزى وتىراتىن ۇيىنە كىرگىزبەي، قوناق ۇيىنە تۇسىرتەدى ەكەن. دۋ...
