InfoHub Logo

ءبىلىم بەرۋ سالاسى: قاتىناس، تانىم، دەنساۋلىق، الەۋمەتتىك ورتا
ۇيىمداستىرىلعان وقۋ ءىس - ارەكەت ءتۇرى: قورشاعان ورتامەن تانىستىرۋ، ءتىل دامىتۋ، مۇسىندەۋ

تاقىرىبى: “جانۋارلار الەمىنە ساياحات” (پرەزەنتاسياسىمەن)
ماقساتى:
1. جانۋارلاردىڭ تابيعاتتاعى ءرولى مەن ماڭىزى تۋرالى تۇسىنىك بەرۋ. نەگىزگى توپتارىمەن
(ءۇي جانۋارى، جابايى جانۋارلارمەن) تانىستىرۋ.
2. ەلەكتروندى وقۋلىقتى پايدالانا وتىرىپ، وي ءورىسىن، زەيىنىن دامىتۋ، تابيعات تۋرالى تۇسىنىكتەرىن كەڭەيتۋ.
3. تابيعي ماتەريالدارمەن جۇمىس ىستەۋ ىسكەرلىگىن قالىپتاستىرۋ. قورشاعان ورتانى سۇيۋگە، مەيىرىمدىلىككە تاربيەلەۋ.
ءادىسى
ادىستەرى: ءتۇسىندىرۋ، ويىن، سۇراق - جاۋاپ، كەيىپتەندىرۋ
كورنەكىلىگى
● ەلەكتروندى وقۋلىق
● جانۋارلاردىڭ جەكە توپتاما سۋرەتتەرى.
● ەلەكتروندى ويىن
● جانۋارلار كيىمى

موتيۆاسيا – قوزعاۋشى
تاربيەشىنىڭ ءىس - ارەكەتى
سالەمدەسۋ.
ۇلكەنگە دە ءسىز،
كىشىگە دە ءسىز.
بارشا جاندى قۇرمەتتەپ،
باس يەمىز ءبىز.
“ءبىز اڭداردى جاقسى كورەمىز”
(جىلۋلىق شەڭبەرى)
قويان قورقاق - ءسابىزدى جاقسى كورەدى،
تۇلكى قۋ - تەرىسى ونىڭ ادەمى
ايۋ اڭقاۋ - بالدى جاقسى كورەدى.
قاسقىر باتىر ءارى زالىم كەلەدى.
ءتيىن جاڭعاقتى شاعىپ جەيدى.
بۇلاردىڭ بارىدە بىزگە تيمەيدى.

بالالاردىڭ ءىس - ارەكەتى
بالالار ءبىر - بىرىمەن سالەمدەسىپ، امانداسۋ ءراسىمىن جاسايدى.
بالالار “ءبىز اڭداردى جاقسى كورەمىز” دەپ حورمەن جانە ءوز قالاۋلارى بويىنشا جانۋارلاردىڭ ەرەكشەلىكتەرىن ايتادى
ىزدەنۋشى - ۇيىمداستىرۋشى
تاربيەشىنىڭ ءىس - ارەكەتى
ءۇنتاسپادان جانۋارلار تۋرالى تۇسىنىك بەرۋ. (كورنەكىلەۋ ارقىلى تۇسىنىك بەرۋ)

جانۋارلار ءتىرى تابيعاتتىڭ نەگىزگى بولىگى. جانۋارلار ەكىگە بولىنەدى: ءۇي جانۋارلارى جانە جابايى جانۋارلار. جانۋارلاردىڭ تابيعاتتاعى تىرشىلىگى ەرەكشە ءارى قىزىقتى. ولاردىڭ ادام ءۇشىن پايداسى دا وتە زور. جىلقى، تۇيە، سيىر، قوي، ەشكى، يت، مىسىق، تاۋىق ادامنىڭ ءۇيىنىڭ ماڭايىندا تىرشىلىك ەتەدى. سول ءۇشىن ءۇي جانۋارلارى دەپ اتالادى.

جابايى اڭدار - تابيعي جاعدايدا ءوز بەتىمەن تاماق تاۋىپ، تىرشىلىك ەتەتىن جانۋارلار. جابايى جانۋارلاردىڭ تۇرلەرى وتە كوپ. (كورنەكىلىك ارقىلى ءتۇسىندىرۋ)
بالالاردىڭ ءىس - ارەكەتى
بالالار ءۇنتاسپادان جانۋارلار تۇرلەرىمەن تانىسادى.

جانۋارلاردىڭ ءۇي جانۋارلارى جانە جابايى جانۋارلار بولىپ ەكىگە بولىنەتىنىن (ولارعا قانداي جانۋارلار جاتقىزىلاتىنىن ) مەڭگەرەدى.

جانۋارلار تابيعاتتىڭ ءبىر بولىگى ەكەنىن ءبىلدى.
- بالالار، ەندى ەو - تان "جانۋارلار الەمى" تۋرالى تىڭداپ كورەيىك.
- “بالالارىن اتا؟”
- ماقساتى: ءۇي جانە جابايى اڭداردى ءبىر - بىرىنەن اجىراتۋعا ۇيرەتۋ؛
- شارتى:
- دوپتى لاقتىرۋ ارقىلى جانۋارلاردىڭ بالاسىنىڭ اتىن اتايمىز.
- قويان -
- قاسقىر -
- ايۋ -
- جىلقى -
- سيىر،
- قوي -

بالالار دوپتى ءبىر - بىرىنە لاقتىرۋ ارقىلى جانۋارلاردىڭ بالالارىن اتايدى.
قوياننىڭ بالاسى - كوجەك،
قاسقىردىڭ بالاسى - بولتىرىك،
ايۋدىڭ بالاسى - قونجىق
جىلقىنىڭ بالاسى - قۇلىن
سيىردىڭ بالاسى - بۇزاۋ
قويدىڭ بالاسى - قوزى

“ەلەكتروندى ويىن مەن جۇمىس جاساۋ”
ماقساتى:
جانۋارلاردى اتاپ، دىبىستارىن ءبىر - بىرىنەن اجىراتۋعا ۇيرەتۋ.
- بالالار، قويان، كىرپى، تيىن، قاسقىر، ايۋ قايدا مەكەندەيدى؟
- جابايى جانۋارلاردىڭ ءۇي جانۋارلارىنان قانداي ايىرماشىلىعى بار؟
اڭدار ءبىر - بىرىنە ۇقسايدى ما؟
قاسقىر قايدا؟
ايۋ قايدا؟
تۇلكى قايدا؟
قويان قايدا؟
- بالالار ايۋ قالاي دىبىستايدى؟
(قيمىلمەن ءجۇرىسىن سالىپ، كورسەتەيىكشى؟)

بالالار ەلەكتروندى ويىنمەن جۇمىس جاسايدى.
جابايى جانۋارلار ورماندا مەكەندەيتىنىن بالالار مەڭگەرەدى.
ەلەكتروندى ويىننان جانۋارلاردى تاۋىپ، قيمىلىن، دىبىسىن سالىپ كورسەتەدى.

سەرگىتۋ ءساتى:
ورمانداعى ايۋ، قونجىق، ۇيالاردان بال ىزدەدى.
مويىندارىن وڭعا بۇردى، مويىندارىن سولعا بۇردى،
ورمان ءىشىن ارالادى، اعاشتاردى شايقاپ كوردى.
وڭعا ءبىر، سولعا ءبىر، اعاشتاردى بايقاپ كوردى.
اياقتارىن كوتەرىپ اپ، قۋانعاننان بيلەي بەردى.
وڭعا ءبىر، سولعا ءبىر، قۋانعاننان بيلەي بەردى

سەرگىتۋ جاتتىعۋىن ورىندايدى.
ايۋ، قونجىق قيمىلىن سالىپ، ۇيالاردان بال ىزدەيدى.
مويىندارىن وڭعا، سولعا بۇرادى.
ورمان ءىشىن ارالاپ، اعاشتاردى شايقايدى.
اياقتارىن كوتەرىپ، قۋانعاننان بيلەيدى.

«جانۋارلار الەمىندە»
(تابيعي ماتەريالدارمەن جۇمىس)
ماقساتى: قول ەڭبەگىن دامىتۋ.
شارتى:
• ءار توپقا تاپسىرمالاردى ءبولىپ بەرۋ؛
• قاجەت زاتتارمەن تانىستىرۋ؛
• ەلەكتروندى ويىننان ۇلگى كورسەتۋ؛
• تاپسىرمانى ورىنداۋعا ۋاقىت بەرۋ؛
قاجەت زاتتار: اق قاعازعا سالىنعان جانارلار سۋرەتى، ماقتا، تۇيەنىڭ ءتۇبىتى، جەلىم.
ءى - توپ قويان
ءىى - توپ تۇيە

ءار توپ وزدەرىنە بەرىلگەن تاپسىرمانى ورىنداۋ ءۇشىن، قاجەتتى زاتتارمەن تانىسادى، ەلەكتروندى ويىننان ۇلگىنى كورىپ الادى، كەيىن تاپسىرمالارىن ورىنداۋعا كىرىسەدى
رەفلەكسيۆتى - كوررەكسيالاۋشى
قورتىندىلاۋ.

بالالار بۇگىن جانۋارلار تۋرالى نە بىلگەنىمىزدى ەلەكتروندى وقۋلىق ارقىلى تەكسەرىپ كورەيىكشى؟

- ەلەكتروندى وقۋلىعىمىز ارقىلى
1 ءۇي جانۋارلارىن تاۋىپ كورسەتىپ، دىبىستالۋىن سالىپ كورسەتەيىكشى؟

2. جابايى جانۋارلاردى توپتاستىرىپ كورسەتىپ، دىبىستالۋىن سالىپ كورەيىك؟

باعالاۋ.
- جارايسىڭدار بالالار! بۇگىن سەندەر ءۇي جانۋارلار مەن جابايى جانۋارلاردى جاقسى اجىراتا بىلەتىندەرىڭدى كورسەتە بىلدىڭدەر.
بالالاردىڭ ەڭبەگىن باعالاۋ، ماداقتاۋ.
(جانۋارلاردىڭ ءتۇرلى - ءتۇستى سۋرەتتەرى تاراتىلدى )

بالالار ەلەكتروندى وقۋلىقتاعى جانۋارلاردىڭ سۋرەتتەرى ارقىلى جابايى جانۋارلاردى تاۋىپ، وقۋلىق تەتىكتەرىن باسىپ، دىبىستالۋىن قايتالايدى.

پرەزەنتاسياسىن جۇكتەۋ