InfoHub Logo

جاپونيانىڭ وساكا قالاسىندا وتكەن جەر تۋرالى وليمپيادادا قازاقستاندىق وقۋشىلار ب ا ق سىنادى. استانا قالاسى №4 گيمنازيا-مەكتەبىنىڭ 10-سىنىپ وقۋشىسى جاعىپاروۆا ءاليا، نازاربايەۆ زياتكەرلىك مەكتەبىنىڭ وقۋشىلارى ايمۋحامبەتوۆا ءازيزا، بايمۋرزينا ءاديا جانە تولەگەنوۆا ارۋجان قاتارلى ءتورت وقۋشى ەل نامىسىن قورعاپ قايتتى.

جەر تۋرالى حالىقارالىق عىلىمي وليمپيادا (IESO – International Earth Science Olympiad) – گەولوگيا، مەتەورولوگيا، مۇحيتتانۋ جانە استرونوميا پاندەرى بويىنشا ورتا مەكتەپ وقۋشىلارى اراسىندا جىل سايىن ءوتىپ تۇراتىن سايىس. بۇل وليمپياداعا اتالمىش باعىتتا مەملەكەتتىك جەڭىمپاز اتانعان وقۋشىلار عانا ب ا ق سىناي الادى.

بيىل وساكا قالاسىنداعى حالىقارالىق سايىسقا الەمنىڭ 33 ەلىنەن 300-دەن استام ۇمىتكەر قاتىستى. ەل ابىرويىن اسقاقتاتىپ قايتقان وقۋشىلارعا العىس بىلدىرگەن ق ر ينۆەستيسيالار جانە دامۋ ءمينيسترى جەڭىس قاسىمبەك ولاردىڭ جەتىستىكتەرىن اتاپ كورسەتتى.

"جاپونيانىڭ وساكا قالاسىندا وتكەن IESO – 2016 جەر تۋرالى حالىقارالىق عىلىمي وليمپياداسىنا ءبىر توپ جاس گەولوگتارىمىزدى شىعارىپ سالعان ەدىك. سول جاس عالىمدارىمىز بارشا قازاقستاندىقتاردىڭ سەنىمىن اقتاپ، ەلگە جۇلدەمەن ورالدى. استانالىق №4 گيمنازيا-مەكتەبىنىڭ 10-سىنىپ وقۋشىسى ءاليا جاعىپاروۆا جەكە سىناقتا قولا مەدال جەڭىپ الدى. وعان قوسا، حالىقارالىق كوماندا قۇرامىندا جەر تۋرالى عىلىمدار جونىندەگى جوبادا (Earth Science Project) ءبىرىنشى ورىنعا يە بولدى. ال نازاربايەۆ زياتكەرلىك مەكتەبىنىڭ 10-سىنىپ وقۋشىسى ءاديا بايمۋرزينا ITFI (حالىقارالىق كوماندالىق دالالىق زەرتتەۋ) كوماندالىق سايىستا ءبىرىنشى ورىنعا يە بولدى. ونىڭ سىنىپتاستارى ءازيزا ايمۋحامبەتوۆا مەن ارۋجان تولەگەنوۆا دا بارلىق سايىستارعا بەلسەندى قاتىسىپ، جارىستى ابىرويمەن اياقتادى" - دەپ جازادى يدم جەڭىس قاسىمبەك.

---