2019 جىلدان باستاپ مەكتەپ باعدارلاماسىنا «كاسىپكەرلىك نەگىزدەرى» ءپانى ەنگىزىلەدى
2019 جىلدان باستاپ مەكتەپ باعدارلاماسىنا «كاسىپكەرلىك نەگىزدەرى» ءپانى ەنگىزىلەدى. بۇل تۋرالى بۇگىن «ءبىلىم بەرۋدى دامىتۋدىڭ پەرسپەكتيۆتى مودەلدەرى» تاقىرىبىنداعى دوڭگەلەك ۇستەل بارىسىندا «اتامەكەن» ۇكپ باسقارماسى ءتوراعاسىنىڭ ورىنباسارى مۇرات ابەنوۆ ءمالىم ەتتى.
ول كاسىپكەرلىككە باۋلۋ ءبىلىم بەرۋدىڭ بارلىق دەڭگەيىندە، مەكتەپ قابىرعاسىنان باستاپ جۇرگىزىلۋى ءتيىس ەكەندىگىن باسا ايتتى.
«الەمنىڭ كوپتەگەن ەلدەرىندە، ماسەلەن، دانيا مەن سكانديناۆيا ەلدەرىندە كاسىپكەرلىككە باۋلۋ مەكتەپ باعدارلاماسىنىڭ وقۋ پروسەسىنە ەنگىزىلگەن. وسى ورايدا ۇلتتىق كاسىپكەرلەر پالاتاسىنىڭ ۇسىنىسىن قولداعان ەلىمىزدىڭ ءبىلىم جانە عىلىم مينيسترلىگىنە ريزاشىلىعىمىزدى بىلدىرەمىز. 2019 جىلدان باستاپ مەكتەپ باعدارلاماسىنا «كاسىپكەرلىك نەگىزدەرى» ءپانى ەنگىزىلەدى»، - دەدى م.ابەنوۆ.
شاراعا مارتەبەلى مەيمان رەتىندە ءيزرايلدىڭ بۇرىنعى ءبىلىم ءمينيسترى، ساياساتكەر شاي موشە پيرون دا قاتىسىپ، ءوز ويلارىمەن ءبولىستى.
«كوپتەگەن ەلدەر ءبىلىم سالاسىندا رەفورما جاساۋعا تىرىسقان كەزدە وزگە مەملەكەتتەردىڭ تاجىريبەسىنە ءجيى ارقا سۇيەپ جاتاتىنى بار. بۇل رەتتە ولار وزدەرىنىڭ ءبىلىم بەرۋ ەرەكشەلىكتەرىن، وزدەرىنىڭ مادەنيەتىن قاپەردەن شىعارىپ الادى. بالالار ەڭ ءبىرىنشى كەزەكتە ءوزى ءومىر ءسۇرىپ جاتقان جەردى سەزىنۋى ءتيىس. بۇل ءبىلىم بەرۋ نەگىزىنىڭ ءبىرى. يننوۆاسيا دەپ ونى ەستەن شىعارۋعا بولمايدى»، - دەدى شەتەلدىك مەيمان.
You Might Also Like
-
وعىزناما — تۇركى حالىقتارىنىڭ ەجەلگى شەجىرەسىن گەنەالوگيالىق اڭىزدار نەگىزىندە باياندايتىن ەپوستىق داستان. شىعارما العاش اۋىزشا تۋىنداپ، بەرتىن كەلە قاعازعا تۇسىرىلگەن.
-
جاپونيانىڭ وساكا قالاسىندا وتكەن جەر تۋرالى وليمپيادادا قازاقستاندىق وقۋشىلار ب ا ق سىنادى. استانا قالاسى №4 گيمنازيا-مەكتەبىنىڭ 10-سىنىپ وقۋشىسى جاعىپاروۆا ءاليا، نازاربايەۆ زياتكەرلىك مەكتەبىنىڭ وقۋش...
