جاقسى ءسوز جارىم ىرىس
جاقسى ءسوز جاننىڭ جىلۋى. ءبىر بىرىمىزگە جىلى قاباق تانىتىپ، جاقسى ءسوزىمىزدى ارناپ جۇرگەن قانداي عانيبەت. قارىشتاپ دامىعان وركەنيەتكە ىلەسەمىزدەپ وسىناۋ جاقسى قاسيەتىمىزدەن ايىرىلىپ بارا جاتقاندايمىز. اسىعىسپىز... ءتىپتى ەت جاقىنىمىزبەن ارالاسۋعا ۋاقىت جوق. قايدا اسىعامىز؟... «جاقسىنىڭ جاقسىلىعىن ايت نۇرى تاسىسىن...»، «جاقسى ءسوز جارىم ىرىس»، ت. ب. تولىپ جاتقان ماقال – ماتەلدەردى ەستىپ ءجۇرمىز. جاقسى ءسوز ەستىپ كوڭىلىڭنىڭ كوتەرىلىپ قالعانىن ءوزىڭ دە بايقاماي قالاسىڭ. تۇنىپ تۇرعان پسيحولوگيا! جاز جايلاۋ، قىس قىستاۋ مال سوڭىندا ءجۇرىپ، پسيحولوگيا وقىماعان قازاق وسىنىڭ ءبارىن قايدان بىلگەن؟! ءسىرا، حالىق دانالىعى دەگەن وسى بولار.
مەكتەپ قابىرعاسىندا وقىپ جۇرگەندە، قابىرعالاردا ءىلىنىپ تۇرعان ءتۇرلى ماقال – ماتەلدەردى، ناقىل سوزدەردى كورىپ، ءبىرىمىز بولماسا دا، ءبىرىمىز ويلانىپ جۇرەتىن ەدىك. «تاربيە تال بەسىكتەن ەمەس پە؟». ءبىراق بۇل وسكەن سوڭ تاربيەنى توقتاتىپ قويۋعا بولادى دەگەن ءسوز ەمەس قوي. ايتقىم كەلگەنى ءبىزدىڭ قازۇۋ - ءنىڭ مەحانيكا – ماتەماتيكا فاكۋلتتەتىنە كەلگەلى مەن ول تاربيەنى كورە المادىم. ۇلى ادامداردىڭ پورترەتتەرى ءىلىنىپ تۇر، ولدا تاربيە، ءبىراق، تاربيە كوپتىك ەتپەيدى عوي.
توقسان اۋىز ءسوزدىڭ توبىقتاي ءتۇيىنى، ءبىزدىڭ فاكۋلتەتتە جانە وزگە دە فاكۋلتەتتەردە، ەگەر جوق بولسا، ماقال – ماتەلدەرىمىزدىڭ جانە ناقىل سوزدەرىمىزدىڭ ءىلىنىپ تۇرعانىن قالار ەدىم. ءبىر جاعىنان تاربيە، ەكىنشى جاعىنان قازاقى ءداستۇر ۋنيۆەرسيتەتىمىزدىڭ اجارىن اشا تۇسەر ەدى. كورگەن كوزدە جازىق جوق، ەستىگەن قۇلاققا التىن سىرعا.
ءال – فارابي اتىنداعى قازاق ۇلتتىق ۋنيۆەرسيتەتى
مەحانيكا – ماتەماتيكا فاكۋلتەتى
بەكبولات ب [email protected]
You Might Also Like
-
ارالتوعاي اۋىلى C.ورازالين اتىنداعى ورتا مەكتەپ 3 كلاسس وقۋشىسى. شوكەنوۆا جۇلدىزاي رىسكەلدى قىزى
