شىمكەنتتىك وقۋشىلار «سابىر» اتتى روبوت جاساپ شىعاردى
شىمكەنتتىڭ كورمە ورتالىعىندا نازاربايەۆ زياتكەرلىك مەكتەبىنىڭ ۇيىمداستىرۋىمەن «IT» الەمىندە» اتتى جوبالار بايقاۋى ءوتتى. قالا اكىمدىگى ۇيىمداستىرعان سايىسقا شاھارداعى 25 مەكتەپتىڭ وقۋشىلارى قاتىستى. ولار 4 باعىت بويىنشا 26 جوبا ۇسىندى.
وقۋشىلاردىڭ اقپاراتتىق تەحنولوگيالارعا دەگەن يكەمىن جەتىلدىرۋ ماقساتىندا وتكىزىلگەن بايقاۋدا بالالار كومپيۋتەرلىك ونەر، موبيلدىك باعدارلاما، قىسقامەتراجدى فيلم، باعدارلامالاۋ، روبوتوتەحنيكا باعىتتارى بويىنشا باقتارىن سىنادى. عىلىم سالاسىنا قىزىعۋشىلىعى مول، دارىندى بالالاردىڭ قاتارىندا دىبىستىق روبوت جاساپ شىققان جاس ونەرتاپقىشتار دا بولدى. ولار ءبىر جارىم ايدا سەنسورلى روبوت جاساپ شىعارىپتى. سويلەۋگە بەيىم قۇلتەمىرلەرگە جوبا اۆتورلارى «سابىر» دەگەن اتاۋ بەرگەن.
«قۇلتەمىر باسى مەن قولىن قيمىلداتا الادى. وعان سپۋتنيكتىك انتەننانىڭ ماتەريالىن قولداندىق. بۇدان بولەك كەز كەلگەن ساباقتاردا وقۋشىنىڭ ىنتاسىن ارتتىرۋ ءۇشىن دە وسى قۇلتەمىرلەردى پايدالانۋعا بولادى. سەبەبى، ونىڭ ىشىنە ساباقتىڭ تاقىرىبىنا بايلانىستى ماتەريالداردى سالىپ، ساقتاپ قويامىز. ونى روبوت ەركىن دىبىستاپ، وقىپ بەرە الادى»،- دەيدى بايقاۋعا قاتىسۋشى بەكنۇر قونىسبايەۆ.
IT سالاسى بويىنشا جەڭىمپاز وقۋشىلارعا اقشالاي سىيلىقتار تابىس ەتىلدى. وزگە دارىندى بالالارعا ارنايى سەرتيفيكاتتار بەرىلدى. وقۋشىلاردىڭ شىعارماشىلىقپەن اينالىسۋىنا مۇمكىندىك بەرەتىن بايقاۋ الداعى ۋاقىتتا جىل سايىن وتكىزىلىپ تۇرادى،-دەيدى ۇيىمداستىرۋشىلار.
You Might Also Like
-
كينو - بۇل شەت ءتىلىن وقىتۋداعى ەڭ كورنەكى قۇرالداردىڭ ءبىرى. ول وقۋشىلاردى كوپتەگەن قاجەتتى ماتەريالدارمەن تانىستىرادى.
-
سىن ەسىم جانە اعىلشىن تىلىندەگى سىن ەسىم الەمدىك لينگۆيستتەر تاراپىنان جان-جاقتى زەرتتەلگەن دەپ ەسەپتەلگەنىمەن، قازىرگى اعىلشىن تىلىندەگى سويلەم مۇشەلەرى اراسىنداعى سىن ەسىمنىڭ لينگۆيستيكالىق ستاتۋ...
