ماعجان دەپتى ءبىزدىڭ باكەڭ بالاسىن،
قاراشىعىم، بۇلدىرگەن بوبەك، اداسىم!
سۇرايسىڭ عوي: «قايدان كەلدىڭ، اعا؟- دەپ،
ەندى قايدا جول تارتىپ سەن باراسىڭ؟»
بۇل سوزىڭە مەن ايتامىن، قاراعىم:
ويدان شىقتىم، ويعا تاعى بارامىن.
كوپتەن ءوزىن ۇستاماپ ەم قولىما،
توتىققانداي بولدى مىناۋ قالامىم.
وقاسى جوق، توتىقسا، ەندى اشىلار،
قالامىمنان تاعى ءسوزىم شاشىلار.
سەن، بوبەگىم، ەرجەتەرسىڭ، وسەرسىڭ،
تولقىندار دا تولقىپ-تولقىپ باسىلار.
مەن تۋعاندا اقىن اعام كەلدى دە،
كەلىپ، ماعان اق باتاسىن بەردى دە.
ءوس، بوبەگىم، جاس بالاۋسا قۇراقتاي،
ءومىر - كەرۋەن، ءبىر ءسات توقتاپ كوردى مە؟!

---