جاڭا تۇسكەن جاس كەلىن،
كەمپىرلەرگە اس كەلىن.
ورامال-شارشى بەرمەسە،
ابۇيىرسىز تاس كەلىن.
العانعا قاباق شىتپاسا،
سوندا بولار باس كەلىن.
جاڭا تۇسكەن كەلىنشەك
بولمايدى ءتىپتى ەرىنشەك.
قۇدايدىڭ بەرگەن توقتىعى -
Ac بولادى ىرىمشىك.
جاس كەلىنشەك - توق قوناق،
بولمايدى ءتىپتى سۇعاناق.
ارىپ-تالىپ جۇرسە دە،
ويلايتىنى جاقسى اتاق.
بۇرقىراعان داۋىلدا،
ساباپ قۇيعان جاۋىندا،
ءلام دەپ ءبىر ءسوز شىعارماي،
جاس كەلىن جۇرەر ساۋىندا.
ءبىرىن ءبىرى ىزدەسكەن،
قاراڭعىدا كوزدەسكەن،
«باسىم جەرگە كىرگەنشە،
جانىم - سەن!» دەپ سوزدەسكەن.
جاس كەلىننىڭ كۇيەۋى -
مۇڭىن اشار سۇيەۋى.

---