جاسوسپىرىمدەرمەن جۇمىس بارىسىندا ناتيجەگە جەتۋ ءۇشىن كەيبىر فاكتور
ءوزىن-وزى تاربيەلەۋ — بۇل ادامنىڭ وز-وزىمەن سانالى تۇردە جۇمىس ىستەۋى، وز-وزىنە باعا بەرۋىنىڭ ناتيجەسى، يدەالدىلىقتى قالىپتاستىرىپ، ءوزىن-وزى كەمەلدەندىرۋگە جانە ءوزىن-وزى تانۋعا ۇمتىلۋ.
تاجىريبە كورسەتكەندەي، ادام ءوزىن-وزى تاربيەلەۋ جايلى بوزبالا شاقتا ويلانا باستايدى، سەبەبى بۇل پروسەسس پسيحولوگيالىق ەسەيگەندىكپەن – وز-وزىنە باعا بەرۋ مەن ءوزىن-وزى بايقاۋعا قابىلەتتىلىگىمەن بايلانىستى.
ءدال بوزبالا شاقتا «يدەالدى» ءوزىڭ جايلى العاشقى ويلار پايدا بولا باستايدى جانە «وسى شاقتاعى — مەن» مەن «قالاۋىڭداعى — مەننىڭ» اراسىنداعى ايىرماشىلىق بايقالا باستايدى.
ءجاسوسپىرىم ءوزىنىڭ يدەالدى بەينەسىنە جاقىنداۋ ءۇشىن الدىنا ماقساتتار قويادى. الايدا بارلىق ءجاسوسپىرىم ءوزىن-وزى تاربيەلەۋمەن اينالىسپايدى، سەبەبى مۇنىڭ بولاشاق ومىرلەرى ءۇشىن قانشالىقتى ماڭىزدى بولاتىنىن بارلىعى تۇسىنە بەرمەيدى. ادەتتە ءوزىن-وزى تاربيەلەۋمەن ەرىك كۇشى دامىعان جانە وزىن-وزىمەن جۇمىس ىستەۋ داعدىسى بار بالالار اينالىسادى. جاسوسپىرىمدەر ءوزىن تۇلعا رەتىندە تاربيەلەۋ بارىسىندا قانداي دا ءبىر ناتيجەگە جەتۋلەرى ءۇشىن كەيبىر فاكتورلاردى ەسكەرۋى ءتيىس، اسىرەسە مۇنى مۇعالىمدەر قاپەرىندە ۇستاعانى ءجون.
تاربيەلەۋدەگى فاكتورلاردىڭ ءبىرى ەلىكتەۋگە تۇرارلىق يدەالداردى دۇرىس قالىپتاستىرۋعا كومەكتەسۋ بولىپ تابىلادى. بۇل بالالارعا تابىستى، تاعدىرى ەلىكتەۋگە تۇرارلىق تانىمال ادامداردىڭ بيوگرافياسىمەن تانىستىرۋ ارقىلى ىسكە اسادى. تاڭدالعان كەيىپكەردىڭ بيوگرافياسىنداعى وزىن-وزىمەن جۇمىس ىستەگەن كەزدەرىندەگى دەرەكتەرگە اسا نازار اۋدارتىپ ايتۋ كەرەك.
ۇجىمدا ناقتى ءبىر ورىنعا يە بولۋ سىندى ءوزىن-وزى تاربيەلەۋ فاكتورلارى دا ىنتالاندىرادى. سونىمەن قاتار لايىقتى ورىنعا يە بولۋ ءۇشىن لايىقتى بولۋ كەرەكتىگىن جانە ەڭبەكتەنۋ كەرەكتىگىن تۇسىندىرەدى. بۇل جاعدايدا پەداگوگتىڭ مىندەتى – جاسوسپىرىمدەردىڭ نازارىن مىنەزىنىڭ كەيبىر تۇستارىنا بىلدىرتپەي اۋدارتۋ ارقىلى ولاردىڭ ءتارتىبىن تۇزەۋ، مىسالى، بىرەۋلەردە — بۇل قىزبالىق، باسقالارىندا — ۇجىمنىڭ باسقا ادامدارىنا دەگەن مەنسىنبەۋشىلىك جانە ت.ب. بولۋى مۇمكىن.
ءوزىن-وزى تاربيەلەۋدەگى تاعى ءبىر ماڭىزدى فاكتور – جاسوسپىرىمدەردىڭ قاتارلاستارىنىڭ وڭ جانە تەرىس مىسالدارى بولىپ تابىلادى. وڭ مىسالدارمەن ءبارى تۇسىنىكتى، تەك باستىسى اسىرا سىلتەۋدىڭ قاجەتى جوق، بىرەۋدىڭ بالاسىن وعان مىسال بولاتىن بالانىڭ كوزىنشە اسىرا ماقتاۋعا جول بەرمەڭىز، ايتپەسە كەرى مەحانيزم ورىن الۋى مۇمكىن – وڭ مىسالدى تەرىس مىسال دەپ قابىلداۋى مۇمكىن.
سەبەبى جاسوسپىرىمدەردىڭ جانى نازىك كەلەدى، سوندىقتان قۇرداسىنا جاسالعان ماقتاۋ ءسوزدى ءوزىنىڭ دارمەنسىزدىگى دەپ قابىلداۋى مۇمكىن. سونىمەن قاتار، بىرەۋمەن سالىستىرماي-اق، باسقا جاسوسپىرىمدەردىڭ بويىنداعى جاعىمسىز قاسيەتتەرگە باعا بەرۋگە بولادى، اسىرەسە مۇنداي قاسيەت «تاربيەلەنۋشىنىڭ» بويىندا بولسا.
كەيدە بىرەۋلەردىڭ جاعىمسىز قىلىقتارىن سوگۋ ءجاسوسپىرىمدى ءوز قىلىقتارى جايلى ويلانۋعا يتەرمەلەيدى.
ءوزىن-وزى تاربيەلەۋ فاكتورلارى جاسوسپىرىمدەردە ىشكى قارسىلىق پەن وزىن-وزىمەن جۇمىس ىستەۋ قاجەتتىلىگىن تۋدىراتىن پسيحولوگيالىق مەحانيزم سياقتى اسەر ەتەدى. مۇنداي قاجەتتىلىك ءاربىر جاسوسپىرىمدە پايدا بولادى، ال پەداگوگتىڭ مىندەتى – سونى سەزىپ، ءتۇزۋ جولعا باعىتتاۋ.
You Might Also Like
