جاستار ەلدىڭ ەرتەڭى
مەن بىتكەن ويپاڭ جەرگە الاسا اعاش،
ەمەسپىن جەمىسى كوپ تاماشا اعاش.
قالعانشا جارتى جاڭقام مەن سەنىكى—
پايدالان شارۋاڭا جاراسا،الاش!م. دۋلات ۇلى
سوڭعى دەمى ۇزىلگەنشە حالقىنىڭ قامى دەپ، ەلىنىڭ كوزىن اشۋ ءۇشىن ايانباي تەر توككەن ۇيقىدا جاتقان الاشىن وياتۋ ماقساتىندا «ويان، قازاق!» دەپ جارياعا جار سالعان ءمىرجاقىپ دۋلات ۇلىنىڭ قازاق ادەبيەتىندە،تاريحىندا جانە جۋرناليستيكاسىندا الار ورنى ەرەكشە. ول ءوز الاشى ءۇشىن ايانباي ەڭبەك ەتىپ، ۇستاز، باسپاگەر، اقىن، جازۋشى، اۋدارماشى رەتىندە رەسپۋبليكاعا تانىلدى. سول ءبىر اۋىر الاساپىران كەزەڭدەگى ەلىمىزدىڭ زيالىلارىنىڭ جاعدايى بارشا جۇرتقا ايان. اياعىن شالىس باسسا بولعانى ولاردىڭ جابۋعا جالاسى دايىن تۇراتىن ەدى ءدال وسىنداي سەبەپتەرمەن م.دۋلات ۇلى بىرنەشە رەت اباقتىعا جابىلعان ءبىراق اقتالىپ شىعىپ ءوز جۇمىسىن مويىماي قايتا جالعاستىرعان. قانداي قايسارلىق دەسەڭىزشى. ول جاستارعا دا كوپ كومەكتەسكەن جاستاردىڭ كوزىن اشۋ ماقساتىندا، وياتۋ ماقساتىندا ۇنەمى ولەڭ مەن ماقالالار جازىپ وتىرعان. انە جالىندى جاستاردى قاسىنا ەرتىپ تانىستىرىپ جۇرگەن سونىڭ ءبىرى ي. بايزاقوۆ ەكەن “ءمىرجاقىپ دۋلاتوۆ - الاشتىڭ جارىق جۇلدىزى” اتتى كىتاپتا يسا بايزاقوۆتىڭ ونەرگە كەلۋ جولىنداعى تانىستىرۋدا ءمىرجاقىپ دۋلات ۇلىنىڭ سەبەپكەر بولعانىن، ول كىسى ءارقاشاندا جاستارعا قوللاۋ كورسەتىپ قامكورلىق كومەك كورسەتەتىنى تۋرالى جازعان. ودان بولەك ونىڭ جاستارعا سەنىپ ارتىپ ۇلكەن ءۇمىت ارتقانىن ءوزىنىڭ “جاستارعا” اتتى ولەڭىنەن دە بايقاۋعا بولادى. ورىستىڭ وتارشىلدىعىنا شىداپ نايزامەن تۇرتسە دە ويانباي جاتقان قازاعىنا نالىپ، جاستارعا ءۇمىت ارتقان. مۇنىڭ سەبەبىن بىلاي تۇسىنۋگە بولادىسول زامانداعى قازاق حالقىنىڭ ۇلكەن الەۋمەتتىك ماسەلەسى ءبىلىمنىڭ سايازدىعى ەدى. ال جاستار الاۋلاعان جالىن ەمەس پە؟ الاۋلاپ تۇرعان شاعىندا بىلىمگە قۇمارتى كوكىرەك كوزدەرىن اشسا حالىققا باس بولىپ،وياتار دەگەن ۇمىتپەن جازىلعان ولەڭ سەكىلدى. جاستار قاي كەزدە بولماسىن بولاشاق قوي. ولار سول بولاشاق قوعامدى قالىپتاستىرۋشى ولاردىڭ كوزدەرى اشىق بولسا ەلدىڭ حال-احۋالى الدەقايدا جاقسىراق بولماق دەگەن ۇمىتتەمىن. ول كەزدەگى ساياسات حالىق قانشالىقتى قاراڭعى بولسا سونشالىقتى بيلەپ توستەۋ وڭاي بولادى دەگەن سوقىر سەنىم عوي. ال سول ساياساتتى جويۋ تەك جاستاردىڭ قولىندا ەكەنىن ءمىرجاقىپ دۋلات ۇلى بىلگەن سەكىلدى. سول كەزدەگى قاي زيالىنى الساق تا جاستارعا سەنىپ ارتىپ قولداۋ بىلدىرگەن سول سەزىمدەرىن ولەڭ ارقىلى جەتكىزگەن. اقتىق دەمدەرى قالعانشا كۇرەسىپ، تاۋەلسىزدىككە قول جەتكىزگەن. ال ەندى سول سەنىمدى بۇگىنگى كۇننىڭ جاستارى اقتاي الادى ما؟
الىمبەك قىزى انەل ءال-فارابي اتىنداعى قازۇۋ 1 كۋرس ستۋدەنتى
You Might Also Like
-
حالىقتىڭ دەمىن باسىپ، وتارشىلىق ەزگى ءۇشىن 1870 جىلدان باستاۋ العان بۇل گازەت قازاقتار تاريحىندا ەلەۋلى وقيعا بولدى. قازاقتاردىسڭ كوكىرەگى ويانىپ، كوزى اشىلىپ، حالىق ءبىر تۋدىڭ استىنداي بولا باستادى. ...
