جىپ-جىلى ءتۇن ماۋجىراپ،
كوتەرىلگەن جەردەن بۋ.
ساف كۇمىستەي جالتىراپ
تىنىش جاتقان تۇنىق سۋ.
كوككە تيگەن بيىك تاۋ
قۇشاقتاسقان تۇمانمەن،
قوسىلىسىپ ەسەن-ساۋ،
بال الىسقان قۇمارمەن.
اقىرىن ەسكەن جىلى جەل
ماۋجىراتىپ، تەربەتىپ،
تاڭ اتسىن دەپ جايناپ گۇل -
ءوسىپ بالام ەر جەتىپ.
شىرىلداپ تورعاي اسپاندا،
بىتپىلدىعى ءان قوسىپ،
شالا-جانسار جاتقاندا
تابيعاتقا جان قوسىپ،-
تاڭ الدىندا جالبارىپ،
تاڭىرىگە قۇلدىق قىلعانى،
ىسىنە ونىڭ تاڭدانىپ،
كوڭىلى حاققا سىنعانى.
مىنە، التىن تاڭ اتتى
كۇنشىعىستان اعارىپ.
كوتەرىپ زۇلمات قاناتتى،
جەر دە كەتتى جاڭارىپ.
تاڭ، كۇن دەگەن - جەر جانى،
بۇل ەكەۋىنسىز جوق ءسانى.
ءوقۋ-بىلىم - ەر جانى،
جاراسپاس ەرگە قۇر جانى.

---