InfoHub Logo

ماقساتى: بالالارعا ۇلى وتان سوعىسىنىڭ مازمۇنىن اڭگىمەلەپ، وسى سوعىستا ەرلىك كورسەتكەن باتىرلاردىڭ ەرلىكتەرىن، جىل سايىن جەڭىس كۇنىنىڭ مەرەيلى مەرەكەسىن بۇكىل حالىق تويلاپ وتىراتىنىن ايتىپ، جەڭىس سالتاناتىن كورە الماي كەتكەن بوزداقتاردىڭ، بۇگىندە سانى ازايىپ قالعان مايدانگەرلەردىڭ رۋحىنا باس يە وتىرىپ، بالالاردى وتاندى قورعاۋعا، ۇلى وتان سوعىسىنىڭ باتىرلارىنىڭ ەرلىك ىستەرىنە تاعزىم ەتۋگە، باتىل دا ەرجۇرەك بولۋعا ۇيرەتۋ. ەلىن، جەرىن جاۋدان قورعاي بىلۋگە، ەلىنىڭ پاتريوتى بولۋعا تاربيەلەۋ.

1 - جۇرگىزۋشى: ۇلى وتان سوعىسىنا قازاقستاننان 1 ميلليوننان استام جاۋىنگەر قاتىسىپ، ولاردىڭ باسىم كوپشىلىگى ۇرىس دالاسىندا قازا تاپتى. قانشاما جاۋىنگەر حابار-وشارسىز كەتتى. قازاقستاننان قۇرىلعان اسكەري ديۆيزيا ەڭ ءقاۋىپتى جەرلەردە سوعىستى. گەنەرال پانفيلوۆ باستاعان 28 ديۆيزيا جاۋىنگەرلەردىڭ ەسىمدەرى ۇلى وتان سوعىسىنىڭ تاريحىنا التىن ارىپتەرمەن جازىلعان.

2 - جۇرگىزۋشى: وڭايلىقپەن تۇسكەن جوق جەڭىس بىزگە
سوعىس ەلدى ءتۇسىردى - اۋ اۋىر كۇيگە.
جۇرت كۇيزەلدى، توگىلدى قانشا كوز جاس،
تۇنەردى قايعى بۇلتى تالاي ۇيدە.

1 - جۇرگىزۋشى: بىرىكتىرىپ ءۇمىتى مەن تىلەگەن،
بىرىكتىرىپ بارلىق كۇشىن جىگەرىن
انا ءۇشىن، بالا ءۇشىن، جەر ءۇشىن
جاسقانباستان توستى وققا جۇرەگىن
كورىنىس. ءۇنتاسپادان.
- قىمباتتى باۋىرلار، 1941 جىلى 22-ماۋسىمدا فاشيستىك گەرمانيا تۇتقيىلدان شابۋىل جاسادى. ولار ءبىزدى بوستاندىعىمىزدان ايىرا، جەرىمىزدى تاپتاماق بولدى، ءبىراق ولاي بولماق ەمەس. ءبىز جەڭەمىز، ادىلەت ءارقاشاندا جەڭبەك. فاشيستەرگە ءولىم كەلسىن! اعىلعان حالىق، وتان ءۇشىن جاۋعا اتتانىپ بارا جاتقان جاۋىنگەرلەر. كارى دە، جاس تا، قىزدار دا، انالار دا اسكەرگە ىلىككەن جاستاردى شىعارىپ سالۋدا.
داۋىستار: «امان - ەسەن ەلگە ورالىڭدار!»، «بالام ۇيگە جەڭىسپەن ورالىڭدار!»، «اكە قوش ساۋ بول!» ت. ب.

1 - جۇرگىزۋشى: مۇنداي جويقىن اپاتتىڭ كورىپ ءتۇرىن،
ادامزات ەستىمەگەن بۇدان بۇرىن.
تالقانداپ فاشيستەردى ازات بولعان
اتايمىز جىل سايىنعى جەڭىس كۇنىن

2 - جۇرگىزۋشى: وتان ءۇشىن مەرت بولعاندى تانىپ، ءبىل،
ولاردى استە ۇمىتپايدى حالىق بۇل
ەرلىك داڭقى ەشقاشاندا وشپەيدى
باتىرلاردىڭ جۇرەگى وت بوپ جانىپ تۇر!- دەي وتىرىپ جەڭىس كۇنىنەن ارنالعان ەرتەڭگىلىگىمىزدى باستايمىز.
مۋزىكا. بالالار قولدارىنا گۇل شوقتارىن، شارلاردى الىپ شىعادى.

1 - جۇرگىزۋشى: سوعىس ءورتى ءوشىپ، قايعى مۇڭنان ايىرىلىپ، بەيبىتشىلىك ورناعانىنا 67 - جىل.
2 - جۇرگىزۋشى: ەكى قولمەن شوق كوسەپ ويناعاندار،
كەۋدەسىن وتقا توسەپ لاۋلاعاندار.
ءبىر ساتكە سول ەرلەردى ەسكە الايىق
جەڭىس تويىن بۇگىندە تويلاعاندار، دەپ سوناۋ سۇراپىل جىلدارى جەڭىس كۇنىن جاقىنداتۋعا اتسالىسقان جانداردى 1مينۋت ۇنسىزدىكپەن ەسكە الايىق.
ۇنسىزدىك.
باعلان: بىزدەر ءۇشىن جانىن قيعان،
باس يەمىز جاندارعا
اتاق - داڭقىن جەتكىزەمىز،
ەرتەڭگى اتار تاڭدارعا.
قۇتتى بولسىن اپالار
ۇمىتپايدى ەشقاشاندا
جاۋىنگەردى بالالار
ءان: «جەڭىس كۇنىن تويلايمىز»

ايشا: جاۋىنگەر ءبىزدىڭ ساڭلاقتار
جاۋدى جەڭگەن سولداتتار
ارداقتا وتان - ەل ءۇشىن
باقىتتى تۋعان جەر ءۇشىن.
ءنۇرادىل: جاۋ شاتىرىن جىقتىرىپ
جاۋعا تىزە بۇكتىرىپ
جارق ەتتى ەلدىڭ ەرلەرى
جەڭىمپاز وسكەن ۇدايى.

جۇرگىزۋشى: «ەشكىم دە ۇمىتىلمايدى، ەش نارسە دە ۇمىتىلماق ەمەس!». وسىناۋ سوزدەر سوعىستا قازا تاپقاندار ەسكەرتكىشتەرىنە تاستان قاشالىپ جازىلعان.
ارايلىم: مەزگىلسىز ولگەن ارداگەرلەر
ۇلدار ايبىنى
جەلبىرە تۋلار
تولىقسىپ تۇرسا
ماي گ ۇلى
قۋانۋ كەرەك!
قۋانۋ كەرەك دەسەك تە....
ۇمىتۋ قيىن قايعىنى
«كوڭىلدى بي» سوعىس اندەرىنە پاپۋري.

جۇرگىزۋشى: ءيا، بۇل جەڭىس بىزگە وڭايلىقپەن كەلگەن جوق. ءادي ءشارىپوۆ، قاسىم قايسەنوۆ، جۇماعالي ساين، تالعات بيگەلدينوۆ، مۇسابەك سەڭگىربايەۆ، ءاليا مولداعۇلوۆا، مانشۇك مامەتوۆا، باۋىرجان مومىش ۇلى سياقتى اتى اڭىزعا اينالعان اعالارىمىز بەن اتالارىمىز، اپكەلەرىمىز بەن اپالارىمىزدىڭ جاساعان ەرلىكتەرى ماڭگى جادىمىزدا قالادى. بەيبىت كۇننىڭ ءاربىر ارايلاپ اتقان تاڭى ءۇشىن ءبىز مايدانگەرلەرگە قارىزدارمىز. وسى اپا - اتالارىنا ۇقساۋدى ارماندايتىن بالالارىمىز، ءقازىر سىزدەرگە ءوز ونەرلەرىن كورسەتەدى.

تەمىرلان: قايتپاعان داۋىلدان
كەك العان جاۋىنان
حالقىمنىڭ قاستەرلى
جايساڭى باۋىرجان
قازاقتىڭ قامى ءۇشىن
جۇرەگى اۋىرعان
ەلىنىڭ نامىسىن
قورعاعان باۋىرجان
جۇرگىزۋشى: 1945جىلى 30ساۋىردە ساعات 6، 30 - دا جەڭىس تۋى تىگىلدى. تۋ تىككەن راقىمجان قوشقاربايەۆ. ءتورت جىلعا سوزىلعان قان توگىس اياقتالدى.

كورىنىس.
ورتاعا قولىندا قىزىل تۋى بار راقىمجان قوشقاربايەۆ شىعادى.
راقىمجان. «وتان ءۇشىن العا!»، «بىزدەر جەڭدىك!» تۋدى تىگەدى.
ساليۋت، فانفارى.
ءۇنتاسپادان داۋىس: 4جىلعا سوزىلعان اۋىر سوعىستان كەيىن سوۆەت اسكەرى فاشيستىك گەرمانيانى قۇلاتىپ، ۇلى وتان سوعىسىندا جەڭىسكە جەتتى.
جەڭىس قۇتتى بولسىن!
1 - جۇرگىزۋشى: ءبىر عانا جەڭىس دەگەن ءسوزدى ەستىگەندە سول كەزدەگى ادامداردىڭ قۋانىشىندا شەك بولمادى. جان - جاقتان ايقايلاعان داۋىستار، كوزىنە جاس الىپ جىلاعاندار بولدى. ارينە بۇل ۇلكەن قۋانىشتىڭ جاسى ەدى.

2 - جۇرگىزۋشى: ەرجۇرەك باتىر اتا - اپالارىمىز سىيلاعان باقىتتى تاڭدار، بەيبىت كۇندەر ءۇشىن، ول كىسىلەردىڭ الدارىندا بىزدەر ءارقاشان باس يەمىز، ەندىگى جەردە جىل سايىن سانى ازايىپ بارا جاتقان باتىرلارىمىزدىڭ قالعاندارىنا اللا تاعالا ۇزاق عۇمىر بەرسىن دەپ تىلەيمىز.

جانگۇل: اعايىن تۋعان بار ادام
ادامدىق ءۇشىن جارالعان
بار ەلگە قىمبات تۋىستىق
باياندى بولسىن تىنىشتىق

دانارا: نۇر تۇنسىن قىرىمىز
قۇلپىرسىن گۇلىمىز
جايقالسىن باعىمىز
جايناسىن كۇنىمىز
ارسلان: اق كوگەرشىن قالىقتاپ
اسپاندا اشىق سامعاعان
تىنىشتىق بولىپ ەلىمدە
قاناتى ونىڭ تالماسىن.
ءان: «اق كوگەرشىن»