InfoHub Logo

رۋدنىي قالاسى،
«№2 قاشار ورتا مەكتەبى»كمم
شاعىن ورتالىق تاربيەشىسى ۋتەبايەۆا گۋلجاينا ەلمۋراتوۆنا

جىگىت سۇلتانى تاربيەلىك شارا
ماقساتى: بالالاردىڭ تاپقىرلىق، ونەرپازدىق، ويشىلدىق قابىلەتتەرىن اشۋ، ەستەتيكالىق تالعامىن دامىتۋ، شىعارماشىلىق دەڭگەيىن، ءوز ەلىنە، تۋعان جەرىنە دەگەن سۇيىسپەنشىلىك سەزىمدەرىن ارتتىرۋ، وتانىن سۇيەتىن ناعىز قازاق جىگىتىنىڭ قاسيەتتەرىن بويىنا سىڭىرە بىلەتىن ۇلتجاندى ۇرپاق تاربيەلەۋ.
سايىستىڭ بارىسى:
جۇرگىزۋشى: قۇرمەتتى ۇستازدار، اتا - انالار، جينالعان قاۋىم! سىزدەردى ۇلىستىڭ ۇلى كۇنى ناۋرىز مەرەكەسىمەن قۇتتىقتايمىن. سىزدەرگە زور دەنساۋلىق، مول باقىت، ەڭبەكتەرىڭىزگە تابىس تىلەيمىن.
ۋا، حالايىق كەلىڭىز، ارمىسىزدار!
بارلىعىڭىز ەسەن - ساۋ بارمىسىزدار!
بالا دەگەن ءومىردىڭ قىزىعى عوي،
بالا دەگەن ءومىردىڭ جالعاسى عوي،
قىزىعىن قىزىقتاۋعا تويماڭىزدار،
شاعىن ورتالىق "قارلىعاش" توبى بۇلدىرشىندەرىنىڭ "ۇلىستىڭ ۇلى كۇنى" ناۋرىز مەرەكەسىنە وراي ۇيىمداستىرىلعان "جىگىت سۇلتانى"سايىسىنا قوش كەلدىڭىزدەر!

جۇرگىزۋشى:
جينالعان مەرەكەگە بۇگىن حالىق،
قاراسىن ءبىزدىڭ جاققا كوزىن سالىپ.
جىگىتتىڭ سۇلتاندارى كەلىپ قالدى،
ونەرمەن تاپقىرلىعىن قاتار الىپ.
بۇگىنگى سايىسىمىزعا قاتىساتىن سۇلتان جىگىتتەرىمىز ەلدوس اناسى مارينامەن، نۋريسلام اناسى زابيرامەن، مەيرامبەك اناسى مايرامەن جانە ماقساتتى اپكەسى نۇربانۋمەن بىرگە قول سوعىپ، قوشەمەتپەن ورتاعا شاقىرايىق.
بۇگىنگى «جىگىت سۇلتانى» سايىسىن بۇلدىرشىندەرىمىزدىڭ ناۋرىز مەرەكەسىنە ارناعان «قوش كەلدىڭ، تورلەت ناۋرىزىم» اتتى كوڭىلدى انمەن باستاساق.

ال ەندى التى كەزەڭنەن تۇراتىن سايىستىڭ شارتتارىمەن تانىستىرىپ وتەيىن.
1. "تەگىن ءبىلۋ، تەكتىلىك". سۇلتاندارىمىز وزدەرىن تانىستىرادى.
2. "تازا، ءمىنسىز، اسىل ءسوز...". سۇراق - جاۋاپ سايىسى.
3. "شەبەر قولدار". قول ونەر سايىسى.
4." كۇش سىناسۋ". قول كۇرەس.
5."ءۇي تاپسىرماسى". ءوز ونەرىن كورسەتۋ.
6. ساندىلىك.

ونەرپازدار ونەرىن سالىستىرىپ،
بايگە ءۇشىن تەرلەتەر شابىستىرىپ.
ادىلدىكتى قولدايتىن باعا بەرىپ،
جىبەرەيىك قازىلاردى تانىستىرىپ.(ءادىلقازىلار القاسىمەن تانىستىرۋ).

جۇرگىزۋشى:
1 - سايىس
اقىل، كورىك بويلارىندا جەتەدى،
ءالى تالاي سىناقتاردان وتەدى.
مىنا وتىرعان بارشاڭىزعا،
سۇلتاندار وزدەرىن تانىستىرىپ وتەدى.
(سايىسقا قاتىسۋشىلار وزدەرىن تانىستىرادى)

2 - سايىس
مىقتى بولساڭ سۇراقتارعا جاۋاپ بەر،
كەلدى كەزەك وقۋمەنەن بىلىمگە.
بۇل سىننان دا وتسەڭ ەگەر سۇرىنبەي،
جۇلدە ساعان قۋانا بەر، كۇلىمدە، - دەمەكشى سۇراقتارعا جاۋاپ بەرۋ سايىسى.

سۇراقتار:
1) قازاق حالقى ۇلتتىق ويىندارىن اتا (اق سۇيەك، ارقان تارتۋ، ساقينا سالۋ، كوكپار، التىباقان، قىز قۋۋ، قول كۇرەس، اسىق ويناۋ)
2) جىگىتتىڭ ءۇش جۇرتى ( اعايىن، ناعاشى، قايىن)
3) قازاق حالقىنىڭ تويلارىن اتاڭىز ( قۇدا ءتۇسۋ، قىز ۇزاتۋ، نەكە توي، بەت اشار، شىلدەحانا، بەسىك توي، تۇساۋ كەسەر، سۇندەت توي)
4) جەتى اتانى اتاڭىز (اتا، اكە، بالا، نەمەرە، شوبەرە، شوپشەك، نەمەنە)

3 - سايىس
ءوزىنىڭ العىرلىعىن ۇعىندىرىپ،
كورسەتەر كوپ ىزدەگەن مىعىم قىلىق.
كەلەسى بۇل سايىستىڭ جوسپارىندا،
تۇسەدى باسەكەگە شەبەرلىك.(بالالار اناسىمەن بىرگە ءوز شەبەرلىكتەرىن كورسەتەدى)
جۇرگىزۋشى: كەزەكتە ارۋ-قىزدارىمىزدىڭ دايىنداعان ءبيىن تاماشالاساق. قابىل الىڭىزدار.

4 - سايىس
كەلەسى كەزەكتە «شىن ەر جەڭسە - تاسىماس، جەڭىلسە جاسىماس» دەمەكشى «كۇش سىناسۋ» سايىسى، جىگىتتەرىمىزدىڭ مىقتىسىن انىقتايىق.

5 - سايىس
بي بيلەيمىن تىنىشىڭدى الاتىن،
ءان سالامىن جاننىڭ ءشولىن باساتىن.
اسەم ءاننىڭ اۋەنىمەن وتكىزگەن،
شىركىن، شىركىن، بۇل ءومىردىڭ ءار ءساتىن، - دەمەكشى كەلەسى كەزەكتى "ءۇي تاپسىرماسى ونەر سايىسىنا" بەرەيىك.

6 - سايىس
ال ەندى ساندەنىپ شىققان سۇلتاندارىمىزدى انالارىمەن بىرگە قول سوعىپ قوشەمەتتەپ قارسى الايىق.
جۇرگىزۋشى: قۇرمەتتى قوناقتار، اتا – انالار وزدەرىڭىز بىرگە قىزىقتاپ، ونەرلەرىن تاماشالاعان "جىگىت سۇلتانى" سايىسى ءوز مارەسىنە جەتىپ قالدى. ءادىلقازىلار القاسى ءوز شەشىمدەرىن شىعارعانشا، بالالارىمىزدىڭ ناۋرىز مەرەكەسىنە ارنالعان تاقپاقتارىن تىڭدايىق.
جۇرگىزۋشى: ءادىلقازىلار القاسىن قول سوعىپ قارسى الايىق." توقسان اۋىز ءسوزدىڭ توبىقتاي ءتۇيىنى بار"، "جۇيرىكتەن جۇيرىك وزار جارىسقاندا"، - دەمەكشى بۇگىنگى سايىسىمىزدىڭ جەڭىمپازدارىن انىقتاۋ ءۇشىن ءسوز كەزەگى ءادىلقازىلار القاسىنا بەرىلەدى. (ءادىلقازىلار شەشىمى).
وسىمەن ءبىزدىڭ "جىگىت سۇلتانى" اتتى ۇيىمداستىرىلعان شاعىن سايىسىمىز اياقتالدى. نازارلارىڭىزعا راحمەت!