InfoHub Logo

ماقساتى: وقۋشىلاردى جولدا دۇرىس ءجۇرىپ - تۇرۋعا تاربيەلەۋ. قوعامدىق مەكەمەلەردىڭ كۇندەلىكتى تۇرمىستا الاتىن ورنى، وندا كوپتەگەن ادام جۇمىس ىستەيتىنىن ايتىپ ءتۇسىندىرۋ. ولاردىڭ قانداي كولىكتەرمەن جۇمىسقا باراتىنىن انىقتاۋ.
قالالىق جانە اۋىلدىق جەرلەردە جولدا ءجۇرۋ ەرەجەسىنىڭ ايىرماشىلىعىن انىقتاۋ. جول بەلگىلەرىن اجىراتا بىلۋگە باۋلۋ. جول ءجۇرۋ ەرەجەسىن ساقتاۋعا تاربيەلەۋ.
كورنەكىلىك: ءۇي ماكەتى، باعدارشام، جول بەلگىلەرى.

ساباق بارىسى
ءى. ۇيىمداستىرۋ كەزەڭى.
ءىى. سىنىپ ساعاتى.
- بالالار ءبىز بۇگىن « جول ءتارتىبىن جادىڭدا ۇستا» تاقىرىبىندا سىنىپ ساعاتى وتكىزەمىز.

ءمۇعالىم: جولدا ءجۇرۋ ەرەجەلەرىنە ارنالعان سىنىپ ساعاتىمىزدى ءشومىشباي سارييەۆتىڭ مىنا ولەڭ جولدارىمەن باستايمىز.
ارمانعا الدان كۇتكەن اسىعامىز،
ءبىز قالاي تولقىن اتپاي باسىلارمىز.
جول ءجۇرۋ ەرەجەسىن جاقسى ءبىلىپ،
ساقتىقتا تۇرا الاتىن جاس ۇلانبىز.
جالعايتىن دوستاستىرىپ بار ەلمەنەن،
جولداردان تۇرادى عوي الەم دەگەن.
بۇگىنگى بىزگە كەلگەن قوناقتارعا،
الدىمەن بەرىلەدى سالەم دەگەن.
نۇرشات: جول ءتارتىبى كىمگە كەرەك – بىرگە ويلانىپ كورەلىك،
ءارقايسىڭنىڭ قىلىعىڭا ءادىل باعا بەرەلىك.
ەرەجەنى جاقسى بىلگەن ورتاعا شىق، جاس ۇلان،
ءبىلىمىڭدى ساراپقا سال، ءبىز ەتەيىك تورەلىك.

لەنمار: قىزىل كوزىن اشقاندا،
سىنىق سۇيەم باسپا العا.
قۋانىش: سارى كوزىن اشقاندا،
قاراپ قالما اسپانعا.
ەربول: جاسىل كوزىن اشقاندا،
وتە بەرگىن جاسقانبا.
ەسكەرتۋ بەلگى:
ءوزى قىزىل، ءۇشبۇرىشتى ەسكەرتۋىڭ مەن بولام،
حابارلايتىن بار ءقاۋىپتى، وڭ ساپاردى جولداعان.

تىيىم سالۋ:
مەن بارىنە ءارقاشاندا تىيىم سالىپ تۇرامىن،
ءقاۋىپ بولسا الدا تۇرعان، جىبەرمەيمىن ءبىر ادىم.
ءتۇسىم قىزىل، ءوزىم شەڭبەر سىزىق بولىپ بىتەمىن،
وسى جولى ۇندەمەيمىن، بارما تاعى سۇراعىڭ؟

انىقتاما: بەلگىمەن كورسەتەر جىلدامدىق پەن باعىتتى
وي، شۇڭقىر، بۇرىلىس، قاتەردى، ءقاۋىپتى.
بارلىعىن دا انىقتاپ كورسەتىپ جىبەرەم،
سوندىقتان ءبارى دە مەنى تەز تانىپتى.

نۇرشات: باراتىن ساپاردىڭ قاشىعىن، تۇراعىن،
ءۇن - ءتۇنسىز جول سىلتەپ، كورسەتىپ تۇرامىن.
ءتورت توپتان قۇرىلعان بەلگىلەر تۋىستاي،
ءجون سىلتەپ تۇرامىز ۋ - شۋسىز ۇرىسپاي.

ءمۇعالىم: جول بەلگىلەرىن، مىندەتتەرىڭىزدى جاقسى بىلەدى ەكەنسىڭدەر. سەندەرگە كوپ راحمەت. ال ەندى، بالالار، ولاي بولسا، ءقازىر جۇمباق شەشىپ، ۆيكتورينالىق سۇراقتارعا جاۋاپ بەرىپ كورەلىك.

1 - جۇمباق: ارقانىم بار تىم ۇزىن،
الا المايسىڭ ءبىر ءۇزىم.
اقىلعا سالىپ ويلانىپ،
تاپشى مۇنى پىسىعىم. ( جول)

2 - جۇمباق: ءبىر تۇلپار، سۋ ىشپەيدى، جەم جەمەيدى،
ەسكەرىپ ەشبىر ادام ەمدەمەيدى.
جۇك ەمەس جانۋارعا ءجۇز ادام دا،
شىلبىرىن سىمعا بايلاپ تەز جوندەيدى. (ترامۆاي)

3 - جۇمباق: بۇيىرماپتى باس تا، اۋىز دا، قۇلاقتا،
باقىرايعان ءۇش كوزى بار ءبىراق تا. (باعدارشام)

ۆيكتورينالىق سۇراقتار.
1 - سۇراق. جولاۋشىلار دەگەنىمىز كىمدەر؟
جاۋاپ: كەز - كەلگەن كولىك ءتۇرىن پايدالاناتىن ادامدار.
2 - سۇراق. باعدارشام دەگەنىمىز نە؟
جاۋاپ: باعدارشام اۆتومات جۇيەسىنە قوسىلعان ءۇش كوزدى اسپاپ. جول قوعالىسىن رەتتەيدى.
3 - سۇراق. ۆەلوسيپەدپەن نەشە جاستان باستاپ جولمەن جۇرۋگە بولادى؟
جاۋاپ: جول بويىنا 14 جاسقا تولعان بالالارعا عانا رۇقسات.
4 - سۇراق. جيەكجول جوق جەردە قالاي ءجۇرۋ كەرەك؟
جاۋاپ: اۋىلدىق جەرلەردە جيەكجول بولماۋ مۇمكىن، ونداي جاعدايدا جولدىڭ ءبىر شەتىمەن كەلە جاتقان كولىككە قاراما - قارسى باعىتتا جۇرگەن ءجون

كورنەكىلىكتەرمەن جۇمىس.
ا) جولدا ءجۇرۋ ەرەجەسىنىڭ ساقتالۋى
ءا) كولىك تۇرلەرى
ب) جول بەلگىلەرى
قورىتىندى. ءان.«ءارقاشان كۇن سونبەسىن» اياقتاۋ.
كوشەدە تەك جۇرەلىك،
وزىنشە بۇل دا ءبىر ەرلىك.
اتا - انا قىنجىلماسىن،
ءتۇسىرىپ ۇنجىرعاسىن.