"جۇلدىز" جۋرنالىنىڭ قوعامداعى باعىتى
جاڭا ادەبيەت دەگەن اتاۋمەن 1928 جىلى جارىق كورسەدە وسى كۇنگە دەيىن ءوز ءمان ماعىناسىن جوعالتپاي كەلە جاتقان جۋرنالدىڭ ءبىرى «جۇلدىز» جۋرنالى. ادەبيەت پەن ونەرگە نەگىزدەلگەن بۇل جۋرنالدىڭ 2005-2008 جىلدارى رەداكسيا القاسىندا مىقتى مىقتى سىنشىلار، جازۋشىلار بولعان كەزدە وتە كوپ مالىمەتتەر جاريالانعان. جانە سول جىلدارداعى ايدارلارىنىڭ ءوزى ەرەكشە بولعانىندا بايقايمىز. 2005 جىلعى بولىمىندە پوەزيا پروزا، تۇرىك دۇنيەسى، "جۇلدىزدىڭ"، " ۇلى ادامدار" ەنسيكلوپەدياسى، ءدىن يسلام دارىستەرى، زەردە، ونەر، قازاقستان 2030، ادەبيەتتانۋ، التىنشى داپتەر، حات حابار وي تولعام دەگەن ايدارلارى بولسا. 2007 جىلى پوەزيا پروزا، سىن جانە ادەبيەتتانۋ، مادەني مۇرا، ويلار،تولعانىستار، الەۋمەت، باسپالار، باسىلىمدار دەگەن ايدارلارمەن جارىق كورگەن. جۋرنالدىڭ ەڭ ادەمى ءداستۇرى ءار سانىنىڭ العاشقى بەتىندە ۇلى تۇلعالار جايىندا سۋرەتى مەن ومىرىنەن قىسقاشا مالىمەت بەرىپ وتىرادى. بۇنىڭ ءوزى جۋرنالدى وقىعان وقىرماننىڭ ويىندا ۇلى تۇلعالاردىڭ بەينەسىن قالىپتاستىرۋ.
2005 جىلى اقپان ايىندا جارىق كورگەن سانىندا قىزدىڭ تاساسىنا تىعىلعان باتىرلار، ءبىر "ينتەرۆيۋگە" بايلانىستى، "بوربايى بوس" جىگىتتەر جانە بيازى بويجەتكەن، سارجاعال مادەنيەتىنىڭ وشاعى دەگەن تالاسبەك اسەمقۇلوۆتىڭ سىن ماقالالارى جاريالانعان ەكەن. جاس الاش جايىندا توقتاۋسىز جازىلىپ وتىرعان بۇل ماقالالار ءوز ماقساتىنا جەتكەن. ياعني تالاسبەك اسەمقۇلوۆ سارجاعال مادەنيەتىنىڭ وشاعى اتتى ماقالاسىنىڭ سوڭىندا "P. S. جۋرنال باسپاحاناعا ءوتىپ بارا جاتقان ەڭ سوڭعى ساتتە "قىزىق" حابار جەتتى: "جاس الاش" ايىپقا جىعىلىپتى. اقشا كەسىمىنىڭ مولشەرى - ۇلكەن ەسەپپەن العاندا، شامالى عانا. ءبىراق ماسەلە وندا ەمەس. كىنالىسىڭ! - دەگەن ۇكىم شىعارعان ءادىل سوت. ءبىراق ادىلەتكە توقتايتىن "جاس الاش" پا! تاعى دا ايقاي-ۇيقاي، ويباي-اتتان، ءبىر سوزبەن ايتقاندا، جۇرتتى دۇرلىكتىرىپ، جوعارعى جاققا قۋانىپ كورمەك. ياعني، ەڭ ۇلكەن قىزىق - الدا…" دەپ ءسوزىن قورىتىندىلايدى.
2009 جىلى جۇلدىز جۋرنالىنا ۇلىقبەك ەسداۋلەت رەداكتور بولعان كەزىندە گالەرەيا دەگەن ءبولىم قوسىلعان. گالەرەيا بولىمىندە سۋرەتشىلەردىڭ، فوتو جۋرناليستەردىڭ تۋىندىلارى جارىق كورىپ وتىرعان. ءبىراق، بۇگىنگى جۇلدىز جۋرنالىندا گالەرەيا ءبولىمى جوق. ال مۇقتار ماعاۋين رەداكتورلىق ەتكەن كەزىندە وتە كوپ مالىمەتتەر جاريالانعان بولاتىن. ءتىپتى جاس اقىندارعا، جاس جازۋلارعا، سىنشىلارعا مۇمكىندىك بەرىپ، ولاردىڭ جۇمىستارىن جۋرنال بەتتەرىنە جاريالاپ وتىردى.
2020 جىلعى باسىلىمدارىندا ەلدەگى ادەبي جاڭالىقتارعا، وزگەرىستەرگە بايلانىستى اباي 175 ايدارى قوسىلىپ، ابايدىڭ ولەڭدەرىمەن، عاقليا دەگەن اتپەن قارا سوزدەرى وقىرماندارعا جول تارتىپ كەلەدى. سونىمەن قاتار ءال-فارابي-1150 جىل، مەرەي، جەتى جۇرتتىڭ ءتىلىن ءبىل، التىن بەسىك، تۇلعا، التىن تۇعىر دەگەن ايدارلارى دا ساپالى ماقالالارىن جاريالايدى.
قورىتا ايتقاندا جۇلدىز جۋرنالى قازاقستان جازۋشىلارىنىڭ ادەبي الەۋمەتتىك جۋرنالى بولعانىمەندە ەلدەگى ورىن العان بارلىق ماسەلەنى قامتىعان. ءدىن ماسەلەسىندە، سىن ماسەلەسىندە، ساياسات ماسەلەسىندە تالقىلاپ، حالىققا كەرەكتى اقپاراتتاردى بەرىپ كەلەدى. جۇلدىز جۋرنالىندا ماقالاعا قاراعاندا پوەزيا، پروزاعا كوپتەپ كوڭىل بولىنگەن. جانە جۋرنالدىڭ سوڭعى بەتىندە كەلەسى سانىندا قانداي پوەزيا، پروزالار جاريالاناتىنى جازىلىپ وتىرعان. بۇدان ءبىز جۋرنالدىڭ قازاق ادەبيەتىنەن دامىتۋعا قوسقان ەرەن ەڭبەكتەرىن كورە الامىز.قازاق ادەبيەتىنىڭ كوسەگەسىن كوگەرتىپ، التىن قورىن بايىتا تۇسكەن ىرگەلى شىعارمالاردىڭ ءبارى دەرلىك الدىمەن “جۇلدىزدا” جارىق كورىپ، جۋرنال بەتتەرىنەن ومىرگە جولداما الدى. ارى الساق س.سەيفۋللين، ءى.جانسۇگىروۆ، ب.مايلين، م.اۋەزوۆ، س.مۇقانوۆ، ع.مۇستافين، ع.مۇسىرەپوۆ، ق.امانجولوۆ، ح.ەسەنجانوۆ، ج.مولداعالييەۆ، ءا.نۇرپەيىسوۆ، ءا.ءالىمجانوۆتار العاشقى ولەڭ اڭگىمەلەرىنەن باستاپ، سوڭعى داستان، رومان ەپوپەيالارىنا دەيىن سياسى كەپپەگەن كۇيىندە “جۇلدىز“ جۋرنالىنا ۇسىنىپ وتىردى. بۇگىنگى كۇنىدە كوپتەگەن جاس جازۋشىلارىمىزدىڭ، اقىنداردىڭ جارقىن بولاشاعىنا الىپ بارار جولدىڭ التىن كوپىرى. ياعني «جۇلدىز” جۋرنالى قازاق ادەبيەتى مەن مادەنيەتىنىڭ ايناسى، قازاقستان رەسپۋبليكاسىنىڭ اسپانىنداعى جارىق جۇلدىز.
You Might Also Like
-
— ءشايناعان قاتىن ەكەن! اۋىل اكىمى — قۇدياردىڭ ۇيگە كىرە سالدى اۋزىنان ءسۇرىنىپ شىققان العاشقى ءسوزى وسى بولدى. ءابجىلانداي القىمىن بۋىندىرا تۇسكەن گالۋستىگىن اسىعىس بوساتىپ ءجۇرىپ، تاعى قاي...
-
دوس بولام دەسەڭ، دوسىڭدى سىيلا، قىىمباتتىم! دوسىڭا سوندا، دوسىممەن عانا قىمباتپىن. دوس بولام دەسەڭ، مەندەگى دوسپەن دوستاسقىڭ، سەندەگى دوسپەن دوس بولىپ سوندا تۇرماقپىن.
