InfoHub Logo

جۇمىستىق وقۋ باعدارلامالارىن، وقۋ جوسپارلارىن ازىرلەۋدە وقۋ ورىندارى مەن مەملەكەتتىك، جەكە مەنشىك، ارىپتەستىك قاتىناستاردىڭ ىقپالداستىعى

قازاقستان رەسپۋبليكاسىنىڭ پرەزيدەنتى ءوزىنىڭ «بولاشاقتىڭ ىرگەسىن بىرگە قالايمىز» اتتى جولداۋىندا جاس ۇرپاققا بەرىلىپ جۇرگەن بۇگىنگى ءبىلىم سالاسىنداعى وڭ وزگەرىستەردى ايتا كەلىپ، «ءومىر بويى ءبىلىم الۋ» ءاربىر قازاقستاندىقتىڭ جەكە كرەدوسىنا اينالۋى قاجەتتىگىن، ەلىمىزدە كاسىپتىك جانە تەحنيكالىق ءبىلىم بەرۋدىڭ مازمۇنىن تولىق جاڭارتۋ كەرەكتىگىن اتاپ وتكەن بولاتىن. بۇگىنگى وركەنيەت زامانىندا جاس ۇرپاققا الەمدىك ستاندارتقا ساي ءبىلىم بەرۋ ماسەلەسى عىلىمي-پەداگوگيكالىق تۇرعىدا جيناقتالعان تاجىريبەگە، ۇلتتىق ەرەكشەلىكتەردى ەسكەرە وتىرىپ وقىتۋ مەن تاربيەلەۋدى جاڭاشا ۇيىمداستىرۋمەن كوكەيكەستى ماسەلەگە اينالىپ وتىرعانى شىندىق.

قازاقستاننىڭ الەۋمەتتىك ساياساتىندا ءبىلىمدى دامىتۋ ماسەلەسى ەرەكشە ورىن الىپ وتىر. ءبىلىم بەرۋدەگى مەملەكەتتىك ساياساتتىڭ نەگىزگى پرينسيپتەرى مەن باعىتتارى قازاقستان رەسپۋبليكاسىنىڭ «ءبىلىم تۋرالى» زاڭىندا ايقىندالعان. وسى زاڭنىڭ 4-تارماعىندا ازاماتتاردىڭ قۇقىقتارىنىڭ كەپىلدەمەلەرى تۋرالى كورسەتىلگەن. «ءبىلىم تۋرالى» زاڭنىڭ وسى تارماعىنا سايكەس مەملەكەت ءبىلىم بەرۋ جۇيەسىن دامىتۋ جانە قازاقستان رەسپۋبليكاسىنىڭ كونستيتۋسياسىنا سايكەس ءبىلىم الۋ ءۇشىن سايكەسىنشە الەۋمەتتىك-ەكونوميكالىق جاعدايلار جاساۋ ارقىلى ازاماتتاردىڭ ءبىلىم الۋعا قۇقىعىن قامتاماسىز ەتەدى. سونداي-اق ازاماتتاردىڭ تەگىن جالپى ورتا جانە كاسىپتىك باستاۋىش ءبىلىمدى الۋعا مەملەكەتتىك ءبىلىم بەرۋ تاپسىرماسىنا سايكەس كونكۋرستىق نەگىزدە تەگىن ورتا كاسىپتىك ءبىلىمدى، كاسىپتىك جوعارى ءبىلىمدى جانە جوعارى وقۋ ورنىنان كەيىنگى كاسىپتىك ءبىلىمدى الۋعا كەپىلدەندىرەدى.

قازاقستان رەسپۋبليكاسىندا قابىلدانعان باعدارلامالاردىڭ ىشىندە ءبىلىمدى دامىتۋ باعدارلاماسىنىڭ وزىندىك ورنى بار. باعدارلامانىڭ نەگىزگى مىندەتتەرى: قوعامنىڭ بارلىق ساناتتارى ءۇشىن ساپالى ءبىلىمنىڭ قول جەتىمدىلىگىن قامتاماسىز ەتۋ، ءبىلىمدى باسقارۋدى ودان ءارى دەموكراتيالاندىرۋ نەگىزىندە ۇلتتىق ءبىلىم بەرۋ جۇيەسى قىزمەت ەتۋىنىڭ قۇقىقتىق نورماتيۆتىك بازاسىن جەتىلدىرۋ، قازاقستاندىق ءپاتريوتيزمدى، تولەرانتتىلىقتى، جوعارى مادەنيەتتى، ادام قۇقىقتارى مەن ەركىندىگىنە سايلى قاتىناستى تاربيەلەۋ، مەملەكەتتىك ءتىلدىڭ دامۋىنداعى باسىمدىلىق، وتاندىق ءداستۇر، الەمدىك تاجىريبە جانە تۇراقتى دامۋ قاعيداتتارى نەگىزىندە ءبىلىم بەرۋدىڭ مازمۇنى مەن قۇرىلىمىن جاڭارتۋ، 12 جىلدىق جالپى ورتا بىلىمگە كوشۋ، كاسىبي ءبىلىم مەن كادرلاردى دايارلاۋ جۇيەسىن ءبىلىمنىڭ حالىقارالىق ستاندارتتى كلاسسيفيكاسياسىنىڭ كريتەريلەرىنە سايكەس قايتا قۇرۋ. ەكونوميكانىڭ بارلىق سالالارى ءۇشىن جوعارى بىلىكتى جانە باسەكەگە قابىلەتتى كادرلاردى دايارلاۋدىڭ ساپاسىن جوعارىلاتۋ، الەمدىك ءبىلىم بەرۋ كەڭىستىگى مەن ينتەگراسيا، ءبىلىم بەرۋدىڭ ساپاسىن باعالاۋدىڭ ۇلتتىق جۇيەسىن جاساۋ، ءبىلىم بەرۋدىڭ ورتاق اقپاراتتىق ورتاسىن قالىپتاستىرۋ. ءبىلىم بەرۋ پروسەسىنىڭ وقۋ ادىستەمەلىك جانە عىلىمي قامتاماسىز ەتىلۋىن جەتىلدىرۋ، ءبىلىم بەرۋ جۇيەسىنىڭ ماتەريالدىق-تەحنيكالىق بازاسىن نىعايتۋ، ءبىلىم، عىلىم جانە ءوندىرىستىڭ ينتەگراسياسى. ءبىلىمنىڭ ساپاسىن جوعارىلاتۋ ءۇشىن ەكونوميكا سەكتورلارىنىڭ رەسۋرستارىن تارتۋ مەحانيزمدەرىن جاساۋ، پەداگوگيكالىق قىزمەتكەرلەردىڭ الەۋمەتتىك ستاتۋسىن جوعارىلاتۋ، ءبىلىم بەرۋ جۇيەسىنىڭ قارجىلىق، كادرلىق قامتاماسىز ەتىلۋىن جەتىلدىرۋ، ءبىلىم مەنەدجەرلەرىن دايارلاۋ، سونداي-اق ءبىلىم بەرۋدىڭ كوپ دەڭگەيلى ۇزدىكسىز جۇيەسىندە مەملەكەتتىك، قوعامدىق جانە جەكە مۇددەلەردىڭ بالانسىن قامتاماسىز ەتۋ بولىپ تابىلىپ وتىر.

№ 2 ارال كاسىپتىك ليسەي وقىتۋشىسى
بەكمانبەتوۆا دامەتكەن انەسكانوۆنا