كەلىسەتىن مەملەكەتتەر ەلشىسىنە ۇساعان،
قاباق باعىپ، قىل ۇستىندە ءبىز وتىرمىز - ءۇش ادام.
ۇشەۋ ارا جوقتان بار قىپ، ءبىر اڭگىمە باستايمىز،
باستايمىز دا، جالعاي الماي، ءجىبىن ءۇزىپ تاستايمىز.
جاراسپايدى ءازىلىمىز، جاراسپايدى كۇلكىمىز،
ۇشەۋمىز دە اشىلمايتىن كىلتسىز قارا قۇلپىمىز.
جابىعادى جاس كەلىنشەك، قارامايدى جارىنا،
سۇلە-سوپا جىگىت وتىر قولىن تاقاپ جاعىنا.
داستارقاننىڭ ءبىر شەتىندە مەن دە وتىرمىن ەش ءۇنسىز،
سۇراق تا جوق، ءجاۋاحى تا جوق، ءبىر جۇمباقپىن شەشۋسىز.
قاتىناسىن جاڭا عانا جونگە قويعان ەكى ەلدىڭ،
اراسىنا اقىماق بوپ بەكەر كەلگەن ەكەنمىن.
ءۇنسىز سەكۋند، مينۋتتاردى ءمۇلت
ءۇش عۇمىردى ۇزاتىپ caپ، كەرەگەدە
بۇل ومىردەن ەش الاڭسىز ءسابي جاتىر
ۇيىقتا، بوبەك، ۇلكەندەردىڭ جۇمباقتارىن
ءۇنسىز كىتاپ وقىدى دا، اۋدارىلدى پاراقتار،
ءۇنسىز ۇشەۋ وتىردى دا، اقتارىلدى شاراپتار.
قۋلىعى ما، شىندىعى ما، ءۇي يەسى ماس بولدى،
جاس ارۋدىڭ جانارىنا مولتىلدەگەن جاس تولدى.
مەن وتىرمىن. وتىردىم دا دوستىعى ءۇشىن ەكى ەلدىڭ،
بوكالىمدى تولتىردىم دا، تولتىردىم دا، كوتەردىم...

---