InfoHub Logo

سالمەن باي قۇلاقايدى بەكەن دەيتىن شالدان ءبىر اتىم ناسىباي سۇراپ كەلۋگە جىبەرەدى. قۇلاقاي بايدىڭ ءامىرىن ورىنداپ ورالعاندا:

— ءاي، قۋ، سوزگە كەلگەندە الدىڭا جان سالمايسىڭ، — دەپ رەنجي ءدى باي، — ال ىسكە كەلگەندە تۇك بىلمەيسىڭ.

— اۋ، نە بوپ قالدى، بايەكە؟

— ءبىر نارسەگە جۇمساعان سوڭ، ەكىنشىسىن ءوزىڭ-اق بىلمەس پە ەدىڭ. تەمەكى نەگە اكەلمەدىڭ؟ — دەپ جەكىرەدى عوي باياعى.

ءبىر كۇنى باي قاتتى ناۋقاستانىپ قالىپ، قۇلاقايدى مولداعا جۇمساسا، مولدامەن بىرگە تاعى ەكى ادامدى ەرتىپ كەلىپتى. ولار ەسىكتەن باستارىن سۇعار-سۇقپاستان:

— ءاي، مىنالارىڭ كىم تاعى؟ — دەپ تىجىرىنادى باي.

— بايەكە، انادا ءوزىڭىز ايتپاپ پا ەدىڭىز، ءبىر نارسەگە جۇمساعاندا ەكى بىردەي ءىس ءبىتىرىپ قايتۋ كەرەك دەپ. سول وسيەتىڭىزدى بۇل جولى بۇلجىتپاي ورىندادىم. «ساقتىقتا قورلىق جوق» دەگەن عوي، قاپەلىمدە و دۇنيەگە ءجۇرىپ كەتسەڭىز، ءقابىر قازۋشىعا قايتا بارىپ جۇرمەيىن دەدىم، — دەپتى قۇلاقاي.

---