جالاۋ جانىندا ايتىلعان ءان
مەنىڭ 16-17 جاستاعى كەزىم. 1901 جىلدىڭ كۇزى. اكەم مارقۇم شاقىرىپ الدى دا:
— شىراعىم، جاقان، جاسىڭ بولسا 16-17-گە كەلىپ قالدى. ۇيدەگى كۇنكورىس قارەكەتىمىزدى كورىپ وتىرسىڭ، تاپقانىمىز تاماعىمىزعا جەتپەي وتىرعانىن. جۇرت مىناۋ ىرگەمىزدەگى ەكىباسقا اعىلىپ بارىپ جاتىر. وندا جۇمىس ىستەپ اقشا تاۋىپ جاتقان كورىنەدى. بالا-شاعالار مەن شەشەڭ اۋىلدا وتىرا تۇرسىن. ەكەۋمىز ەكىباسقا بارايىق، جۇمىس ىستەپ اقشا تابايىق — دەدى.
— جارايدى، اكە! — دەدىم مەن.
اكەمىز ەكەۋمىز ەكىباستۇزعا كەلدىك. كەلسەك ءبىز سەكىلدى جۇمىس ىزدەپ كەلۋشىلەر وتە كوپ ەكەن. ءتىپتى، بالا-شاعالارىمەن شۇبىرىپ كەلۋشىلەر دە بار ەكەن. كەلگەندەرگە بىردەن جۇمىس تابىلا قويعان جوق. جۇمىسقا تۇسپەگەندەرگە ءۇي دە بەرمەيدى. ءتىپتى، بۇرىنعى ورنىقتى جۇمىسشىلاردىڭ وزدەرىنىڭ ۇيلەرى دە جوق ەكەن. سوندىقتان ءۇيسىز، ازىقسىز، قورعانسىز قالعان بوسقىندار كۇنى-تۇنى دالادا جاتتى. جوندى الىپ كەتتى. كەشكىلىكتە وتباسىندا اينالا وتىرىسقاندار اۋىر كۇرسىنە وتىرىپ قايعىلى انگە سالاتىن ەدى. سونىڭ ءنابىر جەرى عانا ەسىمدە قالىپتى:
كەلدىك ءبىز ەرەيمەننىڭ دالاسىنان،
قاشقان كوپ اعايىننىڭ جالاسىنان.
قامالدىق ەكىباسقا بارشا حالىق
اعىلعان ەرتىس، بايان سالاسىنان.
جازىلار كۇن بولار ما ءبىز سورلىعا،
دەنەگە سالعان ءومىر جاراسىنان.
و، شىركىن دۇنيە دەسەيشى؟! نەنى كورمەدىك؟ نەنى ەستىمەدىك؟ جينالعان حالىقتى جۇمىسقا بۇگىن الامىز، ەرتەڭ الامىز دەپ، كۇزگى سۋىق تۇسكەنشە قاماماسى بار ەمەس پە؟ اقىرىندا جۇمىسقا دا قالتاسىندا پ ۇلى بار ادامدار عانا الىندى. قالعاندارى قار تۇسە بەت-بەتىمەن شۇبىرىپ كەتتى. سوندايدى دا كورگەنبىز.
You Might Also Like
-
ەرتە-ەرتە-ەرتەدە ءبىر قاسقىر مەن تۇلكى جولداس بولىپتى. ءبىر جەرگە كەلگەندە، قاسقىر تۇلكىگە ايتىپتى:
-
سالمەن باي قۇلاقايدى بەكەن دەيتىن شالدان ءبىر اتىم ناسىباي سۇراپ كەلۋگە جىبەرەدى. قۇلاقاي بايدىڭ ءامىرىن ورىنداپ ورالعاندا:
