InfoHub Logo

جۋرناليست شەبەرلىگىنىڭ ەڭ ءبىرىنشى قاعيداسى - تاقىرىپتى دۇرىس قويا ءبىلۋ. تاقىرىپ قىزىقتى بولسا ونى ارى قاراي وقۋعا دەگەن تالپىنىسىڭدى اشادى. تاقىرىپتى ۇتىمدى قويا وتىرىپ، بولعان وقيعانى شىنايى جەتكىزۋ - ءجۋرناليستىڭ مىندەتى. بوياماسىز شىنايى جازىلعان ماقالا وقىرماننىڭ كوڭىلىنەن شىعادى. جۋرناليستيكا ماماندىعى تاباندىلىق پەن مىنەزدىلىكتى قاجەت ەتەدى. جۋرناليستەر كەز كەلگەن تاقىرىپتا، كەز كەلگەن جاعدايدا، كەز كەلگەن پروبلەمانى ءوزىنىڭ ماقالاسىمەن حالىققا ءدال ءارى ناقتى جەتكىزەدى. جۋرناليست بويىنداعى ەڭ مىقتى كۇش ول مىنەز. تاباندى، قايراتتى جۋرناليست قانا توپ ىشىندە جارىپ شىعادى. جۋرناليست - الەمدە بولىپ جاتقان الۋان قۇبىلىستى زەرتتەپ، سارالاي الاتىن، ونى جازباشا ادەمى جەتكىزەتىن مامان يەسى. جۋرناليست ول ناعىز شىعارماشىلىقتىڭ ادامى. قولىنان بارلىق نارسە كەلە الۋى كەرەك. يدەيا-جۋرناليست قارۋىنىڭ ءبىرى. يدەيا كەلۋ ارقىلى ول ءوزىنىڭ شىعارماشىلىعىن تالاي ادامعا پاش ەتە بىلەدى. قازىرگى 21 عاسىردا تەحنولوگيا دامىپ، الەمدى ينتەرنەت جاۋلاپ العان زاماندا، كەي جۋرناليستەر وزدەرىنە بەرىلگەن مىندەتتەردى دۇرىس اتقارمايدى. ۇيىنە وتىرىپ الىپ، عالامتوردان بارلىق مالىمەتتەردى الىپ، جالعان مەن وتىرىكتىڭ الا ءجىبىن اجىراتپاي جاتىپ ماقالا جازىپ جاريالايدى. حالىقتا كىمگە سەنەرىن بىلمەي قالادى كوپ  جاعدايدا. باسقا ءبىر ادامنىڭ جاساعان ەڭبەگىن ۇرلاپ جازاتىن جۋرناليستەر دە كوبەيدى.

جۋرناليست مىندەتى - حالىققا بولىپ جاتقان وقيعانى شىنايى ءارى ناقتى جەتكىزۋ. حالىق پەن بيلىك اراسىن جالعاۋشى بۇل ماماندىقتىڭ ماڭىزى زور. جۋرناليست - بارلىق ورتادا ءوز ورنى بار تۇلعا. ول كەرەك كەزدە دارىگەر، ماتەماتيك بولا الادى. جۋرناليستكە قويىلاتىن تالاپ قاتال بولعانىمەن، ءوز جۇمىسىن مۇلتىكسىز، بار جۇرەگىمەن ورىندايتىن مامان يەسى. سونىمەن قاتار جۋرناليست كوپ قىرلى ءبىر سىرلى بولۋى ماڭىزدى. ءوز سالاسىنىڭ مايتالمانى بولۋ كەز كەلگەن ادامنىڭ قولىنان كەلە بەرمەيدى. سول سياقتى جۋرناليستيكا مامانى بولۋ دا وڭاي ەمەس.

سەيدالى توقجان
2-كۋرس ستۋدەنتى

---