كانادانىڭ قازاقستان رەسپۋبليكاسىنداعى ەلشىسى قازاق ۇلتتىق اگرارلىق زەرتتەۋ ۋنيۆەرسيتەتىندە بولدى
2023 جىلعى 17 اقپاندا قازاق ۇلتتىق اگرارلىق زەرتتەۋ ۋنيۆەرسيتەتىنىڭ باسقارما ءتوراعاسى – رەكتورى، ق ر ۇعا اكادەميگى اقىلبەك كۇرىشبايەۆ كانادانىڭ قازاقستان رەسپۋبليكاسىنداعى ەلشىسى الان حامسونمەن كەزدەستى. سونداي-اق، كەزدەسۋگە كانادا ەلشىلىگىنىڭ ساۋدا ماسەلەلەرى جانە بيزنەستى دامىتۋ جونىندەگى اعا كەڭەسشىسى ەدۋارد يۋو قاتىستى.
تاراپتار قازۇازۋ مەن كانادانىڭ جەتەكشى ۋنيۆەرسيتەتتەرى، عىلىمي ورتالىقتارى مەن اگرارلىق سەكتور كاسىپورىندارى اراسىنداعى ارىپتەستىكتى دامىتۋ ماسەلەلەرىن تالقىلادى.
«كانادا جەر شارىنىڭ الىس ءبىر بولىگىندە بولسا دا، سىزدەدىڭ ايماقپەن كوپتەگەن ۇقساستىقتارى بار. مىسالى، كانادا مەن قازاقستاننىڭ كليماتىندا وتە جاقىندىق بار، اۋماقتارى دا ۇلكەن. ەكى ەلدە دە ءىرى تابيعي رەسۋرستار – گيدروەنەرگەتيكا، اۋىلشارۋاشىلىق الەۋەتى، پايدالى قازبالار بار. سونداي-اق، ءبىزدىڭ ەلىمىزدە اۋىل شارۋاشىلىعىنا ىقپالى زور دامىعان اقپاراتتىق جانە كوممۋنيكاسيالىق تەحنولوگيالار بار ەكەنىن قوسقىم كەلەدى»، - دەپ اتاپ ءوتتى ەلشى الان حامسون.
ءوز كەزەگىندە ۋنيۆەرسيتەت باسشىسى اقىلبەك كۇرىشبايەۆ كانادالىق جەتەكشى جوعارى وقۋ ورىندارى مەن كومپانيالاردى اگرونوميا، سەلەكسيا، ەگىنشىلىك، زووينجەنەريا، ۆەتەريناريا جانە اۋىل شارۋاشىلىعى سالاسىندا عىلىمي زەرتتەۋلەر جۇرگىزۋ سالاسىندا بىرلەسكەن ءبىلىم بەرۋ باعدارلامالارىن ازىرلەۋگە جانە ىسكە اسىرۋعا شاقىردى.
«ءبىزدىڭ ەلدەرىمىزدەگى اگروبيزنەس سالاسى جاڭا پروگرەسسيۆتى تەحنولوگيالاردى پايدالانۋ بولىگىندە ءبىلىم بەرۋ سالاسىنان وزىپ كەتكەنىن جانە اشىقتىق پەن ادال باسەكەلەستىك جاعدايىندا جىل سايىن دامىپ كەلە جاتقانىن بىلەمىز. وسىعان بايلانىستى، ءبىز كانادالىق تەحنولوگيالار مەن نوۋ-حاۋدى قولداناتىن اوك ءۇشىن كادرلاردى ماقساتتى دايارلاۋ سالاسىنداعى ىنتىماقتاستىق الەۋەتىن دامىتقىمىز كەلەدى. مىسالى، ساسكاچيەۆانا ۋنيۆەرسيتەتىمەن اگرونوميا بويىنشا بىرلەسكەن ءبىلىم بەرۋ باعدارلاماسىن ازىرلەۋدى ۇسىنامىز»، - دەدى رەكتور اقىلبەك كۇرىشبايەۆ.
كاناداداعى ساسكاچيەۆانا ۋنيۆەرسيتەتى (UofS) الەمدەگى بيومەديسينالىق عىلىمدار، جاراتىلىستانۋ عىلىمدارى، ينجەنەريا جانە تەحنولوگيالار، الەۋمەتتىك عىلىمدار جانە مەنەدجمەنت سالاسىنداعى ۇزدىكتەردىڭ قاتارىنا كىرەدى.
سونىمەن قاتار، قازۇازۋ باسشىلىعى تومەندەگىدەي ماسەلەلەردى ىسكە اسىرۋدى ۇسىندى:
- زووينجەنەريا، گەنەتيكا جانە جانۋارلار سەلەكسياسى بويىنشا بىلىكتى مامانداردى دايارلاۋعا باسا نازار اۋدارا وتىرىپ، كانادانىڭ جەتەكشى جوعارى وقۋ ورىندارىنىڭ قاتىسۋىمەن بىرلەسكەن جوبا جاساۋ؛
- البەرت ۋنيۆەرسيتەتىمەن بىرلەسىپ ماگيسترانتتار ءۇشىن «وسىمدىكتەر تۋرالى عىلىم» بىرلەسكەن ءبىلىم بەرۋ باعدارلاماسىن ازىرلەۋ؛
- «بولاشاق» حالىقارالىق ستيپەنديالىق باعدارلاماسى بويىنشا ستۋدەنتتەردى تاعىلىمدامادان وتكىزۋ جانە وقىتۋ؛
- جەتەكشى پروفەسسورلار مەن عالىمداردى شاقىرۋدى ۇيىمداستىرۋ؛
- جوولار اراسىنداعى ءوزارا ءىس-قيمىل جانە ىنتىماقتاستىق تاجىريبەسىن ارتتىرۋ، قازۇازۋ بازاسىندا اوك سالاسىندا كانادانىڭ جەتەكشى ۋنيۆەرسيتەتىنىڭ فيليالىن اشۋ مۇمكىندىكتەرىن قاراستىرۋ.
كەزدەسۋ بارىسىندا قوناقتار قازۇازۋ-مەن ارىپتەستىك پەن ىنتىماقتاستىقتى دامىتۋعا جوعارى قىزىعۋشىلىق تانىتتى.
قازۇازۋ باسپا ءسوز قىزمەتى
You Might Also Like
-
اباي وبلىسى، اباي اۋدانى، مەدەۋ اۋىلى "مەدەۋ ورتا مەكتەبى" كمم باۋىرجانوۆ ەركەبۇلان باۋىرجان ۇلى قازاق ءتىلى جانە ادەبيەت ءپان ءمۇعالىمى
-
وقۋ-اعارتۋ مينيسترلىگى مەن USTEM Robotics قوعامدىق قورىنىڭ قولداۋىمەن 24-26 اقپان ارالىعىندا ءال-فارابي اتىنداعى وقۋشىلار سارايىندا ورتالىق ازيا ويىندارى وتەدى.
