InfoHub Logo

مۋزىكا-بەلگىلى بيىكتىكتەگى دىبىستاردان تۇراتىن، ادامعا سازدى اۋەنىمەن اسەر ەتەتىن، دىبىستىق كوركەم بەينەگە نەگىزدەلگەن ونەر ءتۇرى. مۋزىكا ادام سەزىمىن، ويىن، ونىڭ ەرىك-كۇشىن دىبىستىق فورمادا سۋرەتتەيتىن قاتىناس قۇرالى رەتىندە قىزمەت ەتەدى.

مۋزىكالىق شىعارما مازمۇنىندا ادامنىڭ اقىل-وي، ەرىك كۇشىنىڭ ەموسيالىق جاقتارى كەڭىنەن كورىنىس تابادى. مۇنىڭ ءوزى ادامنىڭ پسيحولوگيالىق حال-جايىن عانا ەمەس، ونىڭ مىنەز-قۇلقىن دا مۋزىكادا اشۋدا جاعداي تۋدىرادى. مۋزىكا ونەرى-ار ۇلتتىڭ ەرتەدەن كەلە جاتقان مادەني تالعامىنىڭ ءبىر ارناعا قۇيىلىپ اسقاقتى كۇيىمەن ءوربىپ، دامىپ وتىراتىن كوپتەگەن عاسىرلىق ءۇنىنىڭ جەمىسى. جاسوسپىرىمدەردى مۋزىكا الەمىن ءتۇسىنىپ قابىلداۋعا، تالعامپازدىعىن تاربيەلەۋگە، ەموسيالىق سەزىمتالدىعىن قالىپتاستىرۋدا ءبىلىمدى، مادەنيەتتى بولىپ وسۋىنە اسەر ەتۋدە مەكتەپتەگى مۋزىكا تاربيەسىنىڭ الاتىن ورنى ەرەكشە. مۋزىكانى تىڭداي ءبىلۋ، ونى ءتۇسىنىپ، ۇعىنۋ جەكە ادامنىڭ بىلىمىنە، كوڭىل كۇيىنە، ونىڭ ومىردەن العان تاجىريبەسىنە بايلانىستى. ادەبيەت سياقتى، مۋزىكا دا بارلىق كاسىپ يەلەرىنىڭ سۋسىنداي ءلاززات الاتىن ءومىر تالشىعى.  

مۋزىكانىڭ مۇمكىندىگى مول. ەموسيانىڭ كوپ تۇرلەرى ىشىنەن مۋزىكا ەڭ الدىمەن كوڭىل كۇيدى بىلدىرەدى. مۋزىكا قوعامدىق تاجىريبەگە دە بەلسەندى تۇردە اسەر ەتەدى.  

كەڭشىلىكوۆا قۇرالاي شالقار قىزى

---