كەدەيلىك، سەن جەكسۇرىن، ءتۇسىن، سۋىق،
ىزدەمەس سەنى ادام كەرەك قىلىپ.
امال جوق، ىقتيارسىز قۇل قىلاسىڭ
ماعان سالسا كاسىما كەلمە جۋىق.
جاندى جەپ سەن عوي مەنى ارىتاتىن،
كۇنىڭ جوق ات پەن اسقا جارىتاتىن،
جىرتىقتان جىلتىلداعان جاس دەنەمدى،
كۇنگە قاقتاپ، ايازعا قارىتاتىن.
جارىتپاي كيەر كيىم، ىشەر اسقا،
سوكتىرىپ مالى بارلاۋ نادان، ناسقا.
جاس كوڭىلدى قايعىمەن ۋلاندىرىپ،
سەنسىڭ عوي تولتىراتىن كوزدى جاسقا.
قينايتىن جان العىشتاي جاندى سەنسىڭ،
ءتۇسى سۋىق جىلانمەن بىردەي تەڭسىڭ.
ماعان سالسا كەدەيلىك اتى وشكىردى،
دەر ەدىم، تۇرماستاي عىپ جەرگە كومسىن.
ءبىراق، سەن ولمەيسىڭ عوي، جانىڭ بەرىك،
قۇتقارساڭ، بار الەمدى شىنى ءولىپ.
ولمەسەڭ دە ولتىرەم وسە كەلە،
جۇرمەسپىن جولداس بولىپ ساعان ەرىپ.
تالايدى وسى كۇنى-اق، ءجۇرمىن كورىپ،
جالقاۋدى قاقپالايسىن اتتاي ءمىنىپ.
تالاپتىنىڭ ماڭىنا جولامايسىڭ،
تالاپتانىپ قۋۋعا وزىمدە ەرىك.

---