InfoHub Logo

كەل، تورلەت، قۇتتى مەنىڭ جاڭا جىلىم!
1 - جۇرگىزۋشى: يمانعالي
بۇگىن ءبارى وزگەرەك،
جارقىن كۇلكى، ءسوز بولەك
تىلەك ايتىپ، كۇتتىك ءبىز،
«كەل، جاڭا جىل» تورلە! – دەپ»
2 - جۇرگىزۋشى: جەڭىسبەك
جاڭا جىلدا جاسارعان
جاڭا شىرشا جاس ارمان
جالت - جالت ەتىپ كورىنەر
اپپاق الەم قۇلپىرعان
قىمباتتى بۇگىنگى جاڭا جىلدىق كەشىمىزگە كەلگەن قوناقتار!
1 - جۇرگىزۋشى: يمانعالي
ارمىسىزدار، بارمىسىزدار قۇرمەتتى حالايىق! جىلداعى داستۇرمەن جاڭا جىلدى دۋمانداتىپ، جىرلاتىپ قارسى الۋ ءۇشىن اسەم شىرشا قاسىنا جينالىپ قالىپپىز. قوش كەلدىڭىزدەر!
ەكەۋى بىرگە: جاڭا جىلدارىڭىز قۇتتى بولسىن!
2 - جۇرگىزۋشى: جەڭىسبەك
قۇرمەتتى قوناقتار، سۇيىكتى بالالار! جاڭا جىل قۇتتى بولسىن! ءار ادام كەلەر جىلدان ءۇمىت كۇتىپ، ونى اق تىلەكپەن، اق نيەتپەن قارسى الادى.
1 - جۇرگىزۋشى: يمانعالي
مىنە، ءبىزدىڭ اسىعا كۇتكەن جاڭا جىلىمىز دا تابالدىرىقتان اتتاعالى تۇر. بارىڭىزگە دە جاڭا جىل – باقىت جىلى، بەيبىت جىل بولسىن!
وسى كەزدە ورتاعا كلوۋن شىعادى.
2 - جۇرگىزۋشى: جەڭىسبەك
قانەكي بالالار، اياز اتا مەن اقشاقاردى قارسى الايىق!
اياز اتا مەن اقشاقار كەلەدى.
1 - جۇرگىزۋشى: يمانعالي
اياز اتا، اقشاقار قوش كەلدىڭىزدەر! ءبىزدىڭ بالالار ءسىزدى سىيلىعى مول اياز اتانى اسىعا كۇتۋدە. سىزدەردى كورمەگەن ءبىر جىلدا ساعىنىپ قالدىق. سىزدەرمەن قاۋىشۋ قۋانىشىنا ۇل - قىزدارىڭىز ءان - كۇي، بيدەن شاشۋ دايارلاپ كەلىپتى.
ءان: «قوش كەلدىڭ، جاڭا جىل». ادىلەت، ساۋلەت، نازىم.
2 - جۇرگىزۋشى: جەڭىسبەك
اياز اتا! كوردىڭىز بە؟ بۇگىن جاڭا جىلعا جينالعان بالالاردىڭ ءبارى كورىكتى، ءبارى دە كوڭىلدى. وسى تويدىڭ «اق پاتشاسى» ءوزىڭىز اياز اتا. اسۋ - اسۋ جەرلەردەن شارشاپ كەلدىڭىز، كوڭىل كوتەرىڭىز، ءان تىڭداڭىز، بالالاردىڭ بيىنە بىرگە بيلەڭىز. ەندەشە سىنىبىمىزدىڭ ءبيشى ۇل - قىزدارىنىڭ جاستار ءبيىن تاماشالايىق!
1 - جۇرگىزۋشى: يمانعالي
جەڭىسبەك، وتكەن جىلعا وكپەڭ جوق شىعار، 2018 جىل سەنى نەسىمەن قۋانتتى؟
2 - جۇرگىزۋشى: جەڭىسبەك
ارينە، يمانعالي، وتكەن جىلعا وكپەم جوق، 2018 جىل ءبىز ءۇشىن ەرەكشە جىل بولدى. سەبەبى: ەڭ باستى جاڭالىق، ءبىز باستاۋىش سىنىپتى ويداعىداي اياقتاپ، ازامات اتانىپ، جوعارى بەسىنشى سىنىپقا ءوتىپ، جاڭا ۇستازىمىز جانار اپايمەن تابىستىق.
1 - جۇرگىزۋشى: يمانعالي
يا، جەڭىسبەك، ارينە ەسكى جىل ءبىز ءۇشىن جامان بولعان جوق. ەندەشە العىسىمىزدى ايتىپ شىعارىپ سالۋ ءۇشىن ورتاعا ەسكى جىلدى قوشەمەتپەن قارسى الايىق!
ەسكى جىل شىعىپ: بالالار ورتاعا جاڭا جىلدى الىپ كەلدىم.
قوشتاسادى.
جاڭا جىل ايتادى. وسىدان سوڭ مۋزىكا وينالىپ، ەسكى جىلدى شىعارىپ سالادى.
2 - جۇرگىزۋشى: جەڭىسبەك
اياز اتا، كەلەسى ورىنداۋدا ءان، يمانعالي «تۋعان جەر».
1 - جۇرگىزۋشى: يمانعالي
اياز اتا، كەلەسى ورىنداۋدا سىنىبىمىزدىڭ قىزدارىنىڭ «ءۇندى ءبيىن» قارسى الايىق.
2 - جۇرگىزۋشى: جەڭىسبەك
اسەم ەكەن اندەرى،
ءاي - ءاي ەكەن سوزدەرى،
شىرشالارى كوك ەكەن
كوڭىلدەرى توق ەكەن
مۇنداي جاقسى بالالار
اي جۇلدىزعا پارا - پار
بولا قويماس بىزگە ايىپ
تاقپاقتارىن تىڭدايىق.
تاقپاقتار ايتۋ.
اياز اتا، كەلەسى ورىنداۋدا سىنىبىمىزدىڭ ءبيشى قىزدارىنىڭ ءبيىن تاماشالايىق. «قىزىل ورىك». قارسى الىڭىزدار!
1 - جۇرگىزۋشى: يمانعالي
جاڭا جىلىم - اسەمسىڭ
گۇل وندىرەر تۇزگە دە
ءار ءساتى ب ا ق اكەلسىن
ۇستازدارىم سىزگە دە، - دەي كەلە مەرەكەلىك قۇتتىقتاۋ ءسوز كەزەگىن سىنىپ جەتەكشىمىز جانار اپايعا بەرەمىز.
تىلەك ايتىلادى جانە اتا - انالارمەن ويىن ويناۋ.
2 - جۇرگىزۋشى: جەڭىسبەك
بىزدەردە ويىن - ساۋىق جالعاسادى
تاماشا كۇي تارتىلىپ، ءان سالادى
قوشەمەتتەپ، قول سوعىپ وتىرايىق
ۇمىتارسىز جىل بويعى شارشاعاندى.
1 - جۇرگىزۋشى: يمانعالي
ەندەشە، جەڭىسبەك، ورتاعا سىنىبىمىزدىڭ ونەرلى بالاسى باتىربەك مۇحتاردىڭ ونەرىن تاماشالايىق: مۋلتفيلمنەن كورىنىس.
2 - جۇرگىزۋشى: جەڭىسبەك
اياز اتا، ءبىزدىڭ بالالاردىڭ بيلەرى، ونەرلەرى سىزگە ۇناپ جاتىر ما؟ ءبىزدىڭ بالالاردىڭ ءبارى ونەرلى. ورتاعا ارۋجان مەن ءاليانىڭ ورىنداۋىندا «اقجايناق» ءانى.
1 - جۇرگىزۋشى: يمانعالي
جەڭىسبەك، ءبىزدىڭ سىنىپتىڭ ۇلدارىنىڭ دا كۆن كورسەتكىسى كەلىپ تۇر، تاماشالاپ كورسەك قايتەدى.
2 - جۇرگىزۋشى: جەڭىسبەك
ەندەشە ورتادا سىنىبىمىزدىڭ ۇلدارىنان قۇرالعان ازىلكەشتەر توبى. قارسى الايىق! كۆن: يمانعالي، ادىلەت، باقىتقالي.
1 - جۇرگىزۋشى: يمانعالي
سۇيسىنتەدى بيشىلەردىڭ قيمىلى
شەتتەرىنەن جايناپ تۇرعان قىر گ ۇلى
بيلەرىنەن ءمىن تاپپايسىڭ بىردە - ءبىر
قۇدايدىڭ شىن تاڭعاجايىپ سىيلىعى.
ورتادا سىنىبىمىزدىڭ ءبيشى قىزدارى. نوسسا ءبيى.
ال، بالالار، اياز اتا مەن اقشاقاردى شىعارىپ سالايىق!
يمانعالي، جەڭىسبەك:
اياز اتا، اقشاقار! كەلەسى جىلى جاڭا جىلعا دەيىن ساۋ بولىپ تۇرىڭدار!
2 - جۇرگىزۋشى: جەڭىسبەك
كەل جاڭا جىل، جاڭا جىل
ساعان ءازىر جاڭا جىر
ەلگە تابىس، جاقسىلىق
الا كەلشى جاڭا جىل!
1 - جۇرگىزۋشى: يمانعالي
قۇرمەتتى قوناقتار! وسىمەن جاڭا جىلدىق دۋماندى كەشىمىز اياقتالدى. ساۋ بولىڭىزدار!

قىزىلوردا وبلىسى،
قازالى اۋدانى، بەكارىستان بي اۋىلى
№24 مەكتەپ قازاق ءتىلى مەن ادەبيەتى ءپانىنىڭ ءمۇعالىمى:
ەسەنجولوۆا جاناركۇل اقنيەت قىزى