InfoHub Logo

بايانداما
تاربيە جۇيەسىنىڭ تيىمدىلىك ولشەمى.

تاربيە جۇيەسىنىڭ تيىمدىلىك ولشەمى. جاس ۇرپاق - ەل تىرەگى ەرتەڭىمىزدىڭ
كەپىلى. سوندىقتان ولارعا ساپالى ءبىلىم مەن سانالى تاربيە بەرۋ
ءمۇعالىمنىڭ باستى مىندەتى.
مەكتەپتەگى تاربيەنىڭ باستى مىندەتى - وقۋشىلاردىڭ بويىنا رۋحاني ادامگەرشىلىك قاسيەتتەردى قالىپتاستىرىپ، ولاردى دەربەس ءومىر سۇرۋگە ۇيرەتۋ، جالپى ادامزاتتىڭ قۇندىلىقتى مەڭگەرۋدە شىعارماشىلىق، ىسكەرلىك، باسەكەلەستىككە دايىن، ءتۇرلى ماماندىقتى مەڭگەرىپ، ومىرلىك كۇردەلى ماسەلەلەردى جىلدام شەشە الاتىن ازامات تاربيەلەۋ.

I. بۇل ءۇشىن تاربيە جۇمىسىن جۇرگىزۋدە تاربيە جۇيەسىنىڭ تيىمدىلىك ولشەمدەرى رەتىندە تاربيە ادىستەرى، تاربيە تاسىلدەرى، تاربيە قۇرالدارى قولدانىلادى.
I. II. تاربيە ءادىسى دەگەنىمىز - وقۋشىلاردىڭ تۇلعالىق قاسيەتتەرىن قالىپتاستىرۋعا باعىتتالعان تاربيەشىلەر مەن تاربيەلەنۋشىلەردىڭ ءوزارا بايلانىستى پەداگوگيكالىق جۇمىس تاسىلدەرى.
تاربيەنىڭ ادىستەرى ءتورت توپقا بولىنەدى
I. ادامگەرشىلىك سانانى قالىپتاستىراتىن ادىستەر.
II. ءىس - ارەكەت جانە قوعامدىق ءتارتىپ تاربيەسىن قالىپتاستىراتىن ادىستەر
III. تارتىپكە، ءىس - ارەكەتكە ىنتالاندىراتىن ادىستەر.
IV. مىنەز - قۇلىق پەن ءىس - ارەكەتكە باقىلاۋ جاساۋ، ءوزىن - ءوزى باقىلاۋ، ۇيىمداستىرۋ جانە وزىنە - ءوزى باعا بەرۋدى ۇيىمداستىرۋدى جۇزەگە اسىرۋ ادىستەرى.
ادىستەردى ءمۇعالىم تاربيەنىڭ ماقساتىنا مازمۇنىنا بالالاردىڭ جاس جانە دەربەس ەرەكشەلىكتەرىنە تاربيەلىك دەڭگەيىنە قاراي ىرىكتەيدى. ادىستەر تاربيە ماقساتىنا جەتۋگە وقۋشىلاردى قوعامداعى ءتارتىپ ەرەجەلەرىن ۇيرەتۋگە، ادامدارمەن قارىم قاتىناس جاساۋعا، ولاردىڭ جاقسى تاجىريبەسىن الۋعا كومەكتەسەدى.

قوعامداعى الەۋمەتتىك - ەكونوميكالىق وزگەرىستەرگە بايلانىستى تاربيە ماقساتى مەن مازمۇنىنىڭ وزگەرۋى ادىستەر جۇيەسىن جاڭارتادى.
تاربيەنىڭ تاسىلدەرى دەگەنىمىز - ءادىستىڭ ءبىر بولىگى.
تاربيەنىڭ تاسىلدەرىنە:
I. تاربيەنىڭ ماقساتتارىن، مىندەتتەرىن، ولارعا جەتۋدىڭ جولدارىن ۇسىنۋ
II. اقپاراتتىق اعارتۋشىلىق
III. باعدارلاۋ ءىس قىزمەت
IV. قارىم قاتىناس
باعالاۋ تاسىلدەرى جاتادى

تاربيە تاسىلدەرىنىڭ ءبىر ءتۇرى جايلى ايتار بولسام قارىم - قاتىناس ءتاسىلى بالالار مەن ەرەسەكتەردىڭ ءىس - قىزمەتى كەزىندەگى قاتىناسىنا نەگىزدەلىپ وقۋشىلاردىڭ قوعامدىق مىنەز قۇلىق نورمالارىن يگەرۋىنە كومەكتەسەدى. وقۋشىلار ءتارتىپ ەرەجەلەرى جونىندەگى اقپاراتتى توپتا، سىنىپتا، مەكتەپتە قۇراستىرىپ. ونى تومەنگى جانە جوعارعى سىنىپ وقۋشىلارى، مۇعالىمدەر، اتا انالار، ەرەسەك ادامدار اراسىندا جەتىلدىرەدى،

وسى تاربيە تاسىلدەرىن قولدانا وتىرىپ سىنىبىمىزدا «سالەم تۇزەلمەي - الەم تۇزەلمەيدى»، «ادەپتى بالا ارلى بالا» اتتى تاربيە ساعاتىن وتكىزدىم.
ناتيجەسىندە وقۋشىلار ەرەسەكتەرمەن جاقىن قارىم قاتىناس كەزىندە سويلەۋ ادەبىن، ادەپتىلىك مەكتەبىنىڭ سىرلارىن ۇعىندى.
كەلەسى تاربيە جۇيەسىنىڭ تيىمدىلىك ولشەمدەرىنىڭ بىرىنەن سانالاتىن ول تاربيە قۇرالدارى.
تاربيە قۇرالدارى دەگەنىمىز - وقۋشىلاردىڭ ادامدىق قاسيەتتەرىن قالىپتاستىراتىن، ءمۇعالىم مەن بالانىڭ ساناسىنا تاۋەلسىز ماتەريالدار.
تاربيە قۇرالدارى:
ءىس ارەكەت تۇرلەرى (ويىن ەڭبەك)
زاتتار (ويىنشىقتار، ەلەكتروندى ەسەپتەگىش ماشينالار)
رۋحاني جانە ماتەريالدىق مادەنيەت (ونەر، قوعام ءومىر)
بۇقارالىق اقپارات قۇرالدارى
پەداگوگيكالىق ىقپال جاساۋ قۇرالدارى
تاربيە جۇمىسىنىڭ ناتيجەلەرىن وقۋشىلاردىڭ مىنەز قۇلقى مەن ءىس - ارەكەتىن، ءوزىن - ءوزى تاربيەلەۋىن پەداگوگيكالىق باقىلاۋ جۇرگىزۋ ارقىلى بىلۋگە بولادى.
پەداگوگيكالىق باقىلاۋ ءادىسى تاربيەلىكتى انىقتاۋعا ارنالعان.
اۋىزشا جانە جازباشا ساۋالناما، تەستىلەر، تاربيەلىك ماقسات كوزدەلگەن شىعارمالار، ءوزىن ءوزى سەندىرۋگە ۇيرەتۋ، وقۋشىلاردىڭ بارلىق ءىس ارەكەتىنە تالداۋ جاساۋ قورىتىندى شىعارۋ ادىستەرى - بالانىڭ ءوزىنىڭ پەداگوگيكالىق پسيحولوگيالىق ەرەكشەلىكتەرىن تانۋ دامىتۋ ماقساتىندا كەڭىنەن قولدانىلۋدا.

وسى جۇرگىزىلەتىن تاربيە جۇمىستارى بارىسىندا قويىلاتىن پەداگوگيكالىق پسيحولوگيالىق تالاپتار
I. وقۋشىلاردىڭ جاس جانە دارا ەرەكشەلىكتەرىن زەرتتەپ، وقۋ - تاربيە پروسەسىن بالا دامۋىنىڭ زاڭدىلىقتارىنا سۇيەنىپ ۇيىمداستىرۋ.
II. تاربيە پروسەسىنىڭ ۇزدىك، ءارى كەشەندى ەرەكشەلىكتەرىن ەسكەرۋ.
III. پەداگوگتاردىڭ جەكە باسىنىڭ جانە ەڭبەك مادەنيەتىنىڭ جوعارى دارەجەدە بولۋى.
قورىتىندى
تاربيە جۇمىستارىن جۇرگىزۋدە، ولاردىڭ ادىستەرىن، تاسىلدەرىن، قۇرالدارىن بىرىگىپ قولدانۋ، ولاردىڭ بىرلىگى تاربيە جۇمىسىنا يگى اسەر ەتىپ، بالالاردىڭ ءبىلىمىن، ىسكەرلىگى مەن داعدىسىن تەرەڭدەتەدى، قوعامدىق ومىرگە، ەڭبەككە باۋليدى، ادامگەرشىلىك تاجىريبەسىن بايىتادى.