كەنەسارىنىڭ قالماقتان جارالعانى
ابىلاي قالماقتىڭ حانى ۋسا-زەرەڭ دەگەندى شابادى، ابىلايدىڭ قولى حاننىڭ ەكى قىزىن الىپ كەتەدى. سوندا قىزداردىڭ شەشەسى ارتىنان قۋىپ جەتىپ ابىلايعا بىلاي دەيدى: «ءسىزدىڭ قولىڭىزدىڭ ىشىندە ەكى قىزىم كەتىپ بارادى، سول ەكى قىزىمدى تاپسىرايىن دەپ ەدىم»، — دەيدى. «بۇل ەكى قىزىمنىڭ بىرىنەن باتىر تۋۋشى ەدى، بىرىنەن اۋليە تۋۋشى ەدى. بىرەۋىن ءوزىڭ ال، بىرەۋىن ءوزىڭ قاتار جاقسى دوسىڭا بەر»، — دەپتى. سول قىزدىڭ بىرەۋىنەن قاسىم تۋادى. ەكىنشىسى بىرەۋىن ابىلاي گەرەي-قۋرمان باتىرعا بەرەدى، ونان كەيىن كەنەسارىنىڭ قوزعالىسىنا قاتىسقان مارال تۋادى.
ناۋرىزباي جاپپاستىڭ ەلىن شاۋىپ، تۇندە سول ەلدىڭ بىرىندە جاتقاندا، جاپپاستىڭ باتىرى جانعابىل تولەگەن ۇلى كەلىپ تۇندە جاتقان ادامداردىڭ قارۋىن الىپ، ۇيىقتاپ جاتقان ادامداردىڭ توقسان ادامىن ولتىرەدى. سونىڭ ىشىندە ناۋرىزبايدىڭ دوس باتىرى بايتابىندى جالاڭاش قارۋسىز جاتقاندا، سورعا قاماپ ولتىرەدى. ءقازىر سول جەردى «بايتابىن سورى» دەپ اتايدى. كەنەسارى قالعان قولمەن امان شىعادى. سول جولى الدىن وراپ قۋعان جاۋدىڭ ناۋرىزباي جەتەۋىن نايزالاپ ءولتىرىپ كەتكەن، سونىڭ بىرەۋى كوكىر دەگەن باتىر، المەمبەت ءبيدىڭ بالاسى (اكەسى بەس جاپپاستى بيلەگەن).
وقۋعا كەڭەس بەرەمىز:
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
-
قوڭىرباي — نىساننىڭ ۇلكەن بالاسى. تىلەننەن نىسان تۋعان. قوڭىربايدى ءولتىرۋشى — ەرجان. سول جولى تىلەننىڭ جىلقىسىن شاۋىپ اكەتەدى. ەكىنشى رەت ەرجان، سارجاندار قورعالجىن جاعىنداعى ءتىنالى، تە...
-
XXI عاسىر - ينتەرنەت عاسىرى بولعالى قاشان. تەلەفوننان باس كوتەرمەي، ەسالاڭ كۇيدە جۇرگەندەيمىز. ينتەرنەتتىڭ ءتىلىن مىقتاپ ۇيرەنگەلى، قۇددى ونسىز ءومىر توقتاپ قالاتىنداي دەڭگەيگە جەتتىك. ءيا، عالامتوردى...
