قۋلىعىنا قۇرىق بويلامايتىن “ينتەرنەت الاياقتىق”
XXI عاسىر - ينتەرنەت عاسىرى بولعالى قاشان. تەلەفوننان باس كوتەرمەي، ەسالاڭ كۇيدە جۇرگەندەيمىز. ينتەرنەتتىڭ ءتىلىن مىقتاپ ۇيرەنگەلى، قۇددى ونسىز ءومىر توقتاپ قالاتىنداي دەڭگەيگە جەتتىك. ءيا، عالامتوردىڭ بەرەرى كوپ، ءتىپتى جەتىپ ارتىلادى. الايدا، ونىڭ تيگىزەر زيانى مەن زاردابى، الدامشى كوزبوياۋشىلىقتارى دا بار. سونىڭ ءبىرى “ينتەرنەت الاياقتىق.” ءسىز بەن ءبىز بىلمەيتىن ينتەرنەت رەسۋرستارىن ءتيىمدى جولمەن پايدالاناتىن اككى الاياقتار بۇگىندە اڭقاۋ قارا حالىقتى سان سوقتىرىپ ءجۇر. ءبىرىن ۇيىنەن، كولىگىنەن ايىرسا، ءبىرىن ءتىپتى ومىرىنەن ايىراتىنداي دارەجەگە جەتكىزەدى. بۇل قاشانعا دەيىن جالعاسا بەرمەك؟ ءالى قانشا حالىق الدانىپ، الاياقتىقتىڭ قۇربانى بولۋى كەرەك؟ كەز كەلگەنىمىزدىڭ بارماق تىستەپ قالمايتىنىمىزعا كىم كەپىل؟
“قارىزدان قۇتىلۋ، پايىزسىز نەسيە الىپ بەرۋ، جۇمىسقا ورنالاستىرۋ، بانكتەگى قارا تىزىمنەن شىعارىپ بەرۋ سىندى جىلتىراق جارنامالار الاياقتىقتىڭ العاشقى بەلگىلەرى. ال سول نەسيەسىن تولەي الماي، قارىزعا بەلشەسىنەن باتىپ جۇرگەندەردىڭ كوزىنە مۇنداي جارنامالار وتتاي باسىلادى. سودان قايتەدى؟ قاتتى ۇمىتتەنىپ، بار جيعان-تەرگەنىن ەش ويلانباستان سالىپ جىبەرەدى. تۇبىندە دىمسىز قالىپ، تاقىرعا وتىرىپ قالعاندارعا نە دەيسىز؟
ينتەرنەت الاياقتىقتىڭ دەڭگەيى كۇن ساناپ وسۋدە. وتكەن جىلى ەلىمىزدە ينتەرنەت الاياقتىققا قاتىستى 21تمىڭنان استام دەرەك تىركەلگەن. ال بۇل سان 2020تجىلى 14تمىڭنىڭ توڭىرەگىندە بولعان. ءىىم مالىمەتتەرىنە سەنسەك، 1200-دەن استام دەرەكتە جابىرلەنۋشىلەر ينتەرنەت رەسۋرستارىنا جەكە دەرەكتەرىن ەرىكتى تۇردە وزدەرى ەنگىزگەن. ال 2تمىڭعا جۋىق الاياقتىق ءتۇرلى جوبا، ويىندار، قارجى پيراميداسى، ءباس تىگەتىن ساۋدا ويىندارىندا ورىن العان. وسى جىل باستالعالى ەلىمىزدە بۇل كيبەر قىلمىستىڭ 2900 دەرەگى تىركەلگەن. ينتەرنەت الاياقتىق قازىرگى تاڭدا ەڭ كوپ تىركەلەتىن قىلمىس تۇرىنە جاتادى. بۇعان بايلانىستى جۇمىستار جۇرگىزىلىپ جاتىر. ءبىراق ءبىر قىنجىلتاتىنى وسى الاياقتاردىڭ قولعا تۇسپەۋىندە. عالامتور كوزدەرىن وتە جاقسى بىلگەندىكتەن ءبىر كەدەرگى تۋسا بولدى، دەرەككوزدەرىن بىردەن جويىپ، سىتىلىپ كەتۋدىڭ امال-تاسىلدەرىن ىزدەپ تۇرادى. سول ۇشىندە ينتەرنەت الاياقتىققا قۇرىق بويلاماي تۇر. ءبىراق قىلمىسكەرلەر اۋىزدىقتالۋ كەرەك.
قورىتىندىلاي كەلە، ۇيالى تەلەفونىڭىزعا كەلەتىن ءتۇرلى سمستەر مەن قوڭىراۋلارعا اباي بولىڭىز. الاياقتارعا تاپ بولۋدان ساقتانىڭىز. ءوز ءومىرىڭىزدى ءوزىڭىز قيىنداتپاڭىز.
You Might Also Like
-
ابىلاي قالماقتىڭ حانى ۋسا-زەرەڭ دەگەندى شابادى، ابىلايدىڭ قولى حاننىڭ ەكى قىزىن الىپ كەتەدى. سوندا قىزداردىڭ شەشەسى ارتىنان قۋىپ جەتىپ ابىلايعا بىلاي دەيدى: «ءسىزدىڭ قولىڭىزدىڭ ىشىندە ەكى قىزى...
-
بارلىق اتا-انا بالاسىن دەنى ساۋ، سانالى ادام ەتىپ ءوسىرۋدى ارماندايدى. امەريكالىق عالىمدار كوپ جىلعى زەرتتەۋلەرگە سۇيەنە وتىرىپ، بالانىڭ ينتەللەكتىسى كوپ جاعدايدا ءبىلىمنىڭ سانى مەن ساپاسىنا ەمەس، دۇ...
