كەرەكۋ توسىندە جۋرناليستەر قالام تەربەدى
تالاي اقىنعا جىر ارقاۋ بولعان ەرتىس- بايان ءوڭىرىنىڭ توسكەيىندە، ءحى رەسپۋبليكالىق جۋرناليستەر اراسىندا پاندىك وليمپيادا ءوتىپ جاتىر. قىنابىنان قىل سۋىرعانداي وتكىر تىلدەرى تاس جاراتىن تىلشىلەر بىرنەشە كەزەڭ بويىنشا سىڭعا ءتۇستى. ەكى كۇنگە سوزىلعان سايىس جىلداعىدان تىم ەرەك. سەبەبى، ولكەدەن العان ءوڭىر تۋرالى بەينەروليك كورسەتۋ بۇرىن سوڭدى بولماعان-دى. سونىمەن قاتار، ۇستازدار اراسىندا جەرەبە تارتىلىپ، ساراپشى انىقتالدى.
بىرنەشە كوماندا باس قوسقان شارا تاڭمەن تالاسا باستالدى. اۋەلگىدە تىركەۋدەن وتكەن توپتاردىڭ رەتتىك ساندىرى انىقتالىپ، س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ستۋدەنتتەرى بىرنەشە كونسەرتتىك نومەرلار ۇيىمداستىردى. ءبىرىنشى كەزەڭ تانىستىرۋ اينالىمىندا ءار توپ ءوز وقۋ ورىندارىن تانىستىرىپ، «ۇلى دالا ۇلاعاتى» تاقىرىبىندا دايىندالىپ اكەلىنگەن جۋرناليستىك شەبەرلىگىن بەينە روليك كورسەتىلدى. ارتىنشا كوماندا قاتىسۋشىلارى ەسسە بايقاۋى بويىنشا سىڭعا ءتۇستى. ءتۇس اۋا پوۆلادار قالاسىنىڭ كورىكتى جەرلارىن ارالاپ، اۋعان ارداگەرلەرى پاركىنە، بۇقار جىراۋ مۋزەيىنە، س.تورايعىروۆ ەسكەتكىشتەرىنىڭ ەرەكشە قىرلارى تانىستىرىلدى.
كەلەسى كۇنى ءتورت پاننەن قۇرىلعان تەست سۇراقتارىنا جاۋاپ بەرىپ، جەدەل اقپارات كەزەڭى بويىنشا ءار توپ بلوك سالۋى ءتيىس بولدى. قورتىندى كەزەڭدە «ەرتىس بايان ءوڭىرى مەنىڭ اسەرىمدە» تاقىرىبىندا بەينە روليك كورسەتىلمەك.
«گازەت حالىقتىڭ ءۇنى، قۇلاعى ءھام ءتىلى» دەپ احمات بايتۇرسىنوۆ اتامىز ايتقانداي، جۋرناليست حالىق پەن بيلىك اراسىنداعى التىن كوپىر. سۇلتانماحمۇتتىڭ جەرىندەگى بيىلعى سايىس قاتىسۋشى جادىندا ماڭگى قالارى ءسوزسىز.
You Might Also Like
-
جاس جۋرناليستەردىڭ حI رەسپۋبليكالىق پاندىك وليمپياداسى ءداستۇرلى جالعاسىن پاۆلودار قالاسىندا تاۋىپ وتىر. س.تورايعىروۆ اتىنداعى ءبىلىم ورداسىندا 17 جوو-نىڭ شاكىرتتەرى باس قوستى.
