قاتىسۋشىلاردى قارا جورعامەن قارسى الدى
جاس جۋرناليستەردىڭ حI رەسپۋبليكالىق پاندىك وليمپياداسى ءداستۇرلى جالعاسىن پاۆلودار قالاسىندا تاۋىپ وتىر. س.تورايعىروۆ اتىنداعى ءبىلىم ورداسىندا 17 جوو-نىڭ شاكىرتتەرى باس قوستى.
الىس جولدان بويكۇيەز تارتىپ كەلگەن ستۋدەنتتەردى تاماشا سەرگىتۋ ءساتى توسىپ تۇردى. قارا جورعا بيلەپ بولعان قاتىسۋشىلار سايىستىڭ قامىنا كىرىستى. العاشقى ءسوز كەزەگىن العان س.تورايعىروۆ اتىنداعى پمۋ رەكتورى گاۋحار احمەتوۆا:
– XX عاسىردىڭ باسىندا الاش ازاماتتارى قازاق جۋرناليستيكاسىنىڭ نەگىزىن قالادى. حالىقتىڭ قوعامدىق ساناسى مەن ساياسي كوزقاراسىنىڭ قالىپتاسۋىنا زور ىقپال ەتتى... جۋرناليستيكا – كۇندەلىكتى ءومىردىڭ ايناسى. ول اركەزدە ءوز بيىگىنەن كورىنەدى. سوندىقتان جۋرناليستىك بىلىم-بىلىگىن كورسەتەمىن دەپ كەلگەن جاستارىمىزعا ساتتىلىك تىلەيمىن، – دەپ لەبىز ءبىلدىردى.
سايىس تانىستىرۋ، ەسسە جازۋ، تەست، جەدەل اقپارات سىندى كەزەڭدەردەن تۇرادى. وليمپيادانىڭ ءبىرىنشى كۇنىندە ەكى كەزەڭدى ەڭسەرگەن ستۋدەنتتەر پاۆلودار قالاسىن ارالاپ، بوي جازىپ قايتتى. سونداي-اق بۇل جىلدىڭ جاڭالىعى – كەرەكۋ ءوڭىرى تۋرالى بەينەسيۋجەت دايىنداۋ. «ەرتىس-بايان ءوڭىرىنىڭ تاريحى مەن كەلبەتى مەنىڭ اسەرىمدە» اتتى بەينەسيۋجەتتە قاتىسۋشىلار ەكسكۋرسيادان تۇيگەن ويلارىن جەتكىزىپ باقتى.
– رەسپۋبليكالىق پاندىك وليمپياداعا العاش رەت قاتىسۋىم. دەڭگەيى وتە جوعارى. قاي كوماندا بولماسىن، جوعارى دايىندىقپەن كەلگەندىكتەرى بايقالىپ تۇر. بۇل جەردەن ۇلكەن تاجىريبە الىپ، ءوز مۇمكىندىگىمىزدى بارىنشا كورسەتۋگە كەلدىك، – دەدى امانجولوۆ اتىنداعى ۋنيۆەرسيتەتتەن كەلگەن «التاي اقپارات» كومانداسىنىڭ مۇشەسى التىناي باقىتجان قىزى.
بۇگىن سايىستىڭ سوڭعى كۇنى. بەس سايىس كەزەڭى بويىنشا جەڭىمپاز انىقتالاتىن بولادى.
س. امانجولوۆ اتىنداعى شقمۋ-دىڭ 3-كۋرس ستۋدەنتتەرى
You Might Also Like
-
تالاي اقىنعا جىر ارقاۋ بولعان ەرتىس- بايان ءوڭىرىنىڭ توسكەيىندە، ءحى رەسپۋبليكالىق جۋرناليستەر اراسىندا پاندىك وليمپيادا ءوتىپ جاتىر. قىنابىنان قىل سۋىرعانداي وتكىر تىلدەرى تاس جاراتىن تىلشىلەر ب...
-
قازاقتىڭ قاي جەرىندە بولسا دا مولدا تارالماعان، از-ازداپ بولسا دا توتە وقۋ جايىلماعان جەر جوق ەسەبىندە. سول مولدا اتانعان ادامدارىمىز مەيلى ەسكى جولدىڭ قۋ ءمۇيىزدى، قۇلقىن وڭەشتىلەرى بولسىن، مەيلى ج...
