InfoHub Logo

يا، كوفە وتە سەرگىتەدى جانە ءدامدى. ءبىراق كەيبىر جاندار كوفەينگە تاۋەلدىلىكتەن نەمەسە مەديسينالىق قارسى كورسەتىلىمدەردەن كوفەدەن ارىلۋدىڭ بالاما ءادىسىن ىزدەۋگە ءماجبۇر. ديەتولوگتار تاڭعى اس ورنىنا كەڭەس بەرەتىن بىرنەشە سۋسىن:

كوك ءشاي

كوك ءشايدىڭ اللەرگيانى جەڭىلدەتۋگە، ءتىس اۋرۋىنىڭ الدىن الۋعا جانە كورۋ قابىلەتىن جاقسارتۋعا بولاتىندىعى ءارتۇرلى زەرتتەۋلەرمەن دالەلدەندى. سونداي-اق، حولەستەريندى قالىپقا كەلتىرۋگە كومەكتەسەدى. قۇرامىندا كوفەگە قاراعاندا كوفەين از، سوندىقتان ۇيقىنىڭ بۇزىلۋىنا زاردابىن تيگىزبەيدى.

ايران

بۇل اسقازانى «مازاسىز» جاندارعا تاماشا سۋسىن. ويتكەنى، ايران — پروبيوتيكتەردىڭ كوپ مولشەرى بار ءسۇت ءونىمى. يوگۋرتقا قاراعاندا، ونىڭ قۇرامىنداعى پايدالى باكتەريالار (يا، باكتەريانىڭ دا پايدالىسى بولادى) الدەقايدا الۋان ءتۇرلى بولاتىندىقتان، يوگۋرت ورنىنا ايراندى ىشكەن ابزالىراق.

ليمون سۋى

اش قارىنعا ليمون شىرىنى قوسىلعان ءبىر ستاقان سۋ — ءتۇن ىشىندە جوعالعان ورگانيزمدەگى سۇيىقتىقتى تولتىرادى (كوپ تەرلەمەسەڭىز دە، ىلعال ۇنەمى تەرىنىڭ بەتىنەن بۋلانىپ كەتىپ وتىرادى). جارتى ليموننىڭ شىرىنىن 200 مل سۋعا قوسىپ ىشەسىز نەمەسە ءوزىڭىزدىڭ ىشەتىن نورماڭىزعا بايلانىستى. وسىلايشا ءسىزدىڭ دەنەڭىزگە س ءۆيتامينى مەن پوليفەنولدار جەتكىلىكتى تۇسەدى. پوليفەنولدار — پايداسى مول انتيوكسيدانتتار. ەگەر ءسىز كۇندەلىكتى تاڭەرتەڭ وسىنداي سۋسىن ىشەتىن بولساڭىز، يممۋنيتەتىڭىز كۇشەيىپ، تەرىڭىز جاقساراتىنىنا كۇمانىڭىز بولماسىن.

سمۋزي

بۇل وتە تانىمال سۋسىن بولعانمەن، ونىڭ قانشالىقتى پايدالى بولاتىندىعى وعان قوسىلاتىن ينگرەديەنتتەرگە بايلانىستى. مىسالى، جەمىستەردى كوپ قوسپاۋىڭىز كەرەك — ولار قانداعى قانتتى ارتتىرۋى مۇمكىن. شپينات، قىزىلشا، ورامجاپىراقتان نەمەسە باسقا ءوزىڭىزدىڭ سۇيىكتى كوكونىستەرىڭىزدەن قوسساڭىز بولادى. اقۋىز تۋرالى ۇمىتپاڭىز — مايسىز ءسۇت نەمەسە ارنايى پروتەين ۇنتاعىنان قوسىڭىز. ال ءسمۋزيدى ودان دا پايدالى ەتۋ ءۇشىن اۆوكادومەن قابىلداۋعا بولادى. بۇل پايدالى مايلاردىڭ تاماشا كوزى، ول سىزگە ۇزاق ۋاقىت بويىنا قارنىڭىزدىڭ اشپاۋىنا كومەكتەسەدى.

وقۋعا كەڭەس بەرەمىز:

كەرەمەت اسەرى بار تابيعي "ەنەرگەتيكتەر"

---