كوكەيكەستى (ءىى نۇسقا)
تاتتىمبەت ءومىرىنىڭ سوڭعى جىلدارى بولسا كەرەك. بىردە كۇيشى قاتتى ناۋقاستانىپ قالادى. سوندا ول ءوزىنىڭ باسىنان كەشكەن ءومىرىن ەسكە الىپ، حالقىنىڭ الدىندا وتەلگەن-وتەلمەگەن پارىزىن وي تارازىسىنا سالادى دا، وزىنەن-وزى مۇڭعا باتادى. «كوكەيدە جۇرگەن ارمانىمدى تولعاي الماي كەتەتىن بولدىم-اۋ» دەپ شيرىعادى، جانارىنا ىستىق جاس ۇيىرىلەدى. مۇڭداس-سىرلاس دوس-جاراندارىنىڭ حال-جايىن ويلايدى. ءسويتىپ، تولعانىپ جاتقاندا ەلدىڭ ءبىر ازاماتى كەلىپ كوڭىلىن سەرپىلتكىسى كەلەدى. تاتتىمبەت كۇيلەرىنىڭ ەل اراسىنا كەڭ تارالعانىن، مۇراگەر شاكىرتتەرىنىڭ كوبەيىپ كەلە جاتقانىن اڭگىمەگە ارقاۋ ەتەدى. ءبىراق تاتتىمبەت ءوز ارمانىنىڭ ءالى ورىندالماعانىن ويلاپ، ىشتەي نازالانادى. وسى تۇستا كۇي تولعاعىسى كەلىپ، دومبىراسىنا قول سوزادى. وتىرعاندار جۇككە سۇيەۋلى تۇرعان قوڭىر دومبىراسىن قولىنا ۇستاتادى. تاتتىمبەت جاستىعىن بيىكتەتىپ، دومبىرانى كەۋدەسىنە سۇيەپ، شالقالاپ جاتىپ، سىرى تەرەڭ، تولعانىستى ءبىر كۇي تارتادى. كۇڭىرەنگەن كۇي اۋەنى وتىرعانداردىڭ ساي-سۇيەگىن سىرقىراتادى. «بۇل كۇيىڭىزدى جاڭا ەستىپ وتىرمىز، قانداي كۇي بولدى ەكەن؟» — دەپ سۇرايدى. سوندا، تاتتىمبەت: «كوكەيكەستى» بولسىن، — دەگەن ەكەن.
You Might Also Like
-
كۇيدىڭ قالاي تۋىلعاندىعى تۋرالى مىناداي شەجىرە بار. ەسىمى ەل كوڭىلىندە ۇيالاعان كۇيشى كورەر تىرلىگىن دە اقىرلاستىرىپ قالادى. ءومىرىنىڭ سوڭعى كەزىندە اۋرۋ ازابىن شەگىپ، ۇزىلەر سوڭعى ءدامىن كۇتىپ جاتقان...
-
تاتتىمبەت ومبىعا بارعان ساپارىندا شىڭعىس ءۋاليحانوۆ، مۇسا شورمانوۆ، ىبىراي جايىقبايەۆ، تاعى باسقا ءبىرتالاي بي، تورەلەرمەن ساپارلاس بولادى. كەيبىر شونجارلاردىڭ جول-جونەكەي ەلدى قاتتى شىعىنعا ۇشىراتىپ،...
