كوكەيكەستى (ءى نۇسقا)
كۇيدىڭ قالاي تۋىلعاندىعى تۋرالى مىناداي شەجىرە بار. ەسىمى ەل كوڭىلىندە ۇيالاعان كۇيشى كورەر تىرلىگىن دە اقىرلاستىرىپ قالادى. ءومىرىنىڭ سوڭعى كەزىندە اۋرۋ ازابىن شەگىپ، ۇزىلەر سوڭعى ءدامىن كۇتىپ جاتقان كۇيشىگە كۇللى قازاقتىڭ ءبىرتالاي جەردەگى يگى جاقسىلارى جينالىپ بارادى. كوڭىلىن سۇراپ، جاقسى جۇباتۋلارىن ايتىپ وتىرعان توپقا الدەن ۋاقىتتا تاتتىمبەت، اۋرۋ توسەگىنە سۇيەۋلى تۇرعان جان سەرىگى — دومبىراسىن الىپ، عاجايىپ ءبىر كۇي شەرتەدى. كۇي اياقتالا سالا وتىرعان توپ بۇل كۇيدىڭ قايسى كۇي ەكەندىگىن سۇراپ بىلگىلەرى كەلەدى. سوندا كۇيشى، بۇل كۇيىمنىڭ اتى «كوكەيكەستى» بولسىن دەيدى. كۇيشىنى كۇزەتىپ، سۋسىن بەرىپ، اجالمەن تالاسىپ وتىرعان شاكىرتى ءارى ءىنىسى جاقسىمبەت كۇيشى تاباندا بۇل كۇيدى جاتقا الادى. كۇي وسىلاي تۋىلىپ، كەيىن جاقسىمەت ارقىلى ەلگە تاراپ، زامانىمىزعا جاتادى.
You Might Also Like
-
بەجەڭنىڭ اينەپ، زاينەپ دەگەن ەكى قىزى بولعان ەكەن. اراسى ءبىر جاسار تەتەلەس وسكەن ەكى بالا بەجەڭ ۇيىندە بولسا، قاسىنان شىقپاي ەركەلەپ، اكەلەرىنەن ەكى ەلى ايىرىلمايتىن بولىپتى. ەكى بالاسىنىڭ مەيىرى ب...
-
تاتتىمبەت ءومىرىنىڭ سوڭعى جىلدارى بولسا كەرەك. بىردە كۇيشى قاتتى ناۋقاستانىپ قالادى. سوندا ول ءوزىنىڭ باسىنان كەشكەن ءومىرىن ەسكە الىپ، حالقىنىڭ الدىندا وتەلگەن-وتەلمەگەن پارىزىن وي تارازىسىنا سالادى ...
