InfoHub Logo

كوكشەتاۋدا مەكتەپ وقۋشىسى الەكساندر دانيلوۆ مي يمپۋلسىن باسقاراتىن قۇرىلعى ويلاپ تاپتى، دەپ جازدى «ەگەمەن قازاقستان» گازەتى بۇگىنگى سانىندا.

اۆتورلىق جۇمىسىنىڭ ارقاسىندا ول حالىقارالىق كونكۋرستا ەكىنشى ورىندى يەلەندى. بۇل قۇرىلعىعا ماماندار ەرەكشە قىزىعۋشىلىق تانىتىپ وتىر. ال ەلىمىزدىڭ ءبىرقاتار جوعارى وقۋ ورىندارى 11 سىنىپ وقۋشىسىن گرانت نەگىزىندە وقۋعا قابىلداۋعا دايىن.

جاڭا قۇرىلعىنى №19 في­زيكا-ماتەماتيكالىق مەكتەپتىڭ وقۋشىسى ءوزىنىڭ ۇستازى ۆيكتور گايدارەنكونىڭ كومەگىمەن قۇراستىرىپ شىعارعان. ول زەرتتەۋ جۇمىسىمەن بەسىنشى سىنىپتان بەرى اينالىسىپ كەلەدى ەكەن.

- ادام بىلەگىنە جالعانعان سىم ارقىلى ءبىز بيويمپۋلستى الامىز. الاقانىمدى قىسقان كەزدە بيوتوك ترانسفورماتورعا ءتۇسىپ، مىڭ ەسە كۇشەيەدى. وسىدان سوڭ اتقارۋشى مەحانيزمدى ىسكە قوساتىن سىزبانۇسقاعا ورنالاسادى. حالىقارالىق كونكۋرستا ەكىنشى ورىن العانىم ءۇشىن ماعان ۇبت-نىڭ 125 بالدىق سەرتيفيكاتىن تاپسىردى، - دەيدى الەكساندر دانيلوۆ.

بۇل مەكتەپتە دارىندى بالالار جەتكىلىكتى. الەكساندر سياقتى تالانتتى مەكتەپ وقۋشىلارىنىڭ ءبىرى - باقتيار قاباشيەۆ. ول جارامسىز بولىپ قالعان ليۋمينيسەنتتىك شامداردى ەكىنشى مارتە قول­دانۋدىڭ جولدارىن ويلاپ تاپتى.

- جۇرت كۇيىپ كەتكەن شامداردى قوقىسقا تاستاۋدى ءجون كورەدى. ال ولاردىڭ قۇرامىندا ادام دەنساۋلىعىنا كەرى اسەرىن تيگىزەتىن سىناپ بار. وسىعان بايلانىستى مەن ليۋمينيسەنتتىك شامداردى قايتادان پايدالانۋدىڭ جولدارىن قاراستىردىم. الداعى ۋاقىتتا بۇل ەكى كوندەنساتور التى ديود جانە ءبىر رەزيستوردىڭ كومەگىمەن جۇمىس ىستەيتىن بولادى، - دەدى باقتيار قاباشيەۆ.

ايتا كەتەيىك، عالىمدار الەك­ساندر دانيلوۆتىڭ جوباسىن ونەر­كاسىپتە، مەديسينادا، اۆياسيا­دا جانە تۇرمىستىق جاعدايلاردا قولدانۋعا بولادى دەپ سانايدى. ال باقتيار قاباشيەۆتىڭ جۇمىسى ليۋمينيسەنتتى شامداردىڭ ءقاۋىپ­تىلىگىنەن ساقتايدى.

---